ლე კორბუზიე, იგივე შარლ ედუარდ ჟანერე, მე-20 საუკუნის ყველაზე პოპულარული არქიტექტორი გახლავთ, რომელმაც საფუძველი მოდერნისტულ არქიტექტურას ჩაუყარა და თავის გუნდთან ერთად არაერთი შენობა დააპროექტა. მათ შორის არის შანდიგარის ასამბლეას სასახლე Villa La Roche, რომელიც დღეს სახლ-მუზეუმადაა გადაკეთებული და ლე კორბუზიეს 8000-მდე ნამუშევარს ინახავს; ურბანული საცხოვრისის პროექტი, რომელიც პარიზის ისტორიულ ძეგლად იქცა, Cite de Refuge და სხვა.
მან ავეჯის შექმნა თავის ბიძაშვილ, პიერ ჟანერეტთან და შარლოტა პერიანდთან ერთად დაიწყო. მისივე ნაცნობები ყოველთვის აღნიშნავდნენ ლე კორბუზიეს მკაცრ, ცივსა და ამავდროულად, თბილ ხასიათს, რომელთა შტრიხები კარგად ეტყობოდა ავეჯს, რომელსაც იგი ქმნიდა. ამდენად, მის ნამუშევრებში მარტივი შესამჩნევია შემქმნელის ორმხრივი ბუნება, რომელიც ნებისმიერი გემოვნების ადამიანს მოაწონებს თავს და მარტივად გახდება მისთვის სასურველი ნივთი.
სარკე, უჟანგავი ფოლადი და იტალიური ტყავი − ეს ის ერთობლიობაა, რომელიც ლე კორბუზიეს ორიგინალურ, თანამედროვე, დახვეწილ და ყველასათვის საყვარელ ავეჯს ქმნის. აღსანიშნავია ის ფაქტიც, რომ მისი სკამების ნაწილი მოდერნიზმის კლასიკადაა მიჩნეული.
