ლონდონში, სოთებრის აუქციონზე პრინცესა დაიანას ჯვარი გაიყიდა, რომელიც მას 1987 წლის 27 ოქტომბერს Birthright Gala-ზე ეკეთა. ჯვარი გასული წლების განმავლობაში Attallah-ის საკუთრებაში იმყოფებოდა, ის მუზეუმშიც კი არასდროს ყოფილა გამოფენილი. პრინცესა დაიანას იასამნისფერი ჯვარი 5.25 კარატია და აუქციონზე ის რეალითი შოუს ვარსკვლავმა, ბიზნესვუმენმა კიმ კარდაშიანმა შეიძინა. მიუხედავად იმისა, რომ ჯერჯერობით უცნობია კიმმა რა თანხა გადაიხადა, მანამდე ჯვრის საშუალო ღირებულებად £120,000 ითვლებოდა. უცხოური გამოცემების ვარაუდით, აუქციონზე ჯვარი დაახლოებით £163,800-ად გაიყიდა.
