32 წლის მსახიობი ლილი კოლინზი და 38 წლის რეჟისორი, ჩარლი მაკდოუელი ერთმანეთს თითქმის ორი წელი ხვდებოდნენ და გასული წლის სექტემბერში დაინიშნენ. ახლახანს კი ვრცელდება ინფორმაცია, რომ ნიშნობიდან ერთი წლის თავზე წყვილი დაქორწინდა.
ფოტოები სოციალურ ქსელებში თავად წყვილმა განათავსა. წყაროს ცნობით ქორწილი 4 სექტემბერს, კოლორადოში გაიმართა.
ლილის Ralph Lauren–ის კაბა ეცვა. აღსანიშნავია, რომ ბრენდი საქორწინო კაბებს იშვიათად კერავს, თუმცს პრიანკა ჩოპრას და ახლა უკვე ლილის ქორწილში სწორედ ამ ბრენდის კაბის ჩაცმის სიამოვნება ერგოთ.
ფოტოებში აღბეჭდილი ზღაპრული ადგილი დანტონის ცხელ წყლებთან მდებარე 12 კაბინიანი სასტუმროა, რომელიც 1800-იან წლებში მოჩვენებათა ქალაქად იყო ცნობილი ახლა კი ერთ–ერთი საუკეთესო კურორტია მათთვის, ვისაც მთაში დასვენება უყვარს. ეს ადგილი ალპურ ხეობაში მდებარეობს და გამოირჩევა 14,000 ფუტიანი მთის მწვერვალებით, ასპენის ხეებით, მდინარეებითა და მდელოებით.
