#OK! ესპანო მომხმარებლის საიმედო პარტნიორი

უმაღლესი ხარისხის, ეკოლოგიურად სუფთა, ესპანური სარემონტო მასალების ფართო არჩევანი

OK! Decor Book გიამბობთ სარემონტო კომპანია „ესპანოს“ შესახებ, რომელიც 2012 წლიდან არის ქართულ ბაზარზე და ცნობილია სამარკო ნიშნით „ესპანური სახლი“. კომპანია მომხმარებელს სთავაზობს მაღალ ხარისხსა და განსხვავებულ ესპანურ დიზაინს. მისი არჩევანია ისეთი ესპანური წამყვანი ბრენდები, როგორებიცაა ELMOLINO, NAVARTI, CLEVER GRIFERIA, FINSA-FINFLOOR, ELFOSCERAMICA, CAPA, ARCO, TUCAI, KERAKOLL, JIMTEM, EUROSHRINK. BAGLINOX, DEBANO, PLASDECOR და სხვ. ხარისხიანი პროდუქცია კი გრძელვადიანი კომფორტის გარანტია.

„ესპანოს“ შოურუმი არის სივრცე, სადაც დაგხვდებათ უმაღლესი ხარისხის, ეკოლოგიურად სუფთა სარემონტო-მოსაპირკეთებელი მასალები: ესპანური კერამიკული ფილები, კერამოგრანიტი ინტერიერისა და ექსტერიერისთვის. ლამინირებული იატაკი, შემრევი ონკანები და აბაზანის აქსესუარები, ჰიდროსაიზოლაციო მასალები და ძლიერი მოჭიდების მქონე ესპანური წებო-ცემენტის ნაირსახეობა; ანტიბაქტერიული და ანტიალერგიული დეკორატიული ცემენტი, ფუგას მზა ფერების არჩევანი; ესპანური ბრენდის ტრაპები, დამატებითი სარემონტო მასალები, რაც საჭიროა თქვენი სახლის კომფორტული და ხარისხიანი მოპირკეთებისთვის.

ხარისხისა და დიზაინის შეხამება რემონტის პროცესში უმნიშვნელოვანესია, რათა თქვენი სახლი რემონტის შემდეგ იყოს ისეთი, როგორიც თავად გსურდათ. „ესპანო“ არის ესპანური ბრენდების ექსკლუზიურად ოფიციალური წარმომადგენელი საქართველოში. ყველა პროდუქცია დამზადებულია ესპანეთში. მომხმარებელს შეუძლია შეარჩიოს მხოლოდ ესპანური ლიდერი ქარხნის პროდუქცია. ვინც ეძებს განსხვავებულ, თანამედროვე, საინტერესო ესპანურ სტილს, „ესპანო“ სწორედ მათი არჩევანია.

უკვე 10 წელია ერთგული, შრომისმოყვარე, ღირსეული პროფესიონალების გუნდი ქმნის „ესპანოს“. შოურუმში მისულს, კეთილგანწყობილი, მეგობრული და პროფესიონალი პერსონალი დაგხვდებათ, რომლებიც მოგაწვდიან კვალიფიციურ ინფორმაციას პროდუქციის შესახებ. აუცილებელია მომხმარებელს ჰქონდეს სწორი ინფორმაცია, რათა სასურველი პროდუქცია სწორად აირჩიოს, მისი გემოვნებისა და ხარისხის გათვალისწინებით.

აღსანიშნავია, რომ „ესპანოს“ მიერ შემოთავაზებულ ყველა ქარხნის პროდუქციას გავლილი აქვს ლაბორატორიული შემოწმება (ტესტის შედეგი: ეკოლოგიურად სუფთა, ანტიბაქტერიული, ხოლო რადიაცია – 0%), რაც ოფიციალურად დადასტურებულია სათანადო სერტიფიკატებით. ასევე, თითოეული პროდუქცია სრულად აკმაყოფილებს ევროსტანდარტს და სერტიფიცირებულია ISO-სერტიფიკატით. მაღალი ხარისხი, განსხვავებული დიზაინი და პროფესიონალთა გუნდი არის თქვენი მეგზური ესპანური კერამიკის ფერად სამყაროში.

კომპანიას დიდი სამომავლო გეგმები აქვს: „ესპანო“ მალე შესთავაზებს განახლებულ პროდუქციას და ახალ ბრენდებს მომხმარებლებს, 2023 წელს კი ჩვენს შოურუმში მოსულ ადამიანებს უფრო მეტი სიახლე ელოდებათ, მათ შორის: შოურუმის გაფართოება − როგორც კერამიკისა და ლამინატის, ასევე, სანტექნიკის მიმართულებებით. კომპანიაში აღნიშნავენ, რომ მათი მიზანია მუდმივი განვითარება, ინოვაციების შეთავაზება და ხარისხით შედეგის უზრუნველყოფა.