ბრიტნი სპირსისთვის 2022 წელი წარმატებულად დაიწყო, 13-წლიანი ბრძოლის შემდეგ ამერიკელი მომღერალი, არაერთი გრემის, ბილბორდისა და MTV-ის ჯილდოს მფლობელი, “პოპის პრინცესად” წოდებული ბრიტნი სპირსი მამის მეურვეობისგან საბოლოოდ გაათავისუფლა.
მიუხედავად იმისა, რომ პოპვარსკვლავი ამჟამად “თავისუფალია”, მისთვის მიმდინარე პერიოდი არცთუ ისე სახარბიელოა.
შემსრულებელმა ცოტახნის წინ სოციალურ მედიაში ახალი პოსტი გამოაქვეყნა და აღნიშნა, რომ ის წონის გამო დიდი ხნის განმავლობაში იტანჯებოდა. ბრიტნის განცხადებით, მამამისი წლების განმავლობაში ეუბნებოდა, რომ “ზედმეტად მსუქანი” იყო და წონის დაკლება სჭირდებოდა.
რამდენიმეთვიანი დიეტებისა და ვარჯიშის შემდეგ ბრიტნიმ საგრძნობლად დაიკლო, რის შემდეგაც მისი განცხადებით მკერდის პლასტიკური ოპერაცია საუკეთესო გამოსავლად მიაჩნდა.
“ახლა ვხვდები, რომ ადამიანები შეიძლება იყვნენ ბედნიერები, არ აქვს მნიშვნელობა გამხდრები არიან თუ ჭარბწონიანები. დიდი ხნის განმავლობაში ვფიქრობდი გამეკეთებინა პლასტიკური ოპერაცია, მაგრამ აზრი მალევე შევიცვალე. ღმერთა იცის, რომ ჩემი წარმატების საიდუმლო არასდროს იყო დაკავშირებული იმასთან, თუ როგორ გამოვიყურებოდი”.
