#OK! დახვეწილი აქსესუარები P’IK/Art-ისგან - ინტერვიუ დიზაინერ თეონა ღონღაძესთან

P’IK/Art მომხმარებლებს სთავაზობს უმაღლესი ხარისხის დახვეწილ, ფერად და მრავალფეროვან აქსესუარებს. კოლექციაში წარმოდგენილი თითოეული აქსესუარი უნიკალურია, რადგან არ მეორდება. რაც შეეხება მის დამზადების პროცესსა და მასალას, თითოეული მათგანი უდიდესი ყურადღებით შეირჩევა და დიდი სიყვარულით იქმნება. დეტალური ინფორმაციისთვის OK! გაესაუბრა P’IK/Art-ის დამფუძნებელ თეონა ღონღაძეს.

გვიამბეთ P’IK/Art-ის შექმნის ისტორია.

ბავშვობიდან ვატარებდი ექსპერიმენტებს როგორც სამოსზე, ისე სამკაულებზე. ვქმნიდი ახალს ჩემი თავისთვის და ყოველთვის მსურდა საკუთარი ხაზის შექმნა, შემდგომ კი მისი საზოგადოებისთვის წარდგენა. ვინაიდან ხელოვანი ადამიანისთვის მთავარი მრავალფეროვნებაა, დიდი ხანი მოვანდომე ფიქრს იმასთან დაკავშირებით, ტანსაცმლის ხაზი შემექმნა თუ სამკაულის. საბოლოო გადაწყვეტილების შედეგად კი შევქმენი P’IK/Art და ამ ეტაპზე მხოლოდ სამკაულებზე ვმუშაობ. რაც შეეხება ჩემი ბრენდის სახელს, მას თავისი დატვირთვა აქვს. მომდინარეობს იმ სახელიდან, რომელსაც ბავშვობაში მეგობრები მეძახდნენ (Piki), და რომელიც Art-თან დავაკავშირე.

რა სახის პროდუქციას სთავაზობს P’IK/Art მომხმარებელს?

მომხმარებელს ვთავაზობ მრავალფეროვანი მასალისგან დამზადებულ პროდუქციას, კერძოდ − ნატურალური ქვის, ხისა და ტყავის დეტალებისგან. ახლო მომავალში კი ვგეგმავ მამაკაცის აქსესუარების შექმნასაც.

მთავარი ნიშა, რომელიც P’IK/Art-ის პროდუქციას გამოარჩევს…

ვინაიდან მაქსიმალისტი ვარ და თითოეულ დეტალს ძალიან დიდ ყურადღებას ვაქცევ, ჩემ მიერ შექმნილი პროდუქცია მაღალი ხარისხით გამოირჩევა. რაც შეეხება მის დიზაინს, ფერადია, დახვეწილია და ნებისმიერი გემოვნებისა და ასაკის ადამიანზეა მორგებული. აღსანიშნავია, რომ კოლექციაში აქსესუარები ერთმანეთისგან განსხვავებულია და არ მეორდება. ყოველივე ამას კი მომხმარებლისთვის უფრო მიმზიდველს ხდის ის ფასიც, რომელიც ყველასთვის ხელმისაწვდომია.

სად შეუძლია მომხმარებელს თქვენი პროდუქციის შეძენა?

აქსესუარების შეძენა შესაძლებელია როგორც ონლაინ, ისე P’IK/Art-ის „ბუტიკში“, რომლის მისამართის ნახვა ჩვენს ოფიციალურ ვებგვერდზეა შესაძლებელი.

სამომავლო გეგმები…

ახლო მომავალში ვგეგმავ P’IK/Art-ის პროდუქციის გამოფენას როგორც თბილისში, ისე მის ფარგლებს გარეთ, სადაც წარმოდგენილი იქნება აქსესუარების ფართო არჩევანი.