OK! კომპანია „ჯაოკენის“ შესახებ გიამბობთ, რომელიც 1997 წლიდან წარმატებულად ოპერირებს ქართულ ბაზარზე. გუნდის ნაყოფიერმა და წარმატებულმა მუშაობამ კომპანია კონკურენტუნარიანი გახადა და საპატიო ადგილიც დაიკავა. ამ და სხვა საინტერესო საკითხებთან დაკავშირებით „ჯაოკენის“ გენერალურ მენეჯერს, ნანა ქვაჩახიას ვესაუბრეთ.
უპირველესად, გაგვაცანით კომპანია და მისი საქმიანობა. რამდენი ხანია, რაც ბაზარზე ოპერირებს?
კომპანია „ჯაოკენი“ დაარსდა 1997 წელს საქართველოში. ჩვენ უზრუნველვყოფთ მსოფლიო დონის ბრენდებისა და ინოვაციური პროდუქტების იმპორტს ქვეყანაში ექსკლუზივის პირობით. დღეს უკვე მთელი საქართველოს მასშტაბით არის წარმოდგენილი „ჯაოკენის“ შოურუმები ისეთ დიდ ქალაქებში, როგორიცაა: თბილისი, ქუთაისი, ბათუმი, სენაკი და თელავი.
რა სახის პროდუქციას სთავაზობთ საზოგადოებას?
კომპანია საკმაოდ მოქნილია და თავის ასორტიმენტში აქვს წარმოდგენილი როგორც საშუალო, ასევე პრემიუმ ხარისხის სარემონტო მასალები:
- მოსაპირკეთებელი მასალები (კერამიკული და კერამოგრანიტის ფილები შიდა და გარე მოპირკეთებისთვის, მოზაიკა, ლამინირებული იატაკი, პარკეტი)
- შპალერი
- ლაქ-საღებავები
- სანტექნიკა (კერამიკული სანტექნიკა, სააბაზანო ავეჯი, შემრევები, სააბაზანოს აქსესუარები)
ხარისხზე რომ გვიამბოთ. რა უპირატესობებით სარგებლობს კომპანია ბაზარზე?
ჩვენი უპირატესობაა ნდობა და ხარისხი, რაც, ვფიქრობ, ჩვენმა კომპანიამ თავისი 27-წლიანი მოღვაწეობით მოიპოვა. ჩვენმა მომხმარებელმა იცის, რომ „ჯაოკენის“ ყველა ფილიალში, ექსკლუზიურ, ევროპული ხარისხის ეკოლოგიურად სუფთა სარემონტო მასალებთან ერთად, დახვდება კომპეტენტური, მეგობრული პერსონალი სასარგებლო რჩევებით და მაქსიმალურად ეცდება გაუმარტივოს ის რთული პროცესი, რაც რემონტსა და, ზოგადად, პროდუქციის შერჩევას უკავშირდება.
რომელი ქვეყნების პროდუქციაა წარმოდგენილი შოურუმში? არჩევანის მრავალფეროვნებაზეც მოგვიყევით.
შოურუმში წარმოდგენილია ისეთი წამყვანი ქვეყნების ბრენდები, როგორიცაა: ესპანეთი, იტალია, გერმანია, საფრანგეთი, თურქეთი, პოლონეთი, ჩეხეთი, უკრაინა.
„ჯაოკენში“ თქვენს გამოცდილებაზეც რომ გვიამბოთ?
ფაქტობრივად, კომპანიის დაარსების დღიდან „ჯაოკენის“ გუნდის წევრი ვარ. თავდაპირველად თარჯიმანი ვიყავი, ლოჯისტიკისა და იმპორტის თანამშრომელი, შემდეგ ამავე განყოფილებაში ხელმძღვანელის პოზიციაზე გადავინაცვლე, ახლა უკვე კომპანიის გენერალური მენეჯერის პოზიციას ვიკავებ.
შეიძლება ითქვას, რომ მეც „ჯაოკენთან“ ერთად გავიზარდე. მიუხედავად იმისა, რომ ამდენი წელი გავიდა, მუდმივმა წინსვლებმა არ მომცა საშუალება, მოვდუნებულიყავი. კომპანიის განვითარების ეტაპებზე ისეთი შეგრძნება მქონდა, თითქოს კომპანიიდან კომპანიაში გადავდიოდი. ჩემი საქმისადმი ერთგულება არ დარჩა დაუფასებელი.
დაარსების დღიდან საკმაოდ ვრცელი გზა გავიარეთ, გუნდის თითოეული წევრი ყველა პროცესში მონაწილეობდა, საბოლოოდ კი მივიღეთ წარმატებული კომპანია, რომლის წარმომადგენლობითაც ძალიან ამაყი ვარ.
ტექსტი: ციაკო ღამბაშიძე
ფოტო: ალექსეი სეროვი
