კილიან მერფი კინოინდუსტრიის ერთ-ერთი ყველაზე პატივსაცემი მსახიობია, რომლის დაყოლიებაც, როგორც რეჟისორები აღნიშნავენ, ნებისმიერი როლისთვის ძალიან რთულია. მიუხედავად იმისა, რომ ირლანდიელ მსახიობს გასული ათწლეულების არაერთ გახმაურებულ ფილმსა და სერიალში აქვს მონაწილეობა მიღებული, მისი ხილვა წითელ ხალიჩებსა და გლამურულ ღონისძიებებზე ძალიან რთულია. 2013 წლიდან, ტომას შელბის პერსონაჟის როლის მორგების შემდეგ კილიანის პოპულარობა დღითიდღე უფრო იზრდებოდა, თუმცა მსახიობის მოკრძალებული ცხოვრება და ჰოლივუდისგან მოშორებით ცხოვრების სურვილი არ შეცვლილა.
კილიან მერფიმ “ოსკარების” 2024 წლის დაჯილდოებაზე ფილმ “ოპენჰაიმერში” შესრულებული როლისთვის ჯილდო მიიღო, საუკეთესო მამაკაცი მსახიობის კატეგორიაში.
