მოგზაურობა განტვირთვისა და დასვენების საუკეთესო საშუალებაა, ამიტომ წლის ნებისმიერ სეზონზე საკუთარი თავისთვის რამდენიმე დღის დათმობა და ძალების აღდგენა აუცილებლობასაც კი წარმოადგენს. ბევრისთვის მოგზაურობა ახალი ადამიანების გაცნობასთანაც ასოცირდება, თუმცა იმაზე ყველა ვთანხმდებით, რომ ყოველი ახალი ქვეყნის მონახულება ახალ, დაუვიწყარ შთაბეჭდილებებს გვიტოვებს. მანამდე კი, სანამ მოგზაურობას გადავწყვეტთ, მნიშვნელოვანია ყველა დეტალი წინასწარ დავგეგმოთ, მათ შორის ბილეთის შეძენა, სასტუმროს დაჯავშნა და ტრანსპორტირება, მოსანახულებელი ობიექტებისთვის დროის სწორად გადანაწილება და კიდევ უამრავი დეტალი… სწორედ ამაში დაგეხმარებათ ტურისტული კომპანია Top Travel. მანამდე კი გთავაზობთ ინტერვიუს კომპანიის დამფუძნებელ ანნა გრიგოლიშვილთან.
უპირველესად გაგვაცანით კომპანია Top Travel. რამდენი ხანია, რაც ტურისტულ ბაზარზე გამოჩნდა?
„ტოპ თრეველი“ უკვე 10 წელია ოპერირებს საქართველოს ტურისტულ ბაზარზე. ძალიან ვამაყობთ, რომ 10 წლის მანძილზე უამრავი ჯილდო გვაქვს მოპოვებული როგორც გაყიდვების საუკეთესო მაჩვენებლის, ისე მომსახურების უმაღლესი ხარისხის გაწევისთვის. მომხმარებელს ტურებს მსოფლიოს ნებისმიერი მიმართულებით ვთავაზობთ.
რა სახის მომსახურებას სთავაზობთ საზოგადოებას?
„ტოპ თრეველი“ მომხმარებლებს მოგზაურობასთან დაკავშირებულ ნებისმიერ სერვისს სთავაზობს, როგორიცაა: ავიაბილეთები მსოფლიოს ნებისმიერი მიმართულებით, სასტუმროები და აპარტამენტები, ინდივიდუალური და ჯგუფური ტრანსფერები, კრუიზები და სხვა. აღნიშნული მომსახურებების შეძენა მომხმარებელს შეუძლია როგორც ცალკეულად, ისე გაერთიანებულად – ანუ შეკრული ტურის სახით.
რომელი მიმართულებებია ამ ეტაპზე მოთხოვნადი?
ამ ეტაპზე ძალიან მოთხოვნადი და აქტუალურია ტურები თბილ ქვეყნებში: შრი-ლანკა, ტაილანდი, მალდივები, გაერთიანებული საემიროები, ეგვიპტე და ასევე ევროპის ნებისმიერი ქვეყანა, რომელიც ყველა სეზონზე აქტუალურია ქართველი დამსვენებლისთვის და პოპულარობით სარგებლობს ყველა სეზონზე. აქვე მინდა აღვნიშნო, რომ უკვე დაწყებულია თურქეთის საზღვაო კურორტებზე წინასწარი ჯავშნების მიღება და ახლა დაჯავშნის შემთხვევაში ტურების ღირებულება საგრძნობლად დაბალია, ვიდრე სეზონზე. ზაფხულის საგზურების შეძენის შემთხვევაში მომხმარებელი ახლა ტურის სრული ღირებულების მხოლოდ 30%-40%-ს იხდის, ხოლო დარჩენილ თანხას გამგზავრებამდე 10 დღით ადრე, რაც გადახდის პროცესს ძალიან კომფორტულს ხდის. წინასწარი დაჯავშნა ხდება აგრეთვე საბერძნეთისა და კვიპროსის მიმართულებით. ასე რომ, ჩვენი მომხმარებელი უკვე აქტიურად გეგმავს ჩვენთან ერთად ზაფხულში დასვენებას.
რა შედის ტურის ღირებულებებში?
თუ შეკრულ ტურებს გულისხმობთ, ღირებულებაში შედის: ორმხრივი ავიაბილეთი, სასტუმრო (ძირითადად, All Inclusive პაკეტით, გააჩნია მომხმარებლის მოთხოვნას), ტრანსფერი (აეროპორტი-სასტუმრო-აეროპორტი) და სამოგზაურო დაზღვევა. ყველა მომხმარებელს ინდივიდუალურად ვუდგებით და მოთხოვნის შესაბამისად ვუგეგმავთ სასურველ და კომფორტულ მოგზაურობას.
რა რჩევებს მისცემთ მათ, ვინც ახლო მომავალში მოგზაურობას გეგმავს?
ჩვენს ერთგულ და მომავალ მომხმარებლებს რჩევის სახით ვეტყოდი, მიიღონ სრული სიამოვნება მოგზაურობის პერიოდში და არ იფიქრონ არანაირ ნეგატივზე. ჩვენ კი, ჩვენი მხრიდან სრულად უზრუნველვყოფთ მათ მოწესრიგებულ და კომფორტულ დასვენებას.
რატომ უნდა ავირჩიოთ Top Travel?
„ტოპ თრეველი“ იმიტომ უნდა აირჩიოს მომხმარებელმა, რომ მშვიდად იყოს მოგზაურობის პერიოდში და ჰქონდეს მოწესრიგებული, უსაფრთხო და კომფორტული დასვენების გარანტია. მიუხედავად იმისა, რომ „ტოპ თრეველს“ ასიათასობით მომხმარებელი ჰყავს, ჩვენი ტურმენეჯერები 24/7-ზე მუდმივად კონტაქტობენ თითოეულ მათგანთან მაქსიმალური ყურადღებისა და კომფორტის შექმნის მიზნით. აქვე დავამატებ, რომ ჩვენი ტურმენეჯერები სისტემატურად დადიან ინფორმაციულ ტურებში, სადაც ეცნობიან ყველა სასტუმროს, რომელსაც მომხმარებლებს ვთავაზობთ. შესაბამისად, ყოველთვის ზუსტად ვიცით, რომელი სასტუმრო შევთავაზოთ მომხმარებელს მათი ბიუჯეტის შესაბამისად.
როგორია კომპანიის სამომავლო გეგმები?
ჩვენი კომპანია ყოველდღიურად ვითარდება. ეს ჩვენი მომხმარებლების დამსახურებაა, ვინაიდან მათი მრავალფეროვანი მოთხოვნები გვაძლევს მოტივაციას და ბიძგს, რომ დავხვეწოთ ჩვენი მომსახურება და ტურისტულ ბაზარზე ინოვაციური მიმართულებების ტურები შემოვიტანოთ. მაგალითად, წელს გვქონდა ტურები ჯადოსნურ ლაპლანდიაში ჩვენს გიდთან ერთად, სადაც უამრავი მომხმარებელი გავუშვით და საოცარი ემოციები ვაჩუქეთ. ჩვენთვის პრიორიტეტია საქართველოს ბაზარზე განსხვავებული და ინოვაციური მიმართულებების შემოტანა.
