გუჩის საგვარეულოს გავლენიანი ოჯახის ტრაგიკული ისტორია 1994 წელს დაიწყო…
როდესაც პატრიცია რეჯიანი და მაურიციო გუჩი განქორწინდნენ.
სასამართლოს შენობაშ მყოფმა გაბრაზებულმა პატრიციამ კი მეუღლეს უთხრა, რომ “მისთვის ჯოჯოხეთი ჯერ კიდევ წინ იყო…”
მართლაც, პატრიცია რეჯიანიმ საკუთარი დანაპირები შეასრულა და 1995 წლის მარტში მისივე დავალებით Benedetto Ceraulo-მ მაურიციო გუჩი მოკლა.
პატრიციას ქალიშვილები თავდაპირველად მხარს დედას უჭერდნენ, რადგან სჯეროდათ, რომ მისი ქცევა გამოწვეული იყო ტვინის კეთილთვისებიანი სიმსივნით…
გავრცელებული ინფორმაციით, რამდენიმე წლის შემდეგ გოგონებმა დედასთან საუბარი საბოლოოდ შეწყვიტეს.
პატრიცია ციხეში გატარებული თვრამეტი წლის შემდეგ, საბოლოოდ 2016 წელს გაათავისუფლეს.
ისე, როგორც დღემდე არასდროს, პატრიციას ცხოვრების განვითარება და ამჟამინდელი მდგომარეობა მთელი მსოფლიოს განხილვის საგანია, რადგან მალე ეკრანებზე რიდლი სკოტის ბოლოდროინდელი ყველაზე პოპულარული კრიმინალური დრამა House Of Gucci გამოვა, რომელშიც მოდის ინდუსტრიის “საკულტო” წყვილის როლებს ლედი გაგა და ადამ დრაივერი ასრულებენ.
პატრიცია რეჯიანის როლის სიღრმისეულად შესასწავლად 35 წლის “პოპის დედოფალმა” სტეფანი ჯოან ანჯელინა ჯერმანოტამ House Of Gucci-ისთვის მუსიკალური ინდუსტრიიდან პაუზა აიღო და კვლავ ოსკაროსან მსახიობად გადაიქცა.
გაგა თვეების განმავლობაში კითხულობდა გაზეთებს, რომლებშიც პატრიციას შესახებ ეწერა სტატიები, უსმენდა ჩანაწერებს, სადაც მისი ცხოვრების შესახებ ისმენდა საინტერესო დეტალებს.
შემსრულებელს რეჯიანის პერსონაჟის სრულად გასათავისებლად თითქმის სამი წელიწადი დასჭირდა.
“ამ როლზე მუშაობა სამი წლის წინ დავიწყე, სრულიად გულწრფელი ვიქნები და ვიტყვი, რომ წელიწადნახევრის განმავლობაში პატრიცია რეჯიანის ცხოვრებით ვცხოვრობდი. ცხრა თვის განმავლობაში კი მისი აქცენტით ვსაუბრობდი, მაშინაც კი, როდესაც კამერის წინ არ ვიყავი, თამაშს ისევ ვაგრძელებდი. ფაქტობრივად, მის პერსონაჟთან ერთად ვცხოვრობდი.”
ერთ-ერთი ყველაზე რთული დეტალი პატრიცია რეჯიანის პერსონაჟის მორგებისას ლედი გაგასთვის მისი სეციფიკური აქცენტი გახდა, თუმცა როგორც სოციალურ მედიაში გავრცელებული ვიდეოებიდან ჩანს, ლედი გაგამ ეს ბარიერიც წარმატებით გადალახა.
იხილეთ ვიდეო:
მიუხედავად იმისა, რომ გაგასთვის House of Gucci-ის გადაღებები ამაღელვებელი, სახალისო და რაც ყველაზე მთავარია, მორიგი საინტერესო გამოცდილების მომტანი იყო, მისთვის მაინც არსებობდა პატარა სირთულეები, რაც გადაღებების პროცესს ორმაგად უფრო ემოციურს ხდიდა.
“ძალიან ბევრი რამ მქონდა გასაანალიზებელი. ფილმში უნდა გამოჩენილიყო უდიდესი ბრწყინვალება, მაგრამ ამავდროულად უდიდესი სევდა. არ მინდოდა განდიდება იმ ადამიანის, რომელმაც მკვლელობა ჩაიდინა, მინდოდა პატივი მიმეგო ქალებისთვის, რომლებმაც მოახერხეს “გადარჩენა”, თუმცა მათი ისტორია სამწუხარო შედეგით დასრულდა. ვიმედოვნებ, უამრავი ქალი ნახავს ამ ფილმს და კარგად დაფიქრდებიან, სანამ საყვარელ ადამიანებს გაუაზრებლად დააზიანებენ.“ – ამბობს ლედი გაგა.
“ყველაზე ხშირად პატრიციას როლის მორგების დროს მისი შვილები მახსენდებოდნენ. ვიცი, რომ ამ ფილმის გამოსვლის შემდეგ მათთვის რთული იქნება თითოეული წუთის ნახვა, ერთადერთი, რასაც მათ ვუსურვებ ეს არის ბედნიერება და სიმშვიდე. ვფიქრობ, ჩემი მაქსიმუმი შევძელი, რათა პატრიცია რეჯიანის ფილმი კარგად მომერგო.”
შეგახსენებთ, მაურიციო გუჩის მკვლელობის შესახებ გადაღებული კრიმინალური დრამის ნახვა, რომელშიც მთავარ როლებს 34 პოპვარსკვლავი ლედი გაგა და 37 წლის ამერიკელი მსახიობი ადამ დრაივერი ასრულებენ, ოფიციალურად უკვე 24 ნოემბრიდან შეგეძლებათ.
ფილმის პრემიერა საქართველოში ჟურნალ OK-სთან, რადიო ენერჯისთან და key Communications ერთად Cavea-ს კინოთეატრებში 2 დეკემბერს შედგება.
