კანის საერთაშორისო კინოფესტივალი მსოფლიოში ერთ-ერთი ყველაზე პრესტიჟული ღონისძიებაა მსოფლიოში, რომელიც პირველად 1946 წლის 20 სექტემბრიდან 5 ოქტომბრამდე საკურორტო ქალაქ კანში, საფრანგეთის სანაპიროზე ჩატარდა და მას შემდეგ ყოველწლიური კინოფესტივალის სახე მიიღო.
კანის კინოფესტივალის რიგით 74-ე დაჯილდოება 6-დან 17 ივლისამდე გაგრძელდა, ღონისძიებას კი არაერთი ცნობილი მსახიობი, მოდელი თუ შოუბიზნესის წარმომადგენელი დაესწრო.
წლევანდელ ფესტივალზე ჟიურის პრეზიდენტი Spike Lee იყო, რომელსაც დახმარებას Mélanie Laurent, Mati Diop, Mylène Farmer, Maggie Gyllenhaal, Jessica Hausner, Kleber Mendonça Filho, Tahar Rahim და Song Kang-Ho უწევდნენ.
კანის კინოფესტივალის მთავარი პრემია – “ოქროს პალმის რტო”, რომელიც კინოსამყაროში ერთ-ერთ ყველაზე პრესტიჟულ ჯილდოდ ითვლება, 58 წლის ამერიკელმა მსახიობმა, რეჟისორმა და პროდიუსერმა, ჯოდი ფოსტერმა მიიღო.
ჯოდი ფოსტერის გრანდიოზული გამოჩენის პარალელურად საზოგადოების ყურადრება ვარსკვლავების გლამურულმა ჩაცმულობებმაც მიიპყრო, რომელთა შორის იყვნენ ბელა ჰადიდი, ტიმოთი შალამე, შერონ სტოუნი, ქენდის სვეინპული, ტილდა სვინტონი და სხვები. ფესტივალის ერთ-ერთმა საუკეთესოდ ჩაცმულმა ვარსკვლავებმა მაღალი მოდის ბრენდების სამოსი მოირგეს.
ერთ-ერთი ყველაზე ეფექტური ნახევრად პალესტინელი, ნახევრად ამერიკელი მოდელის ბელა ჰადიდის ჩაცმულობა გახდა, რომელმაც კანის 74-ე კინოფესტივალისთვის “სკიაპარელის” ოტ კუტიურის კაბა მოირგო.
