Esthetic Center Body & Beauty skin care მომხმარებელს სთავაზობს პროფესიულ და შედეგზე ორიენტირებულ მომსახურებას. ეს არის ადგილი, სადაც თქვენს სილამაზეზე გამოცდილი ადამიანები ზრუნავენ. დეტალური ინფორმაციისთვის OK! პირადად გაესაუბრა მის დამფუძნებელს, თეა ჩხაიძეს.
გვიამბეთ Esthetic Center Body & Beauty skin care-ის დაარსების ისტორია.
ესთეტიკური ცენტრი 1 წლის წინ დავაარსე, თუმცა 6-წლიანი სამუშაო გამოცდილება მაქვს, რა პერიოდშიც პაციენტებს მხოლოდ დიოდურ ეპილაციას ვთავაზობდი. შემდეგ გავაფართოვე მომსახურების სფერო და ახლა უკვე ესთეტიკური ცენტრი მომხმარებლებს სთავაზობს კაპილარების მოშორების პროცედურას და ოზონის/ოქროს ნემსით ეპილაციას. ჩემი წარმატება შეუძლებელი იქნებოდა ჩემი გუნდის გარეშე. მადლობა ლაზეროთერაპევტებს − ნათია ხუხუნაშვილსა და სალომე ხუციშვილს გვერდით დგომისთვის. ასევე, მადლობა მარიანა თორაძეს და სილამაზის სალონს the house of beauty, რომელიც მუდამ გვერდით მიდგას ბიზნესის განვითარებაში.
ჯავშნის გაფორმება რამდენი დღით ადრეა შესაძლებელი?
ჯავშნის გაფორმება მინიმუმ 3-4 დღით ადრეა შესაძლებელი.
მთავარი ნიშა, რომელიც Esthetic Center Body & Beauty skin care-ს გამოარჩევს…
უპირველეს ყოვლისა, ორიენტირებული ვარ იმაზე, რომ მომხმარებლებმა მაქსიმალური კომფორტით მიიღონ უმაღლესი ხარისხის მომსახურება არსებული ყველა რეკომენდაციის დაცვით. მინდა, თამამად ვთქვა, რომ ჩვენთან შედეგი გარანტირებულია.
გვესაუბრეთ პანდემიით გამოწვეულ სირთულეებზე.
ბოლო ერთი წელი ძალიან მძიმე იყო არა მარტო ჩვენი სფეროსთვის, არამედ გლობალურად. პანდემიამ დიდი ზეგავლენა მოახდინა ბიზნესსფეროს სტაგნაციაზე. მართალია, სილამაზის სფერომ სხვა ბიზნესისგან განსხვავებით კიდევ უფრო შეძლო მუშაობის გაგრძელება, მაგრამ ეს ყველაფერი ძალიან დიდ რისკთან და ხარჯებთან არის დაკავშირებული, რამაც განვითარებას შეუშალა ხელი. იმედი მაქვს, მალე დავუბრუნდებით ნორმალური ცხოვრების წესს.
თქვენი აზრით, რა სჭირდება ქალს დასახული მიზნის მისაღწევად?
დასახული მიზნის მისაღწევად აუცილებელია, უპირველეს ყოვლისა, ვიცოდეთ, რას ვაკეთებთ, რატომ და რისთვის. ამ ყველაფრის გარკვევის შემდეგ, შევისწავლოთ საქმე საფუძვლიანად, რათა შევძლოთ წარმატების მიღწევა, მაგრამ როდესაც მივაღწევთ მიზანს, უნდა შევძლოთ მისი კიდევ უფრო განვითარება, რათა მუდმივად ვიყოთ პროდუქტიული.
Esthetic Center Body & Beauty skin care-ის სამომავლო გეგმები.
გვინდა, კიდევ უფრო მრავალფეროვანი მომსახურება შევთავაზოთ ჩვენს მომხმარებლებს, რათა მათთვის სასურველი ყველა პროცედურა ერთ სივრცეში იყოს.
ტექსტი: მარიამ მთივლიშვილი
ფოტო: ალექსეი სეროვი
