საერთაშორისო ბრენდი DIVES MED უკვე ერთი წელია, რაც ქართულ ბაზარზე გამოჩნდა. მისი ოფიციალური წარმომადგენელი საქართველოში „გლობალ ესთეტიქსია“. ბრენდის მრავალფეროვან და ხარისხიან პროდუქციას აქტიურად იყენებენ მაღალკვალიფიციური ექიმი-კოსმეტოლოგები და დერმატოლოგები. თუ რა უპირატესობები და სამომავლო გეგმები აქვს აღნიშნულ ბრენდს, ამის შესახებ უფრო ვრცლად „გლობალ ესთეტიქსის“ დამფუძნებელი, ნინო ცანავა და ექიმ-კოსმეტოლოგი თეა მრევლიშვილი გვესაუბრნენ.
ნინო, გაგვაცანით DIVES MED.
DIVES MED მსოფლიო ბაზარზე აქტიურად მოღვაწეობის 7 წელს ითვლის და მოიცავს 24-ზე მეტ ქვეყანას. კომპანია წარმოადგენს გერმანულ ჰოლდინგს, რომელიც საკუთარ პროდუქციას გერმანიასა და იტალიაში აწარმოებს, ხოლო მისი სათავო ოფისი პოლონეთშია განთავსებული.
საამაყოა, რომ ჩვენ გვაქვს დაპატენტებული ჰიალურონის მჟავას ფორმულა, რომელიც გამოიყენება ფილერების წარმოებისთვის. ასევე ის გარემოება, რომ ვფლობთ ევროპის ყველა აუცილებელ სერტიფიკატს, მყარი საფუძველია მაღალი ხარისხის პრეპარატებისა და აპარატურის წარმოებისთვის.
გვესაუბრეთ DIVES MED-ის პროდუქტების უპირატესობებზე.
(ნინო ცანავა): DIVES MED გამოირჩევა პროდუქციის მრავალფეროვნებით, რაც გულისხმობს ერთი ბრენდის ქვეშ თითქმის ყველა პროდუქტის გაერთიანებას – ფილერები, ბუსტერები, ბიორეპარანტები, მეზოკოქტეილები, ძაფები, პილინგები, საცხები და აპარატურა, რაც აუცილებელია ექიმ-კოსმეტოლოგებისთვის ხარისხიანი და ეფექტური მუშაობისთვის.
ექიმ-კოსმეტოლოგებისა და პაციენტების კომფორტს განაპირობებს ის ფაქტიც, რომ DIVES MED-ის ფილერები არ მიგრირებს, გამოირჩევა ელასტიკურობითა და მდგრადობით. ამასთან, პაციენტს შესაძლებლობა აქვს, აირჩიოს ლიდოკაინის შემცველი ფილერი, რომელიც ნაკლებად მტკივნეულია, ხოლო ალერგიული პაციენტებისთვის ხელმისაწვდომია ლიდოკაინის გარეშე ფილერებიც. რაც შეეხება ბიორეპარანტებს, ისინი საერთოდ არ არის მტკივნეული და აქვს მომენტალური ეფექტი.
გარდა ამისა, ექიმებისთვის კომფორტულია ისიც, რომ პაციენტს ყოველი პროცედურის შემდგომ შედეგის კიდევ უფრო გასაუმჯობესებლად შეუძლია დაუნიშნოს DIVES MED-ის სახის სახლში მოვლის საშუალებები.
(თეა მრევლიშვილი): როგორც ნინომ აღნიშნა, DIVES MED გამოირჩევა პრეპარატების ფართო პორტფოლიოთი, როგორც სახის მოვლის საშუალებები, ისე ექიმ-კოსმეტოლოგის კაბინეტისთვის ყველა საჭირო პრეპარატს. ეს კოსმეტიკური საშუალებები აკმაყოფილებს მომხმარებლის ყველა მოთხოვნას, კერძოდ – ხარისხი, ეკოლოგიურობა და რაც მთავარია კომფორტი, ხოლო ბრენდის პრეპარატებისა და აპარატურის ხარისხზე მეტყველებს ის სერტიფიკატები, რომელიც კიდევ ერთხელ უსვამს ხაზს მის სანდოობას.
სამომავლო გეგმები…
(ნინო): სასიხარულოა, რომ DIVES MED-ის ძაფებზე მიღებულმა დადებითმა გამოხმაურებებმა მოგვცა სტიმული, აქტიურად დაგვეწყო მუშაობა ამ ხაზითაც, შესაბამისად, უკვე ყველა დაინტერესებულ ექიმს შეეძლება აღნიშნული პროდუქტის მიღება.
მიუხედავად მცირე დროისა და დიდი კონკურენციისა, ამ ერთი წლის განმავლობაში კომპანიამ არაერთი ექიმის კეთილგანწყობა მოიპოვა, რაც ძალიან გვახარებს და გვაძლევს კიდევ უფრო მეტ ენერგიას, რათა უზრუნველვყოთ ლოიალურობის შენარჩუნება, პორტფოლიოს კიდევ უფრო გამრავალფეროვნება, სასარგებლო და ეფექტური აპარატურის შემოტანა და ასევე, კვალიფიკაციის ამაღლების მიზნით, სხვადასხვა ღონისძიების შეთავაზება.
ამჟამად კი კვალიფიკაციის ამაღლებისთვის უკვე ვამზადებთ საერთაშორისო კურსს, რომელსაც ჩვენს ექიმ-კოსმეტოლოგებს ნოემბერში შევთავაზებთ.
ტექსტი: სოფიო მალანია
ფოტო: ალექსეი სეროვი
