„ცელსიუსი“ გათბობა-გაგრილების კომპანიაა, რომელიც პანდემიის პერიოდში შეიქმნა. ის იტალიური ბრენდის ARISTON-ის ოფიციალური წარმომადგენელია საქართველოში. „ცელსიუსი“ აერთიანებს პროფესიონალთა გუნდს, რომლის მთავარი მიზანი კმაყოფილი მომხმარებელი და ხარისხიანი მომსახურებაა. აღსანიშნავია, რომ კომპანია გამოირჩევა სოციალური პასუხისმგებლობითაც და არაერთ მნიშვნელოვან პროექტში მონაწილეობს. გარდა ამისა, „ცელსიუსში“ წარმოდგენილი პროდუქცია ენერგოეფექტურია, რაც, თავის მხრივ, მინიმალურ ზიანს აყენებს გარემოს. OK! გთავაზობთ ინტერვიუს იმ თანამშრომლებთან, რომლებიც ქმნიან „ცელსიუსს“ და მუდმივად ორიენტირებული არიან ზრდა-განვითარებაზე.
პაპუნა გელაშვილი, კომერციული დირექტორი:
„ცელსიუსი“ საკმაოდ წარმატებული კომპანია აღმოჩნდა გათბობა-გაგრილების მიმართულებით. ჩვენ შევძელით წამყვანი პოზიციების უმოკლეს დროში დაკავება. მიუხედავად იმისა, რომ ჩვენი კომპანია ხარისხზეა ორიენტირებული, ვცდილობთ ჩვენი პროდუქცია ყველა სეგმენტისთვის იყოს ხელმისაწვდომი.
„ცელსიუსს“ საქართველოს მასშტაბით აქვს 8 შოურუმი, ჩვენი პროდუქცია კი წარმოდგენილია 200-ზე მეტ პარტნიორ მაღაზიაში. ჩვენი კომპანიის მთავარი მიზანია მუდმივი განვითარება, რაშიც ხელს გვიწყობს პროდუქცია, რომელიც ლიდერია თანამედროვე ტექნოლოგიებში.
თამარ მაჩიტიძე, დირექტორი:
ჩვენმა კომპანიამ „ცელსიუსის“ სახელით განვითარება და გაფართოება 2020 წლის შემოდგომაზე დაიწყო, მაშინ, როცა ცნობილი მიზეზის გამო ყველაფერი დაიკეტა. რა თქმა უნდა, არ იყო მარტივი ასეთ დროს მუშაობა, თუმცა პანდემია მივიღეთ როგორც გამოწვევა და მუშაობა გავაგრძელეთ. მიუხედავად იმისა, რომ, მაგალითად, ზუგდიდსა და ბათუმში მაღაზიები ფიზიკურად მოვაწყვეთ, გავმართეთ, შეზღუდვების გამო კარი არ გაგვიღია. შეიძლება ითქვას, დისტანციურად – ტელეფონით ვმუშაობდით. მიტანის სერვისი წესების სრული დაცვით ხორციელდებოდა.
აქვე უნდა აღვნიშნოთ, რომ ჩვენ შევძელით და პანდემიისგან გამოწვეული პრობლემების გამო არც ერთი თანამშრომელი არ გაგვიშვია სამსახურიდან ან თუნდაც უხელფასო შვებულებაში.
ვფიქრობ, ყველაზე მთავარი მიზეზი, რამაც ასეთ რთულ პირობებში ოპერირებისა და თავის გადარჩენის საშუალება მოგვცა, არის პროფესიონალთა გუნდი „ცელსიუსის“ თანამშრომლების სახით, რომლებმაც ძალიან კარგად იციან თავიანთი საქმე.
სოფო ახალაია, მარკეტინგის სამსახურის ხელმძღვანელი:
„ცელსიუსში“ საქმიანობა თავიდანვე მარკეტინგის გუნდის ხელმძღვანელად დავიწყე. საკმაოდ მნიშვნელოვანი და საპასუხისმგებლო პოზიციაა, მუდმივად უნდა გრძნობდე მომხმარებლების მოთხოვნებს.
თავდაპირველად მარკეტინგის გუნდმა ყველაფერი ნულიდან დავიწყეთ, ლოგოსა და სლოგანის შექმნით. ჩევნი მიზანი იყო, ახალი კომპანია, რომელსაც არანაირი სტატუსი არ ჰქონდა, გაგვეცნო საზოგადოებისთვის იმ იმიჯით, რომლითაც ნებისმიერი ადამიანის გონებაში შევძლებდით შეღწევას. ასე, ნაბიჯ-ნაბიჯ გავედით დიდ პროექტებზე.
