მშენებლობა და შემდეგ შიდა თუ გარე მოპირკეთება ძალიან მნიშვნელოვანი საკითხებია, რომელთა ხარისხიანად შესრულება პირდაპირპროპორციულად უკავშირდება იმ კომპანიას, რომელსაც თანამშრომლობისთვის შეარჩევთ. OK! გიამბობთ „კნაუფის“ მიერ ყველასათვის საყვარელი ქართველი მორაგბის − მერაბ შარიქაძის, სახლის მშენებლობის ამბავს.
რამ განაპირობა თქვენი და „კნაუფის“ თანამშრომლობა?
ჩემი დაინტერესება „კნაუფისადმი“ განაპირობა იმან, რომ მაღალ სტანდარტს მორგებული კომპანიაა, რომელიც ხარისხიან პროდუქციას აწარმოებს. მისი არსებობის შესახებ აქამდეც ვიცოდი, რადგან მრავალი წლის განმავლობაში საქართველოს რაგბის კავშირის სპონსორი გახლდათ. რაც შემეხება უშუალოდ მე, როდესაც შემოთავაზება მივიღე „კნაუფისგან“, ძალიან გამიხარდა და კმაყოფილი დავრჩი მისი გუნდის გაცნობით.
გვესაუბრეთ „კნაუფის“ მასალის უპირატესობის შესახებ.
უპირველეს ყოვლისა, აღვნიშნავ, რომ ძალიან კარგია სამუშაოდ. პროცესი სუფთად მიმდინარეობს, კედლები გამოდის იდეალური, ხმის იზოლაციითა და თბოიზოლაციით. ზოგადად, მოგეხსენებათ, რომ ბლოკებით აშენებული კედლები დიდ ადგილს იკავებს და მძიმეცაა, „კნაუფის“ კედლით კი ბევრად მეტი სივრცის შენახვა არის შესაძლებელი. აგრეთვე, აუცილებლად უნდა აღინიშნოს − თუ თავიდანვე დაგეგმილი გაქვთ „კნაუფის“ მასალით ააშენოთ, ხარჯები მშენებლობის დროს მნიშვნელოვნად ნაკლებია. გაცილებით მცირეა კონსტრუქციების წონა, სახლი ბევრად მჩატე გამოდის და შესაბამისად, სეისმომედეგია.
რატომ ურჩევდით საზოგადოებას „კნაუფს“?
„კნაუფი“ საუკეთესოა, რადგან აერთიანებს პროფესიონალ ადამიანებს, რომლებიც მოწესრიგებულ სერვისს გვთავაზობენ. ვისაც მშენებლობასთან შეხება ჰქონია, იცის თუ რამდენად ხშირად ახლავს მას უსიამოვნო მომენტები, რაც ფაქტობრივად გამორიცხულია „კნაუფთან“ თანამშრომლობის დროს. მნიშვნელოვანია ისიც, რომ აქ შეძენილი პროდუქციის ხარისხი რეალურად ყოველთვის აჭარბებს მოლოდინს. შესაბამისად, „კნაუფთან“ მუშაობა სასიამოვნოა, რადგან იცი, რომ არათუ არ მოგატყუებენ, არამედ დაგასაჩუქრებენ კიდეც.
დაბოლოს… რა იყო პირველი შთაბეჭდილება, როდესაც „კნაუფისთვის“ ჩაბარებული თქვენი სახლი ნახეთ?
ვინაიდან ძალიან ხშირად მქონდა ვარჯიშები, ინტენსიურად ვერ ვადევნებდი თვალყურს მშენებლობის პროცესს. თუმცა, ობიექტზე ყოველი მისვლისას იმხელა პროგრესს ვხედავდი, რომ არ მჯეროდა. შესაბამისად, მშენებლობა არათუ მოკლე დროით წარიმართა, არამედ იმაზე ადრე დასრულდა, ვიდრე ველოდი.
ტექსტი: მარიამ მთივლიშვილი
