გაგაცნობთ ქართულ კომპანია „ჩოვას“, რომელიც რამდენიმე თვეა ქართულ ბაზრზე გამოჩნდა და უკვე მოახერხა დაემკვიდრებინა საკუთარი ნიშა, რაც სხვებისგან ერთი შეხედვითაც გამოარჩევს. ბრენდის მიზანია ქართველი მომხმარებლებისთვის საქართველოში დამზადებული ნაწარმი გახდეს პრიორიტეტი, სწორედ ამიტომ მომხმარებლებს სთავაზობს გემოვნებიან და ხარისხიან ავეჯს, რომლებიც მზადდება დანადგარებით და შემდეგ ხელით იძერწება თითოეული მოდელი. ჟურნალი OK! პირადად ესაუბრა „ჩოვას“ დამფუძნებელს თეონა ბარნოვს, რომელმაც უფრო ვრცლად გვიამბო კომპანიის საქმიანობის შესახებ.
უპირველესად გაგვაცანით კომპანია. რამდენი ხანია რაც ქართულ ბაზარზე ოპერირებს?
ქართული კომპანია „ჩოვა“ რამიდენიმე თვეა, რაც ქართულ ბაზარზე გამოჩნდა, თუმცა ეს იმას სულაც არ ნიშნავს, რომ ჩვენი გუნდის რომელიმე წევრს გამოცდილება აკლია, პირიქით თითოეული მათგანი საკუთარი საქმის ნამდვილი პროფესიონალია და კომპანიის მომხმარებლებს ამაში ყოველდღიურად არწმუნებს მიღებული შედეგებით.
ჩვენი მთავარი მიზანია ყოველდღიურად განვითარდეთ და საზოგადოებას კიდევ უფრო მეტად მრავალფეროვანი და ხარისხიანი პროდუქცია შევთავაზოთ. რაც ყველაზე მთავარია თითოეული ჩვენგანი მიიღწვის საერთო მიზნის მისაღწევად და სწორედ ეს გვაძლევს შედეგის გარანტიას.
კომპანიის უამრავ პრიორიტეტთაგან ერთ-ერთი ის არის, რომ ჩვენი გუნდის თითოელი წევრი ნებისმიერ მასალას სწავლობს ორგანულად, რათა გამოვძერწოთ ინოვაციები.
რას სთავაზობთ საზოგადოებას?
ქართული კომპანია საზოგადოებას სთავაზობს „ჩოვას“ ჰარმონიას, გემოვნებიან და ხარისხიან ავეჯს, რომელიც #წარმოებულიასაქართველოში. უფრო კონკრეტულად რომ გიამბოთ, ჩვენთან წარმოდგენილია ავეჯი სხვადასხვა სივრცისთვის, რომლებიც სრულად მორგებულია ადამიანის კომფორტზე, საჭიროებაზე და გემოვნებაზე, რაც იმას ნიშნავს, რომ ჩვენთან ნახავთ როგორც ავეჯის ფორმების, ასევე ფერების მრავალფეროვნებას. რაც ყველაზე მთავარია ეს ყველაფერი მორგებულია ხარისხის უმაღლეს სტანდარტებზე.
გვიამბეთ თქვენს წარმოებაზე.
ჩვენ წარმოებაში ამ ეტაპზე მუშაობს 10 თანამშრომელი, რომლებიც როგორც უკვე აღვნიშნე საკუთარი საქმის პროფესიონალები არიან, მრავალწლიანი გამოცდილებით.
აღსანიშნავია, რომ კომპანიას აქვს შესაბამისი დანადგარები, რითიც გამოგვყავს ფორმები და შემდეგ ხელით იძერწება თითოეული მოდელი. სწორედ ეს სძენს ჩვენს ნაწარმს ინდივიდუალიზმს და განსხვავებულ ელფერს.
რა მასალებს იყენებთ ავეჯის დასამზადებლად?
ჩვენ ვიყენებთ თერმულად დამუშავებულ მასალას შესაბამისად, რაც ექსტერიერს თუ ინტერიერს სჭირდება.
რა ტიპის ავეჯს ამზადებს Chōwa?
Chōwa გამორჩეულია სხვა ავეჯის კომპანიებისგან თავისი კონკრეტული და ინდივიდუალური მიმართულებით, პარამეტრული ავეჯით. ჩვენ პირველები ვართ ვინც ამ მიმართულებით მუშაობს ჩვენს ქვეყანაში. შესაბამისად კონკურენტი ამ ეტაპზე არ გვყავს.
გაგვიზიარეთ კომპანიის სამომავლო გეგმები.
პროდუქციის შეძენა ამ ეტაპზე ონლაინ მაღაზიის საშუალებით არის შესაძლებელი, თუმცა სამომავლო გეგმაა შოურუმის გახსნა, რადგან როდესაც ჩვენს შოურუმს ეწვევით და რეალურად დაინახავთ ნებისმიერი მოდელის სილამაზეს თუ ხარისხს რა თქმა უნდა კიდევ უფრო აღფრთოვანდებით ჩვენი ნამუშევრებით.
ჩვენი მიზანია, რომ #დამზადებულიასაქართველოში იყოს სიმბოლო ხარისხის და გემოვნების!
