ჟურნალ OK!-ის მკითხველი მრავალპროფილიან სასწავლო ცენტრს – Language Centre (LC)-ს კარგად იცნობს. ცენტრი 15 წელია წარმატებით მუშაობს უცხო ენების, სასკოლო-სააბიტურიენტო საგნების და მასწავლებელთა კომპეტენციის დასადასტურებელი გამოცდის ჩასაბარებელი მოსამზადებელი პროგრამების მიმართულებით. Language Centre (LC)-ის შექმნის იდეა ინგლისური ენის ფილოლოგს, ია რაზმაძეს მაშინ გაუჩნდა, როდესაც მის გარშემო მეგობრები ხშირად აღნიშნავდნენ, რომ ბაზარზე არ იყო ისეთი სივრცე, სადაც აბიტურიენტი ერთდროულად შეძლებდა როგორც უცხო ენებში, ასევე სხვა საგნებში მომზადებას. იდეამ გაამართლა და ცენტრმა თავისი ადგილი დაიმკვიდრა საგანმანათლებლო ბაზარზე. აგერ უკვე 15 წელია ინარჩუნებს პროფესიონალიზმით ნაშენებ რეპუტაციას.
ქალბატონო ია, რამ განაპირობა Language Centre (LC)-ის წარმატება?
(ია რაზმაძე): ამ 15 წლის მანძილზე იყო არაერთი დაბრკოლება და გამოწვევა, თუმცა სურვილი ისეთი დიდი იყო, რომ ჩვენ ეს შევძელით. ჩვენ და არა მე, მხოლობითში საუბარი წარმატების შესახებ არ იქნება სწორი, რადგან წარმატებას ცენტრმა სრულ გუნდთან ერთად მიაღწია, დიდი შრომის და მონდომების შედეგად.
დღეს უკვე დიდია კონკურენცია ბაზარზე, 15 წლის წინ კი რთული საპოვნი იყო ხარისხიანი სასწავლო ცენტრი, სადაც მოსწავლე შეძლებდა უცხო ენების და სხვა საგნების შესწავლას ერთ სივრცეში.
თავდაპირველად Language Centre-ი (LC) უცხო ენებით გამოჩნდა ბაზარზე: ინგლისური, რუსული, გერმანული, ფრანგული, იტალიური, ესპანური, თურქული, არაბული ენებით. ინგლისური მთავარი ღერძი იყო და არის მთელი ეს წლები. A 1 დონიდან C 2 დონის ჩათვლით, ასაკის შეუზღუდავად. საერთაშორისო გამოცდებისთვის მომზადება ( IELTS-ი, TOEFL-ი, FCE-ი, CAE, SAT-ი…. ) ბიზნესინგლისური, სასაუბრო (ე.წ. სფიქინგის) გაკვეთილები (ყოველი კურსის დასრულებისას გაიცემა ცოდნის დამადასტურებელი სერტიფიკატი).
თითოეული პედაგოგის თავდადება, მათი მაღალი პროფესიონალიზმი, საგნის სიყვარული, გუნდურობა და შედეგად უამრავი წარმატებული მოსწავლე გახდა მოტივი-მიზეზი, ერთ ადგილზე არ გავჩერებულიყავით. დაარსების მეორე წელს ცენტრმა მეორე მიმართულება გახსნა, სასკოლო-სააბიტურიენტო საგნები (ქართული, მათემატიკა, ისტორია, გეოგრაფია, ქიმია, ფიზიკა, ბიოლოგია), მათ შორის ხატვა და ხაზვა.
წლების მანძილზე დაგროვილი გამოცდილება, პროფესიონალიზმი და მუდმივად განვითარების სურვილი გახდა მიზეზი იმ წარმატებისა, რომ ცენტრმა მეორე და მოგვიანებით კი მესამე ფილიალი გახსნა სხვადასხვა ლოკაციაზე: ვაჟა-ფშაველას გამზ.# 78ა, მოსკოვის გამზ.#45 და ქ. რუსთავი, გ. ლეონიძის ქ.#12
რა გამოგარჩევთ ბაზარზე არსებული სხვა ცენტრებისგან?
ჩვენი სასწავლო ცენტრი თანამშრომლობს არაერთ ბრიტანულ ინსტიტუტთან. ამის ფარგლებში, ვიღებთ რჩევებს სწავლების მეთოდებთან დაკავშირებით.
გარდა ამისა, ცენტრის უცხო ენის პედაგოგები გამოწვევად იღებენ მოსწავლეების ისეთ პოპულარულ ფრაზას, როგორიცაა „მესმის, მაგრამ ვერ ვსაუბრობ“. შესაბამისად, ოთხივე უნარ-ჩვევის კომბინაცია, რომელიც გულისხმობს წერას, კითხვას, მოსმენასა და საუბარს, თანაბრადაა გადანაწილებული სწავლების პროცესში და უფრო მეტიც, სისუსტის აღმოფხვრის თვალსაზრისით, მეტი აქცენტი კეთდება ამა თუ იმ პრობლემის დაძლევაზე. ვხელმძღვანელობთ ე.წ. ეკლექტური მიდგომით. რაც მოიცავს სხვადასხვა მეთოდის კომბინაციას: გრამატიკულ-მთარგმნელობითი მეთოდი (GrammarTranslation Method), აუდიოლინგვალური მეთოდი (Audio-Lingual Method), კომუნიკაციური მიდგომა ენის სწავლებაში (Communicative Language Teaching), დავალებაზე ორიენტირებული ენის სწავლება (Task-based Language Learning), სრული ფიზიკური რეაგირება/პასუხი (Total Physical Response), პირდაპირი მეთოდი (Direct Method), ბუნებრივი მეთოდი (Natural Method) და სხვ. რომელსაც პედაგოგი ინდივიდუალურად არგებს როგორც ჯგუფს, ასევე თითოეულ მოსწავლეს ასაკისა და მიზნების გათვალისწინებით.
