OK! გაესაუბრა ეკა ყურშიტაშვილს, რომელმაც საქართველოში პირველმა დანერგა წამწამების ღეროვანი დაგრძელების იაპონური მეთოდი, შექმნა ბრენდი და აკადემია, რომელიც ამ საქმიანობის დეტალურად შესწავლის შესაძლებლობას იძლევა. Ekuna’s Lash Dolls არის საუკეთესო არჩევანი იმისათვის, რომ ჩატარებული პროცედურა იყოს შედეგიანი და ეფექტური. აქ წარმოდგენილია უმაღლესი ხარისხის ხელსაწყოები, წამწამები და მოსახერხებელი ლეიბები თქვენი მომხმარებლის კომფორტისთვის. დეტალური ინფორმაციისთვის გაეცანით ინტერვიუს.
გვიამბეთ თქვენი საქმიანობის შესახებ.
წლების წინ, როდესაც თავად გახლდით მომხმარებელი და მსურდა წამწამების ღეროვანი დაგრძელება, ხშირად შედეგით უკმაყოფილო ვრჩებოდი, რამაც განაპირობა ჩემი მხრიდან ამ მიმართულების შესწავლის სურვილის გაღვივება. დავუკავშირდი ოფთალმოლოგებს, გავიარე მათთან კონსულტაცია, შევისწავლე ახალი იაპონური მეთოდი და დავიწყე წამწამების ღეროვანი დაგრძელების პროცედურების ჩატარება. საქმეს დიდი სერიოზულობითა და პასუხისმგებლობით ვეკიდები, ვინაიდან თვალი არის ორგანო, რომელიც ძალიან მარტივად შეიძლება გაღიზიანდეს, თუ მასზე არასწორად ვიმოქმედებთ.
როგორ გახდით ყველაზე მოთხოვნადი სპეციალისტი საქართველოში?
ძალიან დიდი შრომა და ენერგია დასჭირდა პირველობისთვის ბრძოლასა და საზოგადოების დარწმუნებას იმაში, რომ ეს პროცედურა არანაირ საფრთხეს არ წარმოადგენს მათთვის. ჩემ მიერ ჩატარებული პროცედურებისადმი მოთხოვნის ზრდა აგრეთვე იმან განაპირობა, რომ იაპონური ტექნოლოგია საქართველოში პირველმა შემოვიტანე და დავნერგე. აღსანიშნავია ისიც, რომ ამ მეთოდით წამწამების ღეროვანი დაგრძელება სრულიად უვნებელია და თვალს არ აზიანებს.
გვიამბეთ Lash Dolls Academy-ის შექმნის ისტორია.
ძველი ტექნოლოგია, რა თქმა უნდა საინტერესოა, თუმცა მას ძალიან დიდი დრო სჭირდება. ახალი პროდუქციის შექმნამ კი ტექნოლოგიის გამარტივებისკენ გვიბიძგა, რამაც Lash Dolls Academy-ის ბაზარზე გამოჩენას შეუწყო ხელი, ახლა კი საკმაოდ დიდი მოთხოვნით სარგებლობს, ვინაიდან ჩვენთან მოკლე დროში უახლესი (იაპონური) ტექნოლოგიის შესწავლაა შესაძლებელი.
გაგვაცანით თქვენი ბრენდი უფრო დეტალურად.
ვინაიდან ყოველთვის პრობლემურ საკითხად რჩებოდა ხარისხიანი ხელსაწყოების შეძენა, შევქმენი საკუთარი ბრენდი − Ekuna’s Lash Dolls. აქ წარმოდგენილია პინცეტები, წამწამები (ახალი ხარისხის წამწამები ბევრად ეფექტურია და სამუშაოდ მარტივია) და მოსახერხებელი ლეიბები. ჩემი პროდუქციის შეძენა მოსწავლეებს ადგილზე შეუძლიათ. აღსანიშნავია ისიც, რომ საქართველოში 150-ზე მეტი პროფესიონალი სწორედ ამ ხელსაწყოებით მუშაობს.
მუშაობის პროცესში რა წარმოადგენს თქვენს ძირითად პრინციპს?
ჩემთვის პრინციპულად მნიშვნელოვანია ის ფაქტი, რომ მომხმარებელმა მიიღოს ზუსტად ისეთი მომსახურების სერვისი, როგორსაც მოელის. შესაბამისად, ყოველთვის მაქსიმუმს ვაკეთებ მაღალი ხარისხისა და კარგი რეპუტაციის განსამტკიცებლად და ადამიანების კიდევ უფრო გასალამაზებლად.
სამომავლო გეგმები.
სამომავლოდ, ვგეგმავ საზღვარგარეთ წასვლას კვალიფიკაციის ამაღლების მიზნით. აგრეთვე, ვინაიდან ჩემი პროდუქციის შეძენის საშუალება, მისი რაოდენობიდან გამომდინარე, მხოლოდ ჩემს მოსწავლეებს აქვთ, ვფიქრობ საქართველოში მაღალი ხარისხის იმ რაოდენობის პროდუქციის შემოტანას, რომელიც საკმარისი იქნება ყველა სხვა სპეციალისტისთვის.
მოდელი: თათა ლიპარტელიანი
ტექსტი: მარიამ მთივლიშვილი
ფოტო: ალექსეი სეროვი
