Baby College ერთ-ერთი ყველაზე მოთხოვნადი და ცნობილი ბრიტანული პროგრამაა, რომელიც საქართველოს ბაზარზე რვა თვეა პოზიციონირებს. BABY COLLEGE TBILISI-მა ამ დროის განმავლობაში მოახერხა საზოგადოების ნდობის მოპოვება. ეს არის სივრცე მშობლებისა და ბავშვებისთვის, სადაც ხდება მათი უფრო მეტად დაახლოება. აღნიშნული პროგრამის მიზანია, რომ მშობლებმა კიდევ უფრო მეტად შეუწყონ ხელი ბავშვის ფიზიკურ და გონებრივ განვითარებას. Baby College-ის მიერ შემუშავებული უნიკალური, სახალისო აქტივობები და საინტერესო გაკვეთილები სწავლის პროცესს უფრო სასიამოვნოს და საინტერესოს ხდის. ამ თემაზე უფრო ვრცლად ბები ქოლეჯ თბილისის ფსიქოლოგი, თეკლა გოგბერაშვილი გვესაუბრა.
გაგვცანით BABY COLLEGE TBILISI …
Baby College Program არის ერთ-ერთი ყველაზე მოთხოვნადი პროგრამა, რომელიც 2000 წელს ბრიტანეთში დაარსდა. ის ეტაპობრივად ინერგება სხვადასსვა ქვეყანაში, მათ შორის: იტალიაში, სინგაპურში, ავსტრალიაში, თურქეთში და ახლა უკვე საქართველოშიც.
Baby College საქართველოს ბაზარზე 2023 წლის იანვრიდან გამოჩნდა და უკვე რვა თვეა აქტიურად ფუნქციონირებს. ეს არის უსაფრთხო სივრცე მშობლებისთვის და ბავშვებისთვის, სადაც მშობლებს ეძლევათ საშუალება უკეთ გაიცნონ საკუთარი შვილის/შვილების მოთხოვნილებები და მიიღონ თეორიული და პრაქტიკული ინფორმაცია ბავშვის განვითარების ეტაპებისა და საჭიროებების შესახებ.
რა არის პროგრამის მიზანი? და რა ასაკზეა გათვლილი?
პროგრამის მთავარი მიზანია ბავშვის ფიზიკური და გონებრივი განვითარება, სოციალიზაცია, მშობლისა და ბავშვის ერთმანეთთან დაკავაშირება და ადეკვატური კომუნიკაციის ფორმების ჩამოყალიბება.
პროგრამა შედგება სამი ასაკობრივი კატეგორიისგან: 0-9 თვემდე; 9-18 თვემდე და 18 თვიდან სამ წლამდე ბავშვები. ყველა ასაკობრივი კატეგორიისთვის გაწერილია ფიზიკური და გონებრივი სავარჯიშოები, თამაშები და აქტივობები, რომლებზეც წლების განმავლობაში თავდაუზოგავად და აქტიურად მუშაობენ ბრიტანელი ფსიქოლოგები.
აქტივობებში შედის: ბარათებით მუშაობა, სენსორული აღქმის დარეგულირება, რეფლექსებისა და ვესტიბულარული სისტემის განვითარება, თვალისმიერი კონტაქტის დამყარება, კისრისა და ზურგის გამაგრება, ხმების აღქმა, სოციალიზაცია.
გაკვეთილის ხანგრძლივობა არის 1 საათი, თითო აქტივობას ეთმობა 2-3 წუთი, რათა ბავშვმა შეძლოს კონცენტრაცია და არ მობეზრდეს. აქტივობები მიმდინარეობს ჯგუფურ ფორმატში, სადაც მაქსიმუმ 15 ბავშვია ჩართული.
რა თქმა უნდა, საგაკვეთილო პროცესში მშობელი/მშობლები უშუალოდ არიან ჩართულები, ისინი იღებენ ინსტრუქციას ფსიქოლოგისგან/მასწავლებლისგან და მასთან ერთად მუშაობენ.
აღსანიშნავია, რომ პროგრამის წამყვანი არის კვალიფიციური ფსიქოლოგი/მასწავლებელი, რომელსაც რვა წლიანი გამოცდილება აქვს ბავშვებთან მუშაობის და გადამზადებულია ბრიტანელი Baby College-ის წარმომადგენელი ფსიქოლოგების მიერ. შესაბამისად, აქტივობების შესრულების გარდა მშობლებს ეძლევათ საშუალება დასვან კითხვები, მიიღონ რეკომენდაციები, გაესაუბრონ სხვა მშობლებს.
რა უნარებს განუვითარებს ეს ყოველივე ბავშვს? რაში დაეხმარება ეს მშობელს?
საზოგადოებაში გავრცელებულია აზრი, რომ ბავშვს ბაღის ან სკოლის ასაკამდე არ სჭირდება ზედმეტი აქტივობებით გადატვირთვა. რეალურად კი ბავშვის გაჩენის დღიდანვე საჭიროა მასთან მუშაობა, სწორი კომუნიკაციის ფორმების ჩამოყალიბება და ვარჯიში. სწორედ ამიტომ გვაქვს 0-9 თვემდე ასაკობრივი კატეგორია, რადგან ადრეული ეტაპიდანვე მშობელს ჰქონდეს ინფორმაცია ბავშვის განვითარების ეტაპების შესახებ.
Baby College ეხმარება მშობელს კონკრეტული განვითარების პრობლემების იდენტიფიცირებასა და პრევენციაში. ასევე, მშობლებსა და ბავშვებს ბაღისთვის მომზადებაში, რადგან პროგრამის გავლის შემდეგ ბავშვისთვის აღარ არის უცხო ინსტრუქციების შესრულება, საკუთარი ნივთების მოწესრიგება, მისთვის უცხო ბავშვებთან ან ზრდასრულებთან კომუნიკაცია.
სამოამვლო გეგმები
Baby College-ის მიზანია თბილისში და შემდეგ უკვე რეგიონებშიც, მშობლებს ჰქონდეთ ინფორმაცია ბავშვის განვითარებასა და აღზრდასთან დაკავშირებით.
აღსანიშნავია, რომ ბოლო წლების განმავლობაში ქართულ ბაზარზე მრავალი ბავშვის განვითარებაზე ორიენტირებული კომპანია გამოჩნდა და ქმნიან მრავალ პროდუქტს მშობლებისა და ბავშვების ხელშესაწყობად. ბეიბი ქოლეჯი თანამშრომლობს რამდენიმე ასეთ კომპანიასთან და მომავალშიც იგეგმება საერთო ღირებულებებების მქონე კომპანიებთან თანამშრომლობა.
ამჟამად Baby College-ს აქვს ორი ფილიალი: ვაკის პარკში და ლისზე. ჩვენი მიზანია, როგორც თბილისის, ასევე ახლო მომავალში მოვიცვათ რეგიონებიც.
