4 ნოემბერს, 15:01-ზე მარსი შედის მშვილდოსნის ნიშანში – ეს მოძრაობის, სიმართლის ძიებისა და თავგადასავლების დროა. სურვილები უფრო მკაფიო ხდება, მიზნები კი უფრო ახლო. იღვიძებს ავანტიურისტის, მოგზაურისა და ყველა იმ ადამიანის სული, ვინც მზადაა დიადი მიზნისთვის ჩვეულ საზღვრებს გასცდეს.
5 ნოემბერს, 15:19-ზე სავსე მთვარე კუროს ნიშანში სივრცეს ყველაფერი ზედმეტისგან გაწმენდს. დედამიწის ნიშანში მყოფი მთვარე ამშვიდებს და ამავდროულად ამტკიცებს უკვე მიღწეულს. მთვარე ააქტიურებს უსაფრთხოების, რესურსებისა და სტაბილურობის თემებს და მიუხედავად იმისა, რომ მარსი წინ გვიბიძგებს, მთვარე ჩუმად ჩურჩულებს: „იგრძენი, სანამ იმოქმედებ.“
7 ნოემბერს, 00:39-ზე ვენერა მორიელის ნიშანში გადადის, რითიც სურვილები და ურთიერთობები ღრმავდება და ზოგჯერ დაძაბულ ელფერს იღებს. ინტუიცია ძლიერდება, ემოციები ძალას იძენს, მიზიდულობა კი ჭეშმარიტ არსს სიშიშვლემდე ამხელს. ურთიერთობებში გულწრფელი საუბრისა და საიდუმლოს გამხელის სურვილი ჩნდება. შეცდომების აღიარებას ახალი ვნება და სიღრმე მოჰყვება.
8 ნოემბერს, 04:22-ზე ურანი რეტროგრადულად ბრუნდება კუროს ნიშანში, რაც ძირეული გარდაქმნების შეგრძნებას აძლიერებს. ის, რაც ადრე სტაბილურად ითვლებოდა, ცვლილებას იწყებს. ფინანსური სქემები, კომფორტის ფორმები, ღირებულების გაგებაც კი ცვლილებას განიცდის. ბევრი აცნობიერებს, რომ ცვლილებების შიში ნამდვილ სტაბილურობას გვაშორებს.
9 ნოემბრიდან მერკურის რეტროგრადული პერიოდი იწყება. ადამიანები საკუთარი სიტყვების, შეხედულებებისა და მოტივების გადაფასებას იწყებენ. ვსწავლობთ მოსმენას და იმის ამოცნობას სად ტყუილია და სად შიში. თუ მზად ვართ თუნდაც უხერხული სიმართლე ვთქვათ, აზროვნების ახალი ციკლი დაიწყება – უფრო ღრმა და ნათელი.
ვერძი
ეს კვირა რაღაც ნამდვილად მნიშვნელოვანის დასაწყისია. დროა, ფიქრიდან და ოცებიდან მოქმედებაზე და წარმატებისთვის მყარი ნიადაგის შექმნაზე გადახვიდეთ. დაპირებების მიცემას მოერიდეთ – ჯერ უკვე დაწყებული საქმეები დაასრულეთ და მიღწეული განამტკიცეთ.
კურო
დროა ღრუბლებიდან მიწაზე დაეშვათ, შეჩერდეთ, ფეხქვეშ მიწა შეიგრძნოთ და რეალობას დაუბრუნდეთ. სავსე მთვარე თქვენს ნიშანში წელიწადში ერთხელ მოდის და უსაფრთხოების, მატერიალური სტაბილურობისა და საკუთარ სხეულთან კავშირის თემებს აჩენს. შესაძლოა სულიერ სწრაფვასა და მატერიალურ მხარეს შორის უთანასწორობა იგრძნოთ. ურთიერთობებში გულწრფელი საუბრისა და დაფარული ამბების გამჟღავნების საჭიროება წამოიწევს.
ტყუპები
ეს კვირა ემოციებით, შინაგანი აღმოჩენებითა და სწრაფი ცვლილებებით დაგამახსოვრდებათ. ყოველდღიურობის მიღმა რაღაც მნიშვნელოვანი მოვლენა ახლოვდება და ეს არ უნდა გამოტოვოთ. დროა ძველისგან გათავისუფლდეთ და სიახლეებს შეეგებოთ. ამ დღეებმ შეიძლება თქვენი ცხოვრების ახალი ეტაპი განსაზღვროს.
კირჩხიბი
ყურადღება ჯანმრთელობასა და შინაგან წონასწორობაზე გაამახვილეთ. ემოციური ფონი მომატებულია, ამიტომ მნიშვნელოვანია, იმპულსურ გადაწყვეტილებებს თავი აარიდოთ. პროფესიულ საქმიანობაში სტაბილურობაა მოსალოდნელი. ამ კვირას შთაგონების და რომანტიკის საოცარი სტიმული ახლავს. ეს დაბრუნებაა ფესვებთან, მოგონებებთან, იმ გრძნობებთან, რომლებიც ძალას გაძლევენ. ბედნიერების განცდას ახლა არა გარე გამარჯვებები, არამედ იმ სითბოდან და სიყვარულის განცდა განიჭებთ, რასაც თქვენს ირგვლივ ქმნით. ინტუიცია თქვენი მთავარი იარაღი ხდება – განსაკუთრებით სამუშაო საკითხებში.
