საკუთარ თავთან ჰარმონია მასზე ზრუნვით იწყება, რასაც თითოეული ქალბატონი დიდ ყურადღებას აქცევს. მრავალწლიანი გამოცდილების მქონე ესთეტიკის ცენტრი „ლა ფემე“, მაღალი ხარისხისა და მომსახურების გამო წარმატებას უწყვეტად ინარჩუნებს, რადგან აქ ესთეტიკური სერვისების გარდა, თქვენ დაგხვდებათ პროფესიონალთა გუნდი, რომელიც ყველაფერს აკეთებს იმისთვის, რომ მომხმარებელი მუდმივად კმაყოფილი იყოს. მათი სერვისებისა და საქმიანობის შესახებ დეტალური ინფორმაციისთვის ჟურნალ OK დამფუძნებელ ნათია მესხს გაესაუბრა.
საიდან გაგიჩნდათ ინტერესი და სურვილი, დაგეარსებინათ ესთეტიკური ცენტრი?
ზოგადად მიმაჩნია, რომ საქმე, რომელსაც აკეთებ, შენს შინაგან სამყაროსთან თანხვედრაში უნდა იყოს, წინააღმდეგ შემთხვევაში წარმატების მიღწევა გართულდება. სწორედ ჩემმა ხასიათმა და ინტერესებმა მიბიძგა გამეკეთებინა ისეთი დაწესებულება, სადაც ადამიანებს შეუძლიათ გახდნენ უფრო ლამაზები, თავდაჯერებულები და ბედნიერები.
რამდენი ხანია, რაც ბაზარზე ოპერირებთ?
3 წელზე მეტია ამ საქმიანობით ვარ დაკავებული და მთავარი, რაც განვლილი გზით ვისწავლე ისაა, რომ არასდროს შევუშინდე გამოწვევებს, ყოველთვის ვიყო თვითმოტივირებული, მიუხედავად ბევრი პრობლემისა. მხოლოდ ამ გზით შეიძლება მიაღწიო წარმატებას.
რა პროცედურებს სთავაზობთ ადგილზე მოსულ სტუმრებს?
„ლა ფემე“ საზოგადოებას პროცედურების ფართო არჩევანს სთავაზობს: კოსმეტოლოგიურ, ინიექციურ, ლაზერულ ეპილაციას, კრიოლიპოლიზს (ცხიმის დაშლა მოყინვის მეთოდით), კავიტაციას RF (სხეულის გამკვრივება), ვაკუუმთერაპიას, ასევე ორი ტიპის მასაჟს, როგორც სამკურნალოს, ასევე სარელაქსაციოს. ხარისხი და ხელმისაწვდომობა არის მთავარი მახასიათებლები, რასაც დიდ ყურადღებას ვაქცევთ. აქედან გამომდინარე, ჩვენთან მოსულ ადამიანებს ხვდებათ ფართო არჩევანი, რათა მაქსიმალურად დაკმაყოფილებული იყოს მათი მოთხოვნები. მეორე მხრივ, ასევე ვზრუნავთ იმაზე, რომ მაქსიმალური ინფორმაცია მივაწოდოთ მომხმარებელს და წინასწარ ყველა დეტალი გავითვალისწინოთ.
თქვენი აზრით, რა განასხვავებს „ლა ფემეს“ სხვა ესთეტიკის ცენტრებისგან?
ვფიქრობ, რომ „ლა ფემეს“ ჰყავს გუნდი, რომელიც მაქსიმალურად ორიენტირებულია ხარისხსა და მომხმარებლებზე. უმთავრესია ის ფაქტიც, რომ ჩვენ გვაერთიანებს საქმისადმი უდიდესი სიყვარული, რომელსაც უკვე ამდენი წელია წარმატებით ვაკეთებთ.
გუნდი, რომელიც ქმნის წარმატებას…
გუნდის წევრების შერჩევისას, ძირითად აქცენტს პროფესიონალიზმსა და განვითარების პოტენციალზე ვაკეთებთ, რაც წარმოადგენს ჩვენი არაჩვეულებრივი გუნდის მთავარ ნიშანს, ასევე უმნიშვნელოვანესია პიროვნული თვისებები და ღირებულებები, რასაც დიდი ყურადღებით ვაკვირდებით.
სამომავლო გეგმები…
რა თქმა უნდა, ცენტრის დაარსების დღიდან გვქონდა მრავალწლიანი გეგმა, რაც ითვალისწინებს საქმიანობის გაფართოებასა და ჩვენი პოტენციური კლიენტებისთვის თანამედროვე და საჭირო სერვისების მიწოდებას, აღნიშნული საკითხები ეტაპობრივად უკვე მიმდინარეობს და სამომავლოდ ჩვენს ერთგულ მომხმარებლებს არაერთ სიუპრიზს ვპირდებით.
ტექსტი: მაკუნა შავგულიძე
ფოტო: ნინი გორდაძე