რა თქმა უნდა, განსაკუთრებული გრძნობაა, როდესაც ყველაფერი შენი შექმნილია და ხედავ ყოველდღიურად როგორ ვითარდება და პოზიციონირდება კომპანია.
მინდა აღვნიშნო, რომ „ცელსიუსისთვის“ მნიშვნელოვანია სოციალური პასუხისმგებლობა და ამ მიმართულებით მრავალ პროექტში ვმონაწილეობთ.
„ცელსიუსის“ მარკეტინგის გუნდი მუშაობს კომპანიის პიარზეც და პრეტენზია გვაქვს, ვიყოთ საუკეთესო დიდ კომპანიებს შორის. გვიხარია, რომ, ბაზრის კვლევებზე დაყრდნობით, გათბობა-გაგრილების მიმართულებით ლიდერის პოზიციები გვიჭირავს, რაზეც მიღებული ჯილდოებიც მეტყველებს. ეს ყველაფერი კი იმ დიდი გუნდის დამსახურებაა, რომელსაც „ცელსიუსის“ გუნდი ჰქვია.
გვანცა ბოცვაძე, ადამიანური რესურსების მენეჯერი:
„ცელსიუსის“ გუნდი დაკომპლექტებულია მაღალკვალიფიციური და გამოცდილი ადამიანებით, რომლებიც ღია კომუნიკაციითა და იდეების გაზიარებით ეფექტურად მუშაობენ კონკრეტულ პროექტებზე. გუნდის თითოეული წევრი ანგარიშვალდებულია შესრულებულ სამუშაოზე და კარგად იაზრებს მასზე დაკისრებულ პასუხისმგებლობას. მენეჯმენტი კი გუნდში ფუნქციურ გადანაწილებასა და შესრულებული სამუშაოების ხარისხს უზრუნველყოფს. გუნდი, რომელიც ერთობლივი მუშაობის პრინციპს იზიარებს, წარმატებასაც გუნდურად აღწევს. ეს ადამიანები ქმნიან კომპანიას, ზრუნავენ გარემოსა და ყველა იმ მომხმარებელზე, ვისთან ურთიერთობაც ჩვენთვის ძალიან მნიშვნელოვანია.
მისასალმებელია, რომ გუნდის თითოეული წევრი ზრუნავს კომპანიის იმიჯსა და მის წარმატებაზე. კომპანიაში დასაქმებულია 120-ზე მეტი თანამშრომელი საქართველოს სხვადასხვა რეგიონში.
მარიამ ლალიაშვილი, შესყიდვების სამსახურის ხელმძღვანელი:
„ცელსიუსთან“ ჩემი თანამშრომლობა მისი დაარსების დღიდან დაიწყო, მაშინ, როცა სამუშაო სივრცეც კი არ გვქონდა და „ცელსიუსი“ პირველ ნაბიჯებს დგამდა დიდ ბიზნესში. თავდაპირველად, მეთვალყურეობის ქვეშ შესყიდვების მენეჯერის როლს ვასრულებდი, თუმცა ძალიან მალე, ჩემი მონდომებისა და ინტერესის გამოვლენის შედეგად, „ცელსიუსმა“ შესაძლებლობა მომცა, დეპარტამენტის ხელმძღვანელის პოზიცია დამეკავებინა. კიდევ ერთი მაგალითი იმისა, რომ კომპანია საკუთარ კადრებში უნდა ეძებდეს საჭირო უნარებს და ხშირ შემთხვევაში ეს ამართლებს.
„ცელსიუსი“ თანამშრომლობს საერთაშორისო პარტნიორებთან და შესაბამისად ყოველდღიურად სრულიად განსხვავებული კულტურის ადამიანებთან მიწევს კომუნიკაცია. მათი სამუშაო სტილიც სხვადასხვაა და მიწევს შევიცნო ერთდროულად რამდენიმე ქვეყნის კორპორაციული კულტურა და ინდივიდუალურად მივუდგე საკითხებს. დამეთანხმებით, რომ ჩინეთის 24/7-ზე მუშაობასა და იტალიის მკაცრად განსაზღვრულ სამუშაო საათებს შორის ოქროს შუალედის განსაზღვრა არ უნდა იყოს მარტივი გამოწვევა.
ტექსტი: სოფიო მალანია
ფოტო: ალექსეი სეროვი
