ერთად გავიგოთ თუ როგორი იქნება ზოდიაქოს 12 ნიშნისთვის ივლისის თვის ასტროლოგიური პროგნოზი.
ვერძი 21.03-20.04
ძვირფასო ვერძებო! გქონიათ განცდა, როდესაც ფიქრობთ, რომ სხვა ადამიანების სიყვარულის ყიდვა გიწევთ? 2022 წლის ივლისში ეს გრძნობა თავს უცილობლად შეგახსენებთ და ეს თვე, გარკვეულწილად გიბიძგებთ იმისკენაც, რომ ეს პრობლემა ერთხელ და სამუდამოდ გადაჭრათ. ვერძებო, თავიდან მოიშორეთ უსიამოვნო ასოციაციები, გაწყვიტეთ კავშირი ამ ასოციაციების შემქმნელ ადამიანებთან − თქვენ უკეთესს იმსახურებთ.
კურო 21.04-20.05
ძვირფასო კუროებო! 2022 წლის ივლისი საკუთარ თავთან, სხეულთან და გონებასთან ჰარმონიზებას უნდა დაუთმოთ. თქვენ უნდა ისწავლოთ საკუთარი თავის სიყვარული, იმ სხეულის სიყვარული, რომელშიც ცხოვრობთ და საბოლოოდ მიხვალთ ნაბიჯამდეც, რომელსაც მენტალური ჯანმრთელობა ჰქვია. კუროებო, არაფერია იმაზე მნიშვნელოვანი და საყურადღებო, ვიდრე თქვენი შინაგანი ხმის ძახილი.
ტყუპები 21.05-21.06
ძვირფასო ტყუპებო! 2022 წლის ივლისში სამწუხარო რეალობასთან მოგიწევთ თვალის გასწორება. ის, რაც ოდესღაც უდიდეს სიამოვნებას განიჭებდათ, ახლა შვებასაც კი ვერ გგვრით. თითოეული ჩვენგანის ცხოვრებაში დგება ეს რთული მომენტი − იმისათვის, რომ მარტივად გადალახოთ ეს ფაზა, საჭიროა ყოველდღიური რუტინა შეიმუშაოთ და სრულად შეიგრძნოთ ამ რუტინის საიმედოობა და კომფორტი.
კირჩხიბი 22.06-22.07
ივლისი − ეს ხომ კირჩხიბების თვეა! როგორც მარგოსთვის, აგრეთვე ამ ნიშნის ქვეშ დაბადებული ადამიანებისთვის შესაძლებლობების კარი ფართოდ არის ღია. საკმარისია თქვენი წარმატებული მომავლისა და მიზნისკენ თავდაჯერებული ნაბიჯი გადადგათ და ის აუცილებლად მიაღწევს დანიშნულების წერტილს. კირჩხიბებო, გაგზავნეთ კოსმოსში რაც შეიძლება მეტი პოზიტივი და დაელოდეთ ბუმერანგის გასაოცარ ეფექტს.
ლომი 23.07-23.08
ძვირფასო ლომებო! 2022 წლის ივლისი იდეალური პერიოდია ახალი წამოწყებებისთვის. თუ თანხის ინვესტირებას გეგმავთ ან საკუთარი ბიზნესგეგმის განხორციელება განგიზრახავთ, გირჩევთ ეს სწორედ ივლისის თვეში გააკეთოთ. ლომებო, ეს თვე ძალიან კარგია ახალი საქმიანი ურთიერთობებისთვისაც: გააფართოვეთ თქვენი სანაცნობო წრე და გაიჩინეთ ახალი პარტნიორები საქმეში − ეს ურთიერთობა წლების, ათწლეულების გამოცდასაც კი გაუძლებს.
ქალწული 24.08-23.09
ძვირფასო ქალწულებო! 2022 წლის ივლისში ეგზისტენციალური კრიზისის წინაშე აღმოჩნდებით, თუმცა ეს ფაქტი ნუ შეგაშინებთ − ყველაფერი საკმაოდ ბუნებრივი და ჯანსაღია. თუკი ვინმემ იცის საკუთარი თავის კრიტიკის ფასი, ეს სწორედ თქვენ ხართ. დასვით ყველაზე საჭირო შეკითხვები და აუცილებლად აღმოაჩენთ ახალ ჭეშმარიტებას.
