ამერიკის ხმისჩამწერი აკადემიის დაჯილდოება თანამედროვე მუსიკალურ სამყაროში ერთ-ერთი ყველაზე პრესტიჟული ღონისძიებაა, რომელსაც ყოველწლიურად უამრავი ცნობილი ადამიანი ესწრება. საღამოს ტრიუმფატორი ვარსკვლავები და მათი ცეცხლოვანი პერფორმანსები ჯერ კიდევ ინტერნეტის ყველაზე განხილვადი თემაა.
2024 წლის “გრემის” რიგით 66-ე ყოველწლიური დაჯილდოება ეგზომ მნიშვნელოვანი იყო ისეთი არტისტებისთვის, როგორებიც ტეილორ სვიფტი, მაილი საირუსი, ვიქტორია მონე და ბილი აილიში არიან. გამარჯვებულების გამოსვლის პარალელურად მაყურებელს დაუვიწყარი წარმოდგენა SZA-მ, დუა ლიპამ, ოლივია როდრიგომ, ჯონი მიტჩელმა და ტრეისი ჩეპმანმა შესთავაზეს.
წლევანდელი დაჯილდოება, თავისუფლად შეგვიძლია ვთქვათ, რომ ისტორიული მოვლენა იყო ქალი შემსრულებლებისთვის.
ტეილორ სვიფტმა წლის ალბომის კატეგორიაში Midnights-ით გამარჯვება მოიპოვა და გახდა ისტორიაში პირველი ქალი, რომელმაც ამ კატეგორიაში რიგით მეოთხე “გრემი” მიიღო. მან დაამარცხა ისეთი კანდიდატები, როგორებიც სტივი უანდერი და ფრენკ სინატრა არიან.
ტეილორმა დაჯილდოებაზე ასევე თავისი ახალი ალბომის გამოსვლის თარიღი დააანონსა. The Tortured Poets Department 19 სექტემბერს გამოვა.
“გრემის” დაჯილდოება ისტორიული აღმოჩნდა მაილი საირუსისთვის. მან კარიერაში “გრემის” პირველი ჯილდო მიიღო მისი რეტრო ჰიტისთვის Flowers.
პოპვარსკვლავმა სცენაზე ბობ მაკის ვინტაჟური კაბა მოირგო 2002 წლის შემოდგომა/ზამთრის ვინტაჟური კოლექციიდან.
საღამოზე გამარჯვება მოიპოვეს ასევე ბილი აილიშმა და მისმა ძმამ Finneas-მა, როგორც სიმღერის ავტორებმა სინგლ What Was I Made For?-ისთვის, ფილმიდან Barbie.
2024 წლის ახალი არტისტი კი ვიქტორია მონე გახდა.
66th GRAMMY Awards – Show
