ბენდი Collected 2023 წლის 12 აპრილს ჩამოყალიბდა ქუთაისში. შექმნის იდეა ვოკალისტ საბა ქორიძესა და ბენდის პიარმენეჯერ თათია მოსეშვილს ეკუთნის. სახელის არსი და შინაარსი სრულიად გადმოსცემს იმ ადამიანების ერთობლიობას, ვისაც მუსიკის მიმართ დიდი სიყვარული გააჩნია და თავიანთი საქმის პროფესიონალები არიან. ბენდის მომსახურებაში შედის სხვადასხვა სახის (ქორწილი, ბანკეტი, კორპორაციული საღამოები) მქონე წვეულებების მუსიკალურად გაფორმება. ბენდი Collected შედგება ხუთი წევრისგან: ვოკალი – საბა ქორიძე; კლავიში – ნინო ხურციძე; დრამი – თორნიკე კერესელიძე; ბას გიტარა – დავით გაბუნია; გიტარა – ტატო ადეიშვილი.
რეპერტუარი ძირითადად შეადგენს უკვე კარგად მივიწყებული სიმღერების ქავერვერსიებს და თანამედროვე რეპერტუარსაც მოიცავს. შერჩევა ხდება ღონისძიების შინაარსიდან გამომდინარე. ქუთაისის მუსიკალური გემოვნება ბევრ განსხვავებულ ჟანრს აერთიანებს, გააჩნია მსმენელსა და მუსიკალურ გემოვნებას. ბენდის მიზანია, არ იყოს ჩარჩოებში მოქცეული და გააცოცხლოს ისეთი მუსიკა, რომელიც ყველასათვის ძალიან საყვარელი, თუმცა მივიწყებულია. დაუღალავი შრომის შედეგად დაიდო პროდუქტი, რომელსაც საკმაოდ დიდი გამოხმაურება მოჰყვა. ქუთაისის მასშტაბით ჩატარდა საღამოები და დღესდღეობით ერთ-ერთი მოთხოვნადი ბენდია, რომელიც დიდი სიყვარულით უქმნის სასიამოვნო გარემოს სხვადასხვა ბარ-რესტორანს.
