ონლაინმაღაზია GerliSol გამოირჩევა თავისი ხელნაკეთი, ხარისხიანი და განსაკუთრებული პროდუქციით. აქ წარმოდგენილია სარკეების ის დიდი არჩევანი, რომელიც თქვენს სახლს დახვეწილსა და ორიგინალურს გახდის. აღსანიშნავია ისიც, რომ თითოეული ნივთი იქმნება გულით და დიდი სიყვარულით, რაზეც მისი ვიზუალი მეტყველებს. დეტალური ინფორმაციისთვის OK! გაესაუბრა GerliSol‑ის შემქმნელს, მარია გერლიანს.
გვიამბეთ GerliSol-ის შექმნის ისტორია.
GerliSol შეიქმნა მაშინ, როდესაც მთელი ქვეყანა ჩაკეტილი და ონლაინპლატფორმას იყო მორგებული. ეს ჩემთვის ამ მხრივ ხელსაყრელ პერიოდსაც წარმოადგენდა, ვინაიდან საზოგადოებამ ძალიან სწრაფად აუწყო ფეხი ონლაინგაყიდვებს და შესაბამისად, ჩემი ბიზნესის გაფართოებასაც. მეტიც − იგი ძალიან მალე გახდა მომხმარებლისთვის სასურველი და საყვარელი ბრენდი, რომლითაც არაერთგზის ალამაზებენ გარემოს და მისთვის დახვეწილ დეტალებს სძენენ. შესაბამისად, შემიძლია ვთქვა, რომ ახალმა საზოგადოებრივმა ცხოვრებამ და ჩემმა ბიზნესმა ერთად დაიწყეს განვითარება.
გვესაუბრეთ თქვენ მიერ წარმოებული პროდუქციის შესახებ.
პროდუქცია, რომელსაც განსაკუთრებული სიყვარულითა და შეუზღუდავი ფანტაზიით ვქმნი, გამოირჩევა განსხვავებული და არასტანდარტული ვიზუალით. ვფიქრობ, ჩემი დეკორაციები საინტერესო გარემოს ქმნის ნებისმიერი სტილის ინტერიერში. უნდა აღინიშნოს ის ფაქტიც, რომ ვმუშაობ უმაღლესი ხარისხის მასალის გამოყენებით და უახლესი ტენდენციის გათვალისწინებით.
როგორ და სად შეიძლება თქვენი პროდუქციის შეძენა?
ჩვენი პროდუქციის შეძენა შესაძლებელია ონლაინ, GerliSol-ის სოც. მედიის საშუალებით. პროდუქციის დათვალიერება ხდება ამავე გვერდებზე და შეკვეთიდან უახლოეს პერიოდში შენაძენს ადგილზე მიიტანს კურიერი ან თავად მე − ეს დამოკიდებულია მასალის სიმყიფეზე. რაც შეეხება შეკვეთილი პროდუქტის დამზადების დროს, იგი გამომდინარეობს მისსავე სირთულიდან.
სამომავლო გეგმები.
სამომავლო გეგმები მრავლად გვაქვს, თუმცა საწყის ეტაპზე ვგეგმავთ პროდუქციის გამრავალფეროვნებასა და მცირე ავეჯის დამატებას, რაც გამოწვეულია ჩვენსავე მომხმარებლის სურვილიდან.
GerliSol-ის საკონტაქტო ინფორმაცია:
Facebook: gerlisol
Instagram: GerliSol
598 80 13 13
