კამერონ დიაზი ამერიკელი მსახიობი და მოდელია, რომელმაც პოპულარობა 1990-იან წლებში მოიპოვა, როდესაც ფილმ „ნიღაბში“ ითამაშა. კამერონი ჰოლივუდის ერთ-ერთი ყველაზე ცნობილი ქალი მსახიობია, მან არა ერთ ცნობილ ფილმში ითამაშა, მათ შორის „ჩარლის ანგელოზები“, „ყველა მერიზე გიჟდება“, „საუკეთესო მეგობრის ქორწილი“ და სხვა. კარიერის განმავლობაში მან არა ერთი პრესტიჟული ჯილდო მოიპოვა და საზოგადოებას თავი ნამდვილად შეაყვარა.
დიდი პოპულარობიდან გამომდინარე კამერონის პირადი ცხოვრება ყოველთვის განხილვის საკითხი იყო, თუმცა ის ჰოლივუდიდან 2014 წელს წამოვიდა და მის ამჟამინდელ მეუღლეზე, ბენჯი მედენზე 2015 წელს იქორწინა, მოგვიანებით კი მათ ქალიშვილი, რედიქსი შეეძინათ. დღეს კამერონ დიაზი საკმაოდ მოკრძალებული ცხორებით ცხოვრობს, პაპარაცების ობიექტივშიც იშვიათად ხვდება და მთელ მის დროს ოჯახს უთმობს. OK! წარმოგიდგენთ, კამერონ დიაზის ცხოვრებას კადრს მიღმა, რა ხდებოდა ჰოლივუდის ვარსკვლავის სასიყვარულო ცხოვრებაში მისი წარმატების პიკში:
მეტ დილონი
მსახიობებმა ურთიერთობა 1995 წელს დაიწყეს და 1998 წელს დაშორდნენ. 2006 წლის ივლისში ჟურნალ Parade-თან ინტერვიუში დილონმა გაიხსენა თუ როგორ გრძნობდა თავს კამერონთან დაშორების შემდეგ. „ურთიერთობის ბოლოს მე ჩემი თავი დავკარგე, არ ვიყავი კმაყოფილი იმით თუ როგორ ვაკეთებდი ჩემს საქმეს, კამერონი ჩემი მუზა იყო, თუმცა ბოლოს ესეც გაქრა“
ჯარედ ლეტო
კამერონი და ჯარედი ერთმანეთს 1999 წლიდან 2003 წლამდე ხვდებოდნენ. მათი დაშორების ზუსტი მიზეზი ცნობილი არ არის.
ჯასტინ ტიმბერლეიკი
რამდენიმე წლიანი რომანის შემდეგ კამერონი და ჯასტინი 2006 წელს დაშორდნენ, თუმცა ისინი დღემდე ძალიან კარგი მეგობრები არიან. დაშორების შემდეგ 2007 წელს ისინი ერთად წავიდნენ ანიმაციური ფილმის „შრეკის“ პრემიერაზე, 2011 წლის ფილმში „ცუდი მასწავლებელი“ მათ ერთად იმუშავეს.
ჯონ მეიერი
კამერონმა და ჯონმა ერთმანეთი 2007 წელს ნიუ-იორკში გაიცნეს. ამავე წლის აგვისტოდან ისინი ერთმანეთს ხშირად ხვდენოდნენ და წყაროების ცნობით მათ ერთმანეთი ძალიან მოსწონდათ.
ბრედლი კუპერი
2007 წლის სექტემბერში კამერონი პაპარაცებმა ბრედლი კუპერთან ერთად არა ერთხელ დააფიქსირეს. ისინი ერთად დიდ დროს ატარებდნენ, დადიოდნენ საფეხბურტო მატჩებზე, სტუმრობდნენ კაფეებსა და რესტორნებს, თუმცა 2008 წელს დაშორდნენ.
P. Diddy
კამერონი და P. Diddy კარგი მეგობრები იყვნენ, თუმცა წყაროს ცნობით Diddy-ის ის ყოველთვის უყვარდა. ამავა წყაროს ინფორმაციის 2012 წელს, მაშინ, როდესაც კამერონი მის ახლა უკვე მეუღლეს, ბენჯის ხვდებოდა P. Diddy ამტკიცებდა, რომ თუ დროის დაბრუნებას შეძლებდა ყველაფერს სხვაგვარად გააკეთებდა.
პოლ სკალფორი
კამერონი და ბრიტანელი მოდელი 2008-დან 2009 წლამდე ხვდებოდნენ. წყვილი პაპარაცების ობიექტივში ფაქტობრივად არ ჩნდებოდა, თუმცა 2008 წელს ისინი ნიუ-იორკში ტენისის მატჩის დროს დააფიქსირეს.
ედვარდ ნორტონი
ფილმ „ჩარლის ანგელოზების“ ვარსკვლავი ნორტონთან პირველად 2009 წლის იანვარში შენიშნეს. მათ მიერ გამოქვეყნებული ფოტოების და პაპარაცების მიერ მოპოვებული კადრების მიუხედავად კამერონს და ედვარდს ურთიერთობა არ დაუდასტურებიათ.
ალექს როდრიგესი
კამერონი და ალექსი ერთმანეთს 2010 წლის ზაფხულიდან 2011 წლის შემოდგომამდე ხვდებოდნენ. ისინი რამდენჯერმე რომანტიკულ მოგზაურობაშიც იყვნენ წასულები და მექსიკას, მაიამის, ლონდონს, ნიუ-იორკს და ლოს-ანჯელესს ესტუმრენ.
ბენჯი მედენი
წლების განმავლობაში კამერონი იძახდა, რომ არასდროს გათხოვდებოდა, თუმცა 2015 წლის იანვარში, 7 თვიანი რომანტიკული ურთიერთობის შემდეგ ის ამერიკელ მუსიკოსს, ბენჯი მედენს გაყჰვა. მათ 1 წლის ქალიშვილი რედიქსი ჰყავთ, რომელიც 2019 წლის 30 დეკემბერს შეეძინათ.
