ახალი წლის მოსვლა ყველაზე მეტად, ალბათ, ბავშვებს უხარიათ. ისინი განსაკუთრებით ელოდებიან ამ დღეს, რადგან იციან, რომ თოვლის ბაბუა მათ საჩუქრებს მოუტანთ. და თუ თქვენ ხართ თოვლის ბაბუის როლში და არ იცით, რა აჩუქოთ ბავშვებს, მაშინ ჩვენ Kids Box-ს გირჩევთ. ეს ჯადოსნური ყუთი ბავშვისთვის არა მხოლოდ ახალი წლის, არამედ ნებისმიერი დღის საუკეთესო საჩუქარია. Kids Box-ი მთავარ მიზანს – „აჩუქოს ყველა ბავშვს სიხარული“, 5 წელია პირნათლად ასრულებს. კომპანიის დამფუძნებლები – თამარ გელაშვილი და ბელა პაპუნაშვილი კომპანიის შექმნის ისტორიას გვიყვებიან.
„2018 წელი იყო, მე და ჩემი მეგობარი თამარი ერთ-ერთ ღონისძიებაზე ვიმყოფებოდით, სადაც ერთ-ერთი სტუმარი – ბავშვი მოწყენილი იყო და გვინდოდა გაგვემხიარულებინა. პატარა სათამაშო და კანფეტები სასაჩუქრე ქაღალდში გავახვიეთ და ბავშვს ესე შეფუთული მივეცით. პატარას თვალები გაუბრწყინდა და ძალიან გაუხარდა. მივხვდით, რომ მისთვის კანფეტები და სათამაშო ცალ-ცალკე რომ მიგვეცა, ისეთ რეაქციას არ გამოიწვევდა, როგორიც სიურპრიზის სახით მიწოდებულმა საჩუქარმა გამოიწვია. ასე გაჩნდა kid box-ის შექმნის იდეა“, – იხსენებს ბელა პაპუნაშვილი.
3-დან 10 წლამდე ასაკის ბავშვებისთვის განკუთვნილი 4 სხვადასხვა ზომის სასაჩუქრე ყუთი. ასევე, საახალწლო შეფუთვა „ქიდს ბოქსი“ დიდ სიხარულს მოიცავს, რომელიც 3 კომპონენტს აერთიანებს: სათამაშოები, ტკბილეული და სიურპრიზის სახის ემოცია. ეს არის ის, რაც ყველა ბავშვს აბედნიერებს და ერთ ჩვეულებრივ დღეს განსაკუთრებულ ელფერს სძენს.
„ქიდს ბოქსის“ შემდეგ ბევრი სხვა მსგავსი კომპანია გამოჩნდა ბაზარზე, თუმცა ერთ-ერთი მნიშვნელოვანი დეტალი, რაც ყოველთვის გამოარჩევდა „ქიდს ბოქსს“ სხვებისგან – ეს არის ქართული პროდუქციის პოპულარიზაციის აქტიური კამპანია. ჩვენი სასაჩუქრე ყუთების საშუალებით მომხმარებელი ეცნობა სხვა ქართული წარმოების პროდუქციასაც, რადგანაც ბოქსში ერთი ქართული პროდუქტი მაინც დევს“, – აღნიშნავს თამარ გელაშვილი.
აღსანიშნავია, რომ თამარი და ბელა სამომავლოდ kids box-ის მეზობელ ქვეყნებში ექსპორტს გეგმევენ, აქტიური მოლაპარაკებები უკვე დაწყებულია.
ტექსტი: სოფიო მალანია
ფოტო: ალექსეი სეროვი
