Art Aesthetic 8 წელია წარმატებით პოზიციონირებს ბაზარზე. ესთეტიკის ცენტრი ორ ფილიალში – საბურთალოსა და გლდანში, მომხმარებელს სთავაზობს სრულყოფილ ესთეტიკურ მომსახურებას, სადაც თანამედროვე ტექნოლოგია, კვალიფიციური სპეციალისტები და მაღალი ხარისხის ავტორიზებული პროდუქტები ერთიანდება. უახლესი, 2025 წლის მოდელის ოთხსხივიანი ევროპული ლაზერული სისტემა ლაზერული ეპილაციის სერვისი და პრემიუმ კლასის კოსმეტოლოგიური პროცედურები მომხმარებელს საშუალებას აძლევს, იზრუნოს საკუთარ სხეულზე ყველაზე ინოვაციური და უსაფრთხო მეთოდებით. ვრცლად ცენტრის უპირატესობებზე მისი დამფუძნებელი, იაკო ბეციაშვილი გვესაუბრა.
როგორია Art Aesthetic-ის შექმნის ისტორია?
იაკო ბეციაშვილი: „არტ ესთეტიკის“ შექმნის იდეა და სურვილი უკავშირდება ჩემს მრავალწლიან გამოცდილებას ესთეტიკის სფეროში. მსურდა შემექმნა სრულიად ახალი კონცეფციის, ევროპული სტანდარტების შესაბამისი პრემიუმ კატეგორიის სივრცე ქართველი მომხმარებლებისთვის, რომელიც ქალბატონებს შესთავაზებდა სხეულსა და კანზე ზრუნვის ინოვაციურ მიდგომებს ულტრათანამედროვე აპარატურითა და წამყვანი ბრენდების პრეპარატებით.
„არტ ესთეტიკა“ მუდმივად ცდილობს იყოს გამორჩეული ქართულ ბაზარზე. მიუხედავად მომხმარებლების სიმრავლისა, ჩვენ არ ვაძლევთ თავს მოდუნების საშუალებას. ჩვენი გუნდი მუდმივად ცდილობს განვითარებას, ისწრაფვის სიახლეებისკენ, ორიენტირებული ვართ კვალიფიკაციის ამაღლებასა და სიახლეების დანერგვაზე. მიუხედავად ამისა, ვცდილობთ ყოველთვის მისაღები ფასები და ხელმისაწვდომი მომსახურებები შევთავაზოთ ქართველ მომხმარებლებს. სტაბილურად ვინარჩუნებთ ლიდერულ პოზიციებს და გვეამაყება, რომ ათასობით მომხმარებელი გვენდობა.
რას სთავაზობთ საზოგადოებას?
ამ ეტაპზე „არტ ესთეტიკა“ ორივე ფილიალში, საბურთალოზე და გლდანში, მომხმარებლებს სთავაზობს ლაზერულ ეპილაციას უახლესი, 2025 წლის ოთხსხივიანი, ევროპული აპარატურით. ასევე კოსმეტოლოგიურ მომსახურებას სილამაზის სამყაროს რჩეული პროცედურებით. თითოეულ მომხმარებელთან ვიყენებთ მხოლოდ ლიცენზირებულ, ავთენტურ, მაღალხარისხიან და უსაფრთხო პრეპარატებს, რაც იდეალური შედეგის გარანტიაა. ჩვენთან დასაქმებული თითოეული სპეციალისტი არის მრავალწლიანი გამოცდილების მქონე, რასაც გადამწყვეტი მნიშვნელობა აქვს ესთეტიკურ ცენტრში ვიზიტისას.
რომელია დღესდღეობით ყველაზე მოთხოვნადი პროცედურები და ტენდენციები?
თანამედროვე ესთეტიკური მედიცინა მუდმივად სიახლეების დანერგვაზეა ორიენტირებული. ამ მიზნით მუდმივად ვესწრები საერთაშორისო კონფერენციებს, ვეცნობი სიახლეებს და ამის პარალელურად ვცდილობ ქართველ მომხმარებლებსაც ჰქონდეთ საშუალება, გამოსცადონ სხეულზე ზრუნვის ინოვაციური მიდგომები.
ამჟამად ლაზერული ეპილაციის მიმართულებით ძალიან აქტუალურია ჭარბთმიანობასთან ბრძოლა ოთხ სხივზე დაფუძნებული აპარატურით, რომელსაც ბევრად სწრაფი შედეგი აქვს უმოკლეს დროში. კოსმეტოლოგიის მიმართულებით კი პოპულარობით სარგებლობს ისეთი პროცედურები, რომლებიც სილამაზისა და ახალგაზრდობის შენარჩუნებას ახერხებენ ბუნებრივი გზებით, საკუთარი ფერმენტების ხარჯზე. ასევე ძალიან მოთხოვნადია კანის დამატენიანებელი და გამაჯანსაღებელი პროცედურები, ბიორევიტალიზაცია, ბუსტერი. მოგეხსენებათ, ეს პროცედურები სასიცოცხლოდ მნიშვნელოვანია ჩვენი კანისთვის.
გუნდი, რომელიც Art Aesthetic-ს ქმნის…
ეს ყველაფერი ვერ იქნებოდა ასეთი სრულყოფილი ჩემი გუნდის გარეშე. ჩემთვის უმნიშვნელოვანესია სტაბილურ, გამოცდილ, შედეგზე ორიენტირებულ გუნდთან ერთად მუშაობა. ჩვენთან შეხვდებით ადამიანებს, რომლებიც გახსნის დღიდან მუშაობენ „არტ ესთეტიკის“ ცენტრში და უდიდესი წვლილი მიუძღვით მის, როგორც სასიამოვნო სივრცის შექმნაში, ასევე დამოუკიდებელი და ხარისხთან ასოცირებული ბრენდის ჩამოყალიბებაში. მინდა საჯაროდ დიდი მადლობა გადავუხადო თითოეულ მათგანს ერთგულებისთვის.
რა გაძლევთ საქმის კეთების მოტივაციას?
ჩემი საქმე, ეს პროფესია და ის გარემო, სადაც ახლა ვართ, ჩემთვის არის სტიმული, რომ გავაბედნიერო უფრო მეტი ქალბატონი, ხელმისაწვდომი გავხადო კიდევ უფრო მეტი პროცედურა, ხელი შევუწყო როგორც პროფესიონალი კადრების სტაბილურად დასაქმებას, ასევე დამწყები კადრების მოძიებას და მათ კვალიფიკაციაზე ზრუნვას.
ჩვენ ყოველდღიურად ვემსახურებით ათობით პაციენტს და უმნიშვნელოვანესია, რომ გავამართლო თითოეული მათგანის ნდობა.
ტექსტი: სოფიო მალანია
ფოტო: ალექსეი სეროვი