სასწორი 24.09-23.10
ძვირფასო სასწორებო! 2022 წლის ივლისი დაუნდობლად გაგრძნობინებთ თქვენი მატერიალური არამდგრადობის შედეგებს. იმპულსური შენაძენები და არაჯანსაღი დამოკიდებულება თქვენს ფინანსებთან ამ თვის ყველაზე მნიშვნელოვანი საკითხია. საბედნიეროდ, ივლისი მოგცემთ იმის საშუალებასაც, რომ დაფიქრდეთ, გააანალიზოთ და აღმოფხვრათ პრობლემები, რომლებიც ცხოვრებას გიმძიმებენ.
მორიელი 24.10-22.11
ძვირფასო მორიელებო! 2022 წლის ივლისი უცნაურ ცხოვრებისეულ გაკვეთილს გასწავლით. ეს თვე გაგრძნობინებთ, რომ რეგრესი შესაძლოა იქცეს მოძრაობის ნაწილად. ალბათ ფიქრობთ, რომ დაბრკოლებები, რომლებიც გადალახეთ, უსარგებლოა, თუმცა ივლისის თვე საპირისპიროში სიამოვნებით დაგარწმუნებთ და დაგანახებთ, რომ ყველაზე მეტი სწორედ მარცხისგან ისწავლეთ და ამან იმაზე მეტად გაგაძლიერათ, ვიდრე ბევრმა გამარჯვებამ.
მშვილდოსანი 23.11-21.12
ძვირფასო მშვილდოსნებო! 2022 წლის ივლისის ასტროლოგიური პროგნოზის თანახმად, თქვენი ნანატრი დასვენების დრო დადგა. სწორედ ახლა, თქვენ მზად ხართ ბოლო თვეების ტვირთისგან გათავისუფლდეთ და ძალების აღდგენასა და ემოციურ სტაბილურობაზე იზრუნოთ. მშვილდოსნებო, საყვარელი ადამიანების გარემოცვაში ყოფნა სეროტონინის ორმაგ დოზას მოგანიჭებთ.
თხის რქა 22.12-20.01
ძვირფასო თხის რქებო! 2022 წლის ივლისში თქვენი დიპლომატიური ნიჭის გამოყენება სრულად მოგიწევთ. თქვენს პროფესიაში ერთ-ერთი ყველაზე საპასუხისმგებლო გადაწყვეტილებები უნდა მიიღოთ და გირჩევთ, როდესაც ეჭვი შეგეპარებათ საკუთარი ნაბიჯების სისწორეში, სწორედ მაშინ შეანელოთ სვლა. სისწრაფე ამ თვეში მხოლოდ შეცდომებთან ასოცირდება და ვის სჭირდება შეცდომები? − თქვენ ნამდვილად არა.
მერწყული 21.01-20.02
ძვირფასო მერწყულებო! 2022 წლის ივლისის თვეში მხოლოდ საკუთარ თავზე უნდა ფოკუსირდეთ. ვიცით, რომ სხვებზე ზრუნვა თითქოს თქვენი დნმ-ის ნაწილია, მაგრამ გვერწმუნეთ, ამ თვის განმავლობაში საკუთარ თავს უნდა მოახმაროთ ემოციური რესურსის მთელი მარაგი. მერწყულებო, ზაფხულის ამ შესანიშნავი თვით ტკბობა ქალაქგარეთაც შეგიძლიათ.
თევზები 21.02-20.03
ძვირფასო თევზებო! 2022 წლის ივლისის თვე თქვენთვის შთაგონებასთან იქნება ასოცირებული. ამ 31 დღის განმავლობაში თქვენი ცხოვრების პულსი რადიკალურად შეიცვლება, ყოველი ახალი ნაბიჯი აღმოჩენას დაუკავშირდება და სწორედ ეს აღმოჩენები, პატარ-პატარა ნაბიჯებითა და თავიანთი სიღრმისეულობით, თქვენს მსოფლმხედველობასა და მომავალს მნიშვნელოვნად შეცვლის.
ტექსტი: ნინო ზაკუტაშვილი
