გაბრიელა, 9 წლის (09.03.2014)
მე მიყვარს ხატვა და ხელნაკეთი ნივთების შექმნა. ასევე მიყვარს ოჯახთან ერთად დროის გატარება და ფულის შეგროვება, რათა შემდგომ ჩემს დაიკოებს ვუყიდო საჩუქრები და გავაკეთო სიკეთე მათთვის, ვისაც ეს სჭირდება. დიდ სიამოვნებას ვიღებ დედიკოსა და ჩემს დაიკოებთან ერთად სეირნობით.
საყვარელი ფერი იასამნისფერია. მიყვარს ცხოველები, განსაკუთრებით ცხენები და ძაღლები.
დავდივარ ქართულ ცეკვაზე და ვუკრავ ფორტეპიანოზე. როდესაც გავიზრდები, მინდა ექიმი ან ტანსაცმლის დიზაინერი ვიყო.
ჩემი ოცნება ჩემი ოჯახის კარგად ყოფნაა.
ბარბარე, 8 წლის (10.03.2015)
მიყვარს თამაში, ხატვა, ტელევიზორის ყურება, ტკბილეული და მეგობრებთან ერთად დროის გატარება. ასევე, სტუმრების გამასპინძლება, ლამაზად ჩაცმა, ოჯახთან ერთად კინოში სიარული და სიკეთის კეთება.
ჩემი საყვარელი ფერი მწვანე და ცისფერია. ძალიან მიყვარს ცხოველები, განსაკუთრებით ლეკვები, კნუტები და ცხენები.
დავდივარ ხატვასა და სამეჯლისო ცეკვაზე. რომ გავიზრდები, მინდა ტანსაცმლის დიზაინერი გავხდე.
ოცნება ჯერჯერობით არ მაქვს.
სესილი, 6 წლის (05.07.2016)
მიყვარს ხატვა და მანქანებით და თოფებით თამაში. ჩემი საყვარელი გმირები ბეტმენი, ჰალკი და სპაიდერმენი არიან. კიდევ ძალიან მიყვარს დედიკოს ჩახუტება და კოცნა. მსიამოვნებს, როდესაც ქუჩაში მსხდომ ბებოებს ვეხმარები.
საყვარელი ფერი ლურჯი და ცისფერია. ცხოველებიდან ყველაზე მეტად კურდღელი, ძაღლი და მაიმუნი მიყვარს.
დავდივარ ჩოგბურთზე და ბასტი ბუბუში. რომ გავიზრდები მინდა ვეტერინარი ვიყო, რომ ავადმყოფ ცხოველებს დავეხმარო.
ჩემი ოცნებაა დედიკო სულ ჩემთან იყოს.
ფოტო: ალექსეი სეროვი
სტილი: თამთა დალაქიშვილი
სამოსი: pangolini kids
