კენდალ ჯენერი და ჰეილი ბოლდვინი არაჩვეულებრივი გემოვნებით და ჩაცმის სტილით ნამდვილად გამოირჩევიან. მათი გამოჩენით ისინი ფანებს იმედებს არასოდეს უცრუებენ და მუდამ შეუდარებლად გამოიყურებიან. გამონაკლისი გოგონებმა არც ამჯერად დაუშვეს, როდესაც კაილი ჯენერის საუკეთესო მეგობრის, სტეისი კარანიკოლაუს 23-ე დაბადების დღეს ეწვიენ, რომელიც კალიფორნიში, Goya Studios–ში გაიმართა.
ჰეილიმ არჩევანი მონოქრომულ სტილზე შეაჩერა. მას დახვეწილი შავი ორეული და ამავე ფერის, მაღალქუსლიანი ფეხსაცმელი ეცვა. კენდალმა კი ბრენდ 16Arlington–ის შავ–თეთრი ორეული მოირგო, რომლის საერთო ღირებულება 1595 ფუნტია. იმიჯს მან თეთრი, მაღალქუსლიანი ფეხსაცმელი და ამავე ფერის ჩანთა მოარგო.
