19 წლის მომღერალი ბილი აილიში საკმაოდ დიდი პოპულარობით სარგებლობს. მუსიკის გარდა ბილიმ სახელი მისი იმიჯითაც გაითქვა, ამიტომ გასაკვირი არ არის, რომ ის ცნობილ ბრენდებთან, დიზაინერებთან და მოდურ გამოცემებთან თანამშრომლობს. ახლახანს მან ჟურნალ Vanity Fair-ის ახალ გადაღებაში მიიღო მონაწილეობა, სადაც რამდენიმე სხვადასხვა იმიჯი მოირგო.
მომღერალმა ჟურნალის გარეკანიც დაამშვენა, სადაც მას ყავისფერი ელემენტებით გაფორმებული ბეჟი სამოსი აცვია. ამას გარდა მომღერალმა კიდევ რამდენიმე იმიჯი მოირგო და შესანიშნავად გამოიყურებოდა. აღსანიშნავია, რომ ბილიმ ბრენდ Burberry-ის სამოსი მოიხდინა.
