ჟურნალი „OK! ქუთაისი“ ამ სტატიაში სამედიცინო ცენტრ „აილაინის“ შესახებ გიამბობთ, რომელსაც თვალის დაავადებათა წარმატებით მკურნალობის მრავალწლიანი ისტორია გააჩნია. ცენტრი აღჭურვილია მაღალტექნოლოგიური აპარატურით და ლიდერია დასავლეთ საქართველოში თვალის დაავადებების პრევენციის, დიაგნოსტიკისა და მკურნალობის დარგში.
უპირველესად, გვიამბეთ სამედიცინო ცენტრ „აილაინის“ შექმნის ისტორია. როდის დაარსდა და რამდენი ხანია ფუნქციონირებს?
სამედიცინო ცენტრი „აილაინი“ დაარსდა 2015 წელს და წარმატებით ფუნქციონირებს 9 წელზე მეტია. კლინიკის მთავარი მიმართულება ოფთალმოლოგიაა. ამ ხნის განმავლობაში ჩატარდა 10 000-ზე მეტი ოპერაცია. 9 წლის თავზე სამედიცინო ცენტრი „აილაინი“ უკვე წარმოდგენილია არა მხოლოდ ქუთაისში, არამედ მთელ დასავლეთ საქართველოში (ბაღდათი, ცაგერი, სამტრედია, ზუგდიდი, მარტვილი, სენაკი, აბაშა, ბათუმი). ჩვენ ყველაფერს გავაკეთებთ მომავალშიც იმისთვის, რომ დასავლეთში ყველასთვის ხელმისაწვდომი გავხადოთ მაღალი სტანდარტის ოფთალმოლოგიური სერვისი.
რა სახის მომსახურებას სთავაზობთ პაციენტებს?
ჩვენს კლინიკაში გამოსაყოფია სამი ძირითადი ოფთალმოლოგიური მიმართულება:
1) პაციენტებს საშუალება აქვთ, ჩაიტარონ სათვალის მოხსნის ოპერაცია (LASIK მხედველობის ლაზერული კორექცია), უახლესი 2023 წლის ექსიმერ ლაზერით ZEISS MEL 90-ით.
2) კატარაქტით დაავადებული ნებისმიერი პაციენტი საყოველთაო დაზღვევის ფარგლებში უზრუნველყოფილია პრემიუმ ხარისხის ამერიკული ბროლით, რაც მთავარია, ყოველგვარი დამატებითი გადასახადის გარეშე.
3) ვიტრეორეტინალური ქირურგია, რომელიც მხოლოდ ჩვენს კლინიკაში ტარდება მთელ დასავლეთ საქართველოში.
მაღალი კონკურენციის ფონზე, რით იპყრობს „აილაინი“ საზოგადოების ყურადღებას?
კმაყოფილი პაციენტების რაოდენობით, კვალიფიციური პერსონალითა და უმაღლესი ხარისხის აპარატურით სამედიცინო ცენტრი „აილაინი“ აღიარებულია დასავლეთ საქართველოში ერთ-ერთ წამყვან დაწესებულებად ოფთალმოლოგიური სერვისების მიმართულებით. კონკურენცია ჩვენთვის არის მოტივაციისა და განვითარების წყარო. ჯანსაღი კონკურენცია ყოველთვის აისახება ხარისხზე.
თქვენი აზრით, რა განასხვავებს „აილაინს“ სხვა სამედიცინო დაწესებულებებისგან?
პაციენტებზე ორიენტირებული, პროფესიონალი თანამშრომლები მომსახურების ყველა რგოლში. ჩემი აზრით, სამედიცინო დაწესებულების წარმატება პაციენტების კმაყოფილებით განისაზღვრება. პაციენტებთან სწორი კომუნიკაცია ერთ-ერთია იმ რამდენიმე ძირითადი მახასიათებლისგან, რაც კლინიკის ხარისხს განსაზღვრავს.
როგორ ფიქრობთ, რა არის „აილაინის“ წარმატების მთავარი საიდუმლო?
კლინიკის გუნდის შედგენისას ჩემთვის მთავარი კრიტერიუმები იყო ცოდნა, გამოცდილება და პროფესიონალიზმი. „აილაინის“ თანმაშრომლები გამოირჩევიან ხარისხიანი განათლებით და პაციენტებთან მუშაობის ხანგრძლივი პრაქტიკით.
გვესაუბრეთ ექიმებზე და იმ გუნდზე, რომელიც „აილაინს“ ქმნის.
ჩვენი პერსონალი მუდამ ცდილობს, თითოეულ პაციენტს შეუქმნას მაქსიმალური კომფორტი, მიაწოდოს უმაღლესი ხარისხის სერვისები და გულდასმით მოუსმინოს მათ უკუკავშირს. პერსონალის თითოეულ წევრს კარგად ესმის ის, რომ ყველაზე კარგი რეკლამა კმაყოფილი პაციენტია.
გაგვაცანით თქვენი სამომავლო გეგმები…
სამედიცინო ცენტრი „აილაინი“ ლიდერია რეგიონში ქირურგიული ოპერაციებით. ჩვენი მომავალი წლის სტრატეგიაა, რაც შეიძლება მეტმა პაციენტმა იცხოვროს სათვალის გარეშე. ჩვენს კლინიკაში წარმატებით ხორციელდება მხედველობის ექსიმერლაზერული კორექცია უახლესი, 2023 წლის, ZEISS MEL 90-ით, რომლითაც შესაძლებელია სხვადასხვა რეფრაქციული მანკის (ახლომხედველობა, შორსმხედველობა, ასტიგმატიზმი) მკურნალობა და სათვალისგან გათავისუფლება. აღსანიშნავია, რომ ეს აპარატი რეგიონში მხოლოდ ჩვენთან, სამედიცინო ცენტრ „აილაინშია“ წარმოდგენილი.
ტექსტი: მარიამ ირემაძე
ფოტო: ნინი გორდაძე
