ფარმაცევტული კომპანია „ევროფარმა ჯორჯია“ 12 წელია მოწინავე პოზიციას ინარჩუნებს და მოსახლეობის ცხოვრების ხარისხის გაუმჯობესებაზე ზრუნვას აგრძელებს. მისი მიზანია, პაციენტისთვის რაც შეიძლება მეტი ინოვაციური პრეპარატი იყოს ხელმისაწვდომი. ქართული OK! გაგაცნობთ „ევროფარმა ჯორჯიას“ დირექტორის მოადგილეს, ვივიან ახვერდოვს, რომელიც თავის კარიერულ გზასა და კომპანიის პრიორიტეტებზე გვესაუბრა.
ვივიან, როგორი იყო თქვენი პირველი ნაბიჯები „ევროფარმა ჯორჯია“-ში?
მიუხედავად იმისა, რომ სამედიცინო განათლება არ მქონია, 11 წლის წინ „ევროფარმა ჯორჯიას“ ადმინისტრაციულ განყოფილებაში დავიწყე მუშაობა. თავდაპირველად არ იყო მარტივი, თუმცა შრომის, მონდომებისა და საკუთარ თავზე მუშაობის შედეგად, ჩემი მოვალეობების არეალი ეტაპობრივად გაიზარდა. პარალელურად, არ შემიწყვეტია სწავლა, კვალიფიკაციის ამაღლებაზე ზრუნვა და მალევე მივიღე მაგისტრის ხარისხი საერთაშორისო ბიზნესის მენეჯმენტში. მას შემდეგ, რაც „ევროფარმა ჯორჯიას“ დირექტორი, ალისა არსლანი კომპანიის დისტანციურ მართვაზე გადავიდა, პერიოდულად უწევდა საქართველოს დატოვება. დამფუძნებლის გადაწყვეტილებით, დავიკავე მისი მოადგილის პოზიცია და მას შემდეგ ამ მოვალეობას ვასრულებ. „ევროფარმა ჯორჯია“ სწორედ ახლა გახდა 12 წლის.
როგორ შეაფასებდით ამ 12 წელს?
ჩვენი კომპანია დაარსების დღიდან იკვლევს ფარმაცევტული ბაზრის მოთხოვნებს, საჭიროებებს და ქმნის ინოვაციურ ფორმულებს. ჩვენ საქართველოს მოსახლეობას მაღალი ხარისხის მედიკამენტებსა და საკვებ დანამატებს ვთავაზობთ. „ევროფარმა ჯორჯიას“ გუნდი მუდმივად ორიენტირებულია განვითარებასა და ხარისხზე.
თამამად შემიძლია გითხრათ, რომ ბაზარზე მოწინავე პოზიციებს ვიკავებთ, რაზეც მეტყველებს ის ჯილდოები, რომელიც მივიღეთ როგორც ნაციონალური ბიზნესრეიტინგების, ასევე შვეიცარიული ბიზნესრეიტინგების ასოციაციიდან. 2021 წელს კი გავიმარჯვეთ ნომინაციაში – საუკეთესო საბავშვო მულტივიტამინი – ჩვენი „სიმბავიტი სიროფით“ და ავიღეთ ჯილდო „ოქროს ბრენდი 2021“.
აღსანიშნავია, რომ „ევროფარმა ჯორჯია“ არის Vefa Ilac-ის ოფიციალური წარმომადგენელი და ექსკლუზიური დისტრიბუტორი საქართველოში. Vefa Ilac-ი არის უდიდესი და ერთ-ერთი ლიდერი ქარხანა თურქეთში, რომელიც აღჭურვილია უახლესი ტექნოლოგიებით. Vefa Ilac-ის პროდუქცია აკმაყოფილებს ხარისხის ყველა მოთხოვნას, რასაც ადასტურებს ხარისხის დამადასტურებელი საერთაშორისო GMP სერტიფიკატი.
„ევროფარმა ჯორჯია“-ს პრიორიტეტია…
რაც შეიძლება მეტი ინოვაციური პრეპარატი იყოს ხელმისაწვდომი პაციენტისთვის. არის მედიკამენტები, რომლებიც მსგავსი შემადგენლობით ჩვენ დავნერგეთ ბაზარზე, როგორიცაა ნემოლიქსი C3, ჰელიქს პლუსი და ა.შ. ნემოლიქსი C3-ზე გეტყვით, რომ მონაწილეობს ხრტილის აღდგენასა და ტკივილის შემსუბუქებაში. პაციენტებს, რომლებსაც უამრავი წამალი, მასაჟი ჰქონდათ ნაცადი უშედეგოდ, ნემოლიქსის მიღებიდან 1 კვირაში შეუმცირდათ სიმპტომები. მინდა აღვნიშნო, რომ სწორედ კმაყოფილი პაციენტი არის ჩვენი მოტივაცია.
ასევე, კომპანიის პრიორიტეტია მომავალი თაობის ჯანმრთელობა, სწორედ ამიტომ პრეპარატების ერთ-ერთ მთავარ ხაზს პედიატრიული ჯგუფი წარმოადგენს.
როგორ ფიქრობთ, რას მოაქვს წარმატება?
მიზანდასახულობას, მონდომებასა და საქმისადმი გულწრფელ დამოკიდებულებას. კომპანიისთვის კი მნიშვნელოვანია პროფესიონალი და კომპეტენტური გუნდი. „ევროფარმა ჯორჯიას“ დაარსების დღიდან ალისა არსლანი მართავს და უდიდესი გამოცდილება აქვს. ყველა პოზიციას კარგად იცნობს და ზუსტად იცის, როდის რა ნაბიჯები უნდა გადაიდგას. თავდაპირველად მისი მიზანი იყო ბაზარზე თავის დამკვიდრება და ნდობის მოპოვება, რაც წარმატებით შეძლო. ახლა კი მნიშვნელოვანია ამ ნდობისა და ხარისხის შენარჩუნება და სიახლეების შეთავაზება, მუდმივი გაუმჯობესება და განახლება. მარტივი მაგალითისთვის, D ვიტამინი რომ ავიღოთ, ბაზარზე ათობით დასახელებაა, თუმცა მათი უმრავლესობა შემოსულია ქვეყანაში, როგორც საკვები დანამატი, რაც ნიშნავს, რომ კონტროლს არ გადის ჯანდაცვის სამინისტროს მიერ. ჩვენი D ვიტამინი „დეკოლეროლი“ კი ჯანდაცვის სამინისტროს მიერაა დარეგისტრირებული როგორც მწარმოებელ ქვეყანაში, ასევე საქართველოში და შემოწმებულია ლაბორატორიულად. სწორედ ამიტომ ირჩევს „ევროფარმა ჯორჯიას“ როგორც ექიმების, ისე პაციენტების უმრავლესობა.
როგორია კომპანიის სამომავლო გეგმები?
როგორც დაარსების დღიდან, ასევე სამომავლოდაც, ჩვენი მიზანია მოსახლეობის ჯანმრთელობის დონის გაუმჯობესებასა და განვითარებაზე ზრუნვა. მსოფლიოსა და ადგილობრივი სამედიცინო და ფარმაცევტული სექტორების თანამედროვე ტენდენციების კვალდაკვალ გავაგრძელებთ მომხმარებლისთვის ინოვაციური ფარმაცევტული პროდუქციის შეთავაზებასა და საქართველოს ფარმაცევტულ ბაზარზე ასორტიმენტის გამდიდრებას.
ტექსტი: სოფიო მალანია
ფოტო: მაკა მეგრელიძე
