OK! DECOR BOOK წარმოგიდგენთ ხელნაკეთ სუფრებს Chiffon. ბრენდი ახალია ქართულ ბაზარზე, რომელიც გამოირჩევა მაღალი ხარისხითა და ინდივიდუალიზმით. პროდუქცია განსაკუთრებულია იმით, რომ არცერთი სუფრა არ მეორდება. გთავაზობთ ინტერვიუს ბრენდის ერთ-ერთ დამფუძნებელ თამარ კაციაშვილთან.
გვიამბეთ, როგორ დაიბადა Chiffon-ის იდეა და რამდენი ხანია რაც ქართულ ბაზარზე ოპერირებს?
Chiffon ფრანგული სიტყვაა და „ქსოვილს“ ნიშნავს. ჩემი საქმიანობა პირდაპირ კავშირშია ქსოვილთან, შესაბამისად ინსპირაციაც აქედან მოდის. ქართულ ბაზარზე ცოტა ხანია რაც გამოვჩნდით, ახლა ვიწყებთ ბრენდის განვითარებას.
რა სახის პროდუქციას სთავაზობთ საზოგადოებას?
ჩვენ მომხმარებელს ვთავაზობთ ხელნაკეთ, ექსკლუზიურ სუფრებს. იგი გამოირჩევა მაღალი ხარისხითა და მრავალფეროვნებით. საკმაოდ დიდი გამოხმაურება გვაქვს, სრული პროდუქციის წარდგენას საახალწლოდ ვგეგმავთ.
ნიშა, რომელიც სხვებისგან გამოგარჩევთ…
მთავარი, რაც სხვებისგან გამოარჩევს Chiffon-ს, არის ინდივიდუალიზმი, მრავალფეროვნება და ხარისხზე ორიენტირება.
გვესაუბრეთ თქვენ მიერ წარმოებული პროდუქციის შესახებ.
ეს არის ქართული წარმოების ბრენდი, რომელიც ამ ეტაპზე მოიცავს დეკორატიულ სუფრებს, ხელსახოცებს, რანერებსა და მატიკებს.
როგორ და სად შეიძლება თქვენი პროდუქციის შეძენა?
ამ ეტაპზე პროდუქციის შეძენა შესაძლებელია Chiffon-ის ფეისბუქ და ინსტაგრამ-გვერდებზე.
როგორია თქვენი სამომავლო გეგმები?
სამომავლოდ ვგეგმავთ გაფართოებას, ვაპირებთ მომხმარებელს შევთავაზოთ ტექსტილის სრული ასორტიმენტი.
