OK! გიამბობთ ქართველი და ფრანგი გამოცდილი პედაგოგებით დაკომპლექტებული, ფრანგული ენის ახალი ცენტრის „აპოსტროფის“ შესახებ, რომელიც გთავაზობთ ფრანგული ენის კურსებს ყველა დონისა და ასაკისათვის. რას მოიცავს ცენტრის საქმიანობა, როგორია სწავლის მეთოდები და სხვა საინტერესო საკითხების შესახებ დამფუძნებელი მირანდა დავითაშვილი გვიამბობს.
რას მოიცავს ცენტრის საქმიანობა?
„აპოსტროფში“ შეგიძლიათ, აირჩიოთ როგორც ზოგადი ფრანგულის კურსი, ასევე თემატური სახელოსნოები და DELF ის გამოცდებისთვის მოსამზადებელი კურსები. სახელოსნოებიდან გამოვყოფდით ბავშვებისა და მოზარდებისათვის განკუთვნილ შაბათის კურსებს, რომელიც გახსნის დღიდან დიდი პოპულარობით სარგებლობს ჩვენს პატარებში.
ზრდასრულებისთვის შედგენილ პროგრამაში გამორჩეული ადგილი უჭირავს ჩვენს სასაუბრო კურსს. ძალიან გვახარებს, რომ „აპოსტროფში“ ხშირად ეწერებიან ერთი ოჯახის წევრები სხვადასხვა დონის და სპეციფიკის კურსზე. ამ შემთხვევაში, თითოეული მათგანი 20 % მდე ფასდაკლებით სარგებლობს.
გვიამბეთ სწავლის მეთოდებზე.
„აპოსტროფში“ გაკვეთილები ეფუძნება საკომუნიკაციო მეთოდს, რაც ითვალისწინებს ენების საერთო ევროპული ჩარჩოს რეკომენდაციებს. აღნიშნული მეთოდის გამოყენებით, ლექციების დროს მუდმივად ხვდებით ყოველდღიურ საკომუნიკაციო სიტუაციებში, რის შედეგადაც დაწყებითი დონიდანვე მხოლოდ ფრანგულად გიწევთ ამა თუ იმ პრობლემის გადაჭრა. ზოგადი ფრანგულის კურსი სხვა კომპონენტებთან ერთად მოიცავს DELF-ის გამოცდისთვის მოსამზადებელ აქტივობებსაც, რაც იმას ნიშნავს, რომ ჩვენს სტუდენტებს საერთაშორისო გამოცდებისთვის დამატებით მომზადება აღარ ჭირდებათ. ისინი კურსის დასრულებისას მზად არიან, წარმატებით ჩააბარონ DELF-ის გამოცდები.
ასევე გვაქვს კონკრეტულად გამოცდისთვის მოსამზადებელი ჯგუფიც, რაც შესაძლებლობას აძლევს მსურველებს, 1 თვიანი პროგრამის მეშვეობით გაეცნონ DELF-ის სპეციფიკას და ივარჯიშონ კონკრეტულ კომპეტენციებში.
ასევე, ძალიან გვეამაყება ჩვენი ბოლო პროექტი „ფრანგულის სწავლება ანიმაციებით“, რომელიც განკუთვნილია სკოლამდელი ასაკის ბავშვებზე.
ინტერაქტიული მეთოდის გამოყენებით ბავშვები ხალისით სწავლობენ ფრანგულ ენას. მიზნობრივად შერჩეული ანიმაცია მდიდარი საგანმანათლებლო რესურსია, რომლის სწორი გამოყენებაც სწავლის პროცესში ძალიან ეფექტურ შედეგს გვაძლევს.
რა ასაკიდან იღებთ მოსწავლეებს?
რეგისტრაცია შესაძლებელია 3 წლიდან. პედაგოგიური პროგრამები შედგენილია შემდეგი ასაკობრივი კატეგორიებისთვის : 3-5 წლის ბავშვები, 6-9 წლის ბავშვები, 10-14 წლის მოზარდები და 15 წლიდან ზრდასრულების ჯგუფები.
შედეგებზე გვიამბეთ.
გამოცდილი და ენერგიული პედაგოგიური გუნდის მუშაობის შედეგად, აპოსტროფმა უმოკლეს დროში თვალსაჩინო შედეგები აჩვენა. ყველა ჩვენი მოსწავლე წარმატებით აბარებს საერთაშორისო გამოცდებს. ბევრი მათგანი წარჩინებით აგრძელებს სწავლას საფრანგეთის პრესტიჟულ უნივერსიტეტებში. აღსანიშნავია, რომ ჩვენი პედაგოგიური გუნდიც სწორედ საერთაშორისო გამოცდების ჟიურის წევრებითაა დაკომპლექტებული. ესაა უმნიშვნელოვანესი რესურსი ჩვენი სტუდენტებისთვის.
როგორ დაგიკავშირეთ?
რეგისტრაციისთვის ან დამატებითი ინფორმაციისთვის შეგიძლიათ, დაგვიკავშირდეთ შემდეგ მეილზე : [email protected] ან ტელეფონზე : 598 64 54 49, 591 07 92 81, www.apostrophe.ge
სამომავლო გეგმები გაგვაცანით.
2024 წლისთვის ბევრი ახალი პროექტი გვაქვს გაწერილი.
უახლოეს მომავალში კი ვხსნით ახალ, მთავარ ფილიალს თბილისის ცენტრში, გალაკტიონ ტაბიძის ქუჩაზე. დასწრებით სწავლებაზე დიდი მოთხოვნიდან გამომდინარე, ამ ლოკაციაზე შემოგთავაზებთ პირისპირ გაკვეთილებს როგორც ბავშვებისთვის, ასევე უფროსებისთვის. ეს სივრცე შესაძლებლობას მოგვცემს, ახალი კურსები და სახელოსნოები შევთავაზოთ ჩვენს სტუდენტებს. უკვე ვამზადებთ თეატრის სახელოსნოს პროგრამას, რომელსაც ფრანგი პედაგოგი გაუძღვება. რა თქმა უნდა, ისევ გავაგრძელებთ მჭიდრო თანამშრომლობას ჩვენს ძველ პარტნიორებთან. ამიტომ, შაბათის სახელოსნოები ისევ დარჩება „ოთახი ეზოში“.
ეს ყველაფერი დაგეგმილია 2023 წლის ბოლოსთვის. დეტალებს აუცილებლად გამოვაქვეყნებთ როგორც ჩვენს ვებგვერდზე, ისე სოციალურ ქსელებში. ასე რომ, თვალყური ადევნეთ ჩვენს სიახლეებს, რომ საინტერესო აქტივობები არ გამოგრჩეთ!