ლომი
ეს კვირა ხელსაყრელია შემოქმედებითი საქმიანობისა და თვითგამოხატვისთვის. შეყვარებულებს რომანტიკული შეხვედრა ელით. კარიერული პერსპექტივები სერიოზულ მიდგომას მოითხოვს. კვირის მოვლენები მიგანიშნებთ, რომ ყველაფრის კონტროლი შეუძლებელია. პარტნიორობა და ურთიერთობები და ახალ საფეხურზე გადადის. შესაძლოა, ისეთ ვითარებაში აღმოჩნდეთ, სადაც სიმტკიცე და გამძლეობა უნდა გამოიჩინოთ და ვიღაცის მანიპულაციებს არ აჰყვეთ. კვირის შუა დღეები ხელსაყრელია გულწრფელი საუბრისთვის, რომელიც ხანგრძლივ დაძაბულობას მოხსნის.
ქალწული
სამსახურთან და საბუთებთან დაკავშირებულ ყველა წვრილმანს გაორმაგებული ყურადღება უნდა მიაქციოთ. დაგროვილმა საქმეებმა შეიძლება სტრესი გამოიწვიოს, თუმცა ახლობლების მხარდაჭერა მათთან გამკლავებაში დაგეხმარებათ. პირად ცხოვრებაში ჰარმონიული პერიოდია. კვირის ენერგია კავშირების განმტკიცებას ხელს უწყობს. ახლა ბევრი რამ თქვენზეა დამოკიდებული – ინიციატივა აიღეთ. კვირის ბოლოს მოსალოდნელია სასიამოვნო ცნობა, სავარაუდოდ, სამსახურთან დაკავშირებით.
სასწორი
ახალ პასუხისმგებლობებთან დაკავშირებით პროფესიულ სფეროში მოსალოდნელია ცვლილებები. სამსახურსა და გართობას შორის მნიშვნელოვანია ბალანსის შენარჩუნება. პარტნიორებთან ურთიერთობები გაძლიერდება. ცვლილებების ტალღაზე ხართ. მერკური ახლებური აზროვნებისკენ გიბიძგებთ, რადგან ძველი მეთოდები აღარ მუშაობს. იზრუნეთ ჯანმრთელობაზე და ძილის რეჟიმზე – ეს პერიოდი ყურადღების კონცენტრაციას მოითხოვს.
მორიელი
ენერგიით სავსე ხართ, მთავარია ის თქვენი მიზნების მისაღწევად გამოიყენოთ. შესაძლებელია მოულოდნელი შეთავაზებები, ამიტომ ცვლილებებისთვის მოემზადეთ. ოჯახური პრობლემები თქვენს ჩართულობას მოითხოვს. პირად ცხოვრებაში მოსალოდნელია სასიამოვნო მოვლენები. კვირის ბოლოს ელოდეთ სიახლეებს ადამიანისგან, რომელიც წარსულში თქვენთვის ძალიან ბევრს ნიშნავდა.
მშვილდოსანი
შესანიშნავი დროა მოგზაურობისა და თვალსაწიერის გაფართოებისთვის. უახლოეს ხანებში ახალი პროექტები და თანამშრომლობა გელით. ეს კვირა შეხვედრებით და სიახლეებითაა სავსე. ინფორმაციული ნაკადის ცენტრში ხართ, მაგრამ მნიშვნელოვანია დაახარისხოთ რა არის ნამდვილად საინტერესო და რა არა. ოჯახში მოსალოდნელია ცვლილებები, რაც თქვენ ჩართულობას მოითხოვს. კარიერაში ხელსაყრელი დროა პოზიციის გამტკიცებისთვის, თუ ინიციატივას გამოიჩენთ.
თხის რქა
ამ კვირას სამსახურში თქვენს ძალისხმევას შეამჩნევენ და დააფასებენ. ურთიერთობებში მოსალოდნელია მცირე უთანხმოება, რომელიც ღიად უნდა განიხილოთ. იღბლიანი შესაძლებლობის წყალობით საშუალება გექნებათ, რომ ფინანსური მდგომარეობა გაიუმჯობესოთ. კვირის ბოლოს მოსალოდნელია საინტერესო შეთავაზება. დროს ეჭვებზე და ყოყმანზე ნუ დაკარგავთ – ყველაფერი, რასაც ახლა დაიწყებთ, სასურველ შედეგს გამოიღებს, თუმცა ფინანსური ან პროფესიული საკითხები გამჭრიახობასა და მოთმინებას მოითხოვს.
მერწყული
შემოქმედებითი შთაგონება და ორიგინალური იდეები ძველი პრობლემების მოგვარებაში დაგეხმარებათ. ეცადეთ ურთიერთობებში მეტი დიპლომატია გამოიჩინოთ. დროა, შეჩერდეთ, ღრმად ჩაისუნთქოთ და სიჩუმეს მოუსმინოთ. ეს ემოციური აღორძინებისა და ახალი ციკლისთვის მზადების პერიოდია. მოსალოდნელია წინასწარმეტყველური სიზმრები და ქვეცნობიერის მინიშნებები. კვირის ბოლოს მნიშვნელოვანია, რომ სახლში არ ჩაიკეტოთ, რადგან მნიშვნელოვანი შეხვედრები გელით.
თევზები
ამ კვირაში ინტუიცია თქვენი მთავარი მეგზური იქნება. პირად ცხოვრებაში ნდობის გაძლიერების დროა. კვირა ღრმა და სულიერად დატვირთულია. ვენერა და მერკური საკუთარი გრძნობების, აზრებისა და მიზნების გააზრებაში გეხმარებათ. შესაძლოა ამ კვირას შეხვდეთ ადამიანს, რომელიც საკუთარი ნიჭის ან სულიერი დანიშნულების გააზრებაში დაგეხმარებათ. კვირის ბოლო ხელსაყრელია მოგზაურობისა და მეგობრული შეკრებებისთვის.
ასევე დაგაინტერესებთ