ასევე, ცენტრში დანერგილი გვაქვს თანამედროვე ტექნოლოგიები და ერთ-ერთი მეთოდი საგნების სრულყოფილად სწავლებისთვის, მოგეხსენებათ, არის IT-ის გამოყენება. კვლევა-ძიების, კრიტიკული აზროვნების და შემოქმედებითი უნარის განვითარებისთვის ვიყენებთ კომპიუტერზე ადაპტირებულ ტესტებს, სიმულაციებს და ვირტუალურ ლაბორატორიებს საბუნებისმეტყველო საგნებში.
რა გაძლევთ მოტივაციას?
სწორად დაგეგმილი პროგრამა, ზუსტად შერჩეული სახელმძღვანელო და უამრავი წარმატებული მოსწავლე-სტუდენტი – ესაა ჩემთვის უდიდესი მოტივაცია. შრომისმოყვარესთან ერთად მაქსიმალისტი ვარ და ყოველთვის ვცდილობ მივაღწიო დასახულ მიზანს.
მინდა აღვნიშნო, რომ ცენტრის განვითარების გზა არ გულისხმობს მხოლოდ სხვადასხვა მეთოდის გამოყენებასა და დახვეწას, არამედ სხვადასხვა გამოწვევის მიღებასა და დროულ რეაქციას. არ შემიძლია არ გავიხსენო პანდემია და მასთან დაკავშირებული რეგულაციები, პედაგოგების პროფესიონალიზმია, როდესაც დაუყოვნებლივ მოხდა მორგება ონლაინსწავლებასა და ხარისხის შენარჩუნებაზე, შედეგად კი მივიღეთ ის, რომ დღეს ცენტრი თანაბარი ეფექტურობით უმკლავდება როგორც ონლაინ, ასევე საკლასო სწავლებას. თამამად შემიძლია ვთქვა, რომ Language Centre-ს (LC) ქმნის პროფესიონალთა გუნდი, თანამშრომლები გამოირჩევიან თანამედროვე მიდგომებით და მაღალი კვალიფიკაციით, რაც გულისხმობს გავლილ ტრენინგებს და საერთაშორისო სერტიფიკატებს, როგორიცაა CELTA ( ინგლისური ენაში).
ასევე, არ შემიძლია არ ვახსენო ჩემი ცენტრის ყველა ახლანდელი თუ ყოფილი მოსწავლე. ისინი მაძლევენ სურვილს, ძალას, ენერგიასა და ახალ იდეებს, რომ არ გავჩერდე. მინდა, რომ Language Centre-ი (LC) იყოს მათთვის საყვარელი „თავშეყრის“ ადგილი, სადაც ყველა მუდმივად სიხარულით მოვა.
სამომავლო გეგმები
ჩვენს ცენტრში, საბაზო და საშუალო განათლების პროგრამების მიხედვით, შევიმუშავეთ მასწავლებელთა კომპეტენციის დასადასტურებელი გამოცდის ჩასაბარებელი მოსამზადებელი კურსის პროგრამები ყველა საგანში, რომელიც მორგებულია განათლების მაღალი ხარისხის ყველაზე მნიშვნელოვან წიგნიერების უნარზე, რაც მიგვაჩნია, რომ აკადემიური წარმატების მთავარი პრიორიტეტია კომპეტენციის დადასტურების დროს.
პროგრამის განხორციელებაში ცენტრის პროფესიონალური გუნდი მასწავლებლობის მსურველებს, ტრადიციულ სწავლებასთან ერთად, მიაწვდიან ახალ ცოდნას, შეასწავლიან სწავლა-სწავლების საჭიროებაზე მორგებულ უნარ-ჩვევებს და, შესაბამისად, მისცემენ ხარისხიან განათლებას.
წელს პირველად Language Centre-ი (LC) საკუთარი სახელმძღვანელოს გამოყენებით განაგრძობს აბიტურიენტების მომზადებას ინგლისურ ენაში.
მიხარია, რომ ყოველ წელს ცენტრში დარეგისტრირების უამრავი მსურველია, როგორც უცხო ენებზე, ასევე სასკოლო-სააბიტურიენტო საგნებზე, რაც, რა თქმა უნდა, ჩვენი გუნდის დამსახურებაა.
სამომავლოდ ვგეგმავ ცენტრის მეოთხე ფილიალის გახსნას, მოთხოვნიდან გამომდინარე, რასაც ვფიქრობ, წარმატებით გავართმევ თავს.
ტექსტი: სოფია მალანია
ფოტო: ალექსეი სეროვი
