ჟურნალ OK!-ის მკითხველი Dadvan’s Beauty Room-ის საქმიანობას ძალიან კარგად იცნობს. შესაბამისად, ახალი არ არის ის, რომ ცენტრი უკვე წლებია წარმატებით ოპერირებს ქართულ ბაზარზე და აერთიანებს საზოგადოებისთვის ყველა საჭირო და მნიშვნელოვან პროცედურას. თითოეული მომხმარებლისთვის ცნობილია, რომ აქ ხარისხი და შედეგი უპირველესია, ამიტომ Dadvan’s Beauty Room-ის გუნდი პროფესიონალებითაა დაკომპლექტებული. „ნინო დადვანის ესთეტიკის და სტომატოლოგიის ცენტრის“ გახსნა სწორედ დაგროვილმა წლების წარმატებამ განაპირობა. ამჯერად ჟურნალი OK! ცენტრის გუნდის წევრებს უფრო ახლოს გაგაცნობთ, რომლებიც დეტალურად გვიამბობენ Nino Dadvani Aesthetics and Dentistru Centre-ის საქმიანობის შესახებ.
Dr. ნინო დადვანი – „ნინო დადვანის ესთეტიკის და სტომატოლოგიური ცენტრის“ დამფუძნებელი
წარმატების მუხტი შრომასა და მიღებულ შედეგთან ასოცირდება. ნებისმიერი ახალი პროექტი ჩემს წარმოდგენაში იქმნება. სტომატოლოგიაში მუშაობის 17-წლიანი გამოცდილება მაქვს. საკუთარი კლინიკის გახსნა ჩემი ოცნება იყო. როდესაც შენი საქმე გიყვარს და მთელი გულით ხარ ჩართული მასში, ყველაფერი გამოგივა. ასეც მოხდა. გავიდა დრო და ჩემი სახელობითი კლინიკა და სილამაზისა და ესთეტიკის ცენტრი გავხსენი. დიდი შრომა ჩავდე იმაში, რომ ასეთი გუნდური, ასეთი კომფორტული გარემო ყოფილიყო, როგორც პაციენტებისთვის, ასევე ექიმებისთვის.
რომ არ ყოფილიყვნენ ჩემ გვერდით ოჯახის წევრები – და-ძმა, მეუღლე, რომლებიც ჩემი ყველაზე დიდი მხარდამჭერები იყვნენ და არიან, ალბათ, ასე სრულფასოვნად არც გამომივიდოდა ჩემი ოცნების ასრულება. მადლობა მინდა ვუთხრა ჩემს კოლეგებს, რომლებიც მუდმივად ენთუზიაზმით იზიარებენ ახალ იდეას. სასურველი შედეგის მიღწევა კი ყოველი ახალი საქმის წამოწყების საწინდარია.
ხათუნა ჩხიკვიშვილი – „ნინო დადვანის ესთეტიკის და სტომატოლოგიის ცენტრის“ მენეჯერი
ძალიან გამიმართლა და ვარ უაღრესად ბედნიერი, რომ ამ გუნდის წევრი გავხდი. ვფიქრობ, რომ არა მხოლოდ ჩვენს პროფესიას, არამედ ყველა საქმეს სჭირდება სიყვარული და თავგანწირვა, სწორედ ჩვენი კლინიკის მთავარი მიზანია საკუთარი საქმის სიყვარული, გუნდის ერთობა საერთო საქმის მიმართ. კლინიკაში, იმის გარდა, რომ უახლესი დანადგარებია წარმოდგენილი, ამავდროულად კლინიკა ადაპტირებულია შშმ პირებისთვის. ჩვენი პრიორიტეტია მუდმივი პროფესიული განვითარება, უწყვეტი განათლება, ხარისხზე ორიენტაცია. თითოეული პაციენტის ბედნიერი ღიმილი არის უნიკალური და ამ ღიმილის უკან დგას მთელი გუნდი და თითოეული წევრი. ეს არის სივრცე, სადაც პროფესიონალიზმი, ურთიერთპატივისცემა, მეგობრობა და ერთობლივი ძალისხმევა ჩვენი მთავარი სტანდარტია!
ნინო ვასაძე – „ნინო დადვანის სილამაზისა და ესთეტიკის ცენტრის“მარკეტინგის დეპარტამენტისა და პიარის ხელმძღვანელი.
სამედიცინო სფეროში რამდენიმე თვის წინ ვცადე ჩემი ძალები, შემდგომ დაანონსდა „ნინო დადვანის ესთეტიკის და სტომატოლოგიის ცენტრის“ გახსნა და ვიფიქრე – რატომაც არა. მოვედი და სწორედ ის გარემო აღმოჩნდა, სადაც ვერასდროს ვიფიქრებდი, რომ ასეთი ბედნიერი, კიდევ უფრო პოზიტიური და იდეებით დახუნძლული გავხდებოდი. დიახ, ეს ის ადგილია, სადაც ბედნიერება და ღიმილი უსასრულოა.
თამამად შემიძლია ვთქვა, რომ ცენტრი გამოცდილი გუნდის წევრებით არის დაკომპლექტებული. ბევრი მათგანი მოწვეული ექიმი გახლავთ. სივრცე იძლევა საშუალებას, ჩავატაროთ მასტერკლასები. ჩვენთან მართლაც მეგობრული და სასიამოვნო გარემოა, რათა პაციენტებმა თავი კომფორტულად იგრძნონ ექიმთან ვიზიტისას. სამუშაო მნიშვნელოვან როლს თამაშობს ადამიანის ცხოვრებაში, პროფესიულ საქმიანობაში წარმატებები კი მნიშვნელოვანწილად პროფესიის გააზრებულად არჩევაზეა დამოკიდებული. ჩემი პროფესია PR-ისა და მარკეტინგის სფეროა. მიხარია, რომ ამ დიდი და წარმატებული გუნდის ნაწილი ვარ.
კლინიკის სამომავლო გეგმას წარმოადგენს კიდევ უფრო ზრდა − როგორც პროფესიული, ასევე მაღალტექნოლოგიური მიმართულებებით. კლინიკის ექიმები მუდმივად მონაწილეობენ როგორც ადგილობრივ, ასევე საერთაშორისო კონფერენციებსა და სემინარებში, გადიან მასტერკლასებს.
ირინე გრიგოლავა – ბავშვთა და მოზრდილთა სტომატოლოგი თერაპევტი
ის, რომ ლამაზ ღიმილს შეუძლია უფრო მეტად თავდაჯერებული გაგხადოს, ყველამ ვიცით. მოწესრიგებული პირის ღრუ მხოლოდ ლამაზ კბილებს არ ნიშნავს. აქ აუცილებელია მკურნალობა – ესთეტიკური და ფუნქციური თვისებების აღდგენა.
სამწუხაროა, რომ საზოგადოება მხოლოდ ტკივილის შემთხვევაში ხვდება სტომატოლოგის საჭიროებას. მწვავე კბილის ტკივილისას მთავარი როლი თერაპევტს ეკუთვნის.
პაციენტი დაწესებულების კარს რომ შემოაღებს, ვერ გრძნობს, რომ კლინიკაშია, აქ სასიამოვნო, საინტერესო გარემო და ინტერიერია. თითოეული აქ მომუშავე ექიმი კვალიფიციური და თავისი საქმის პროფესიონალია. ვენდობით ერთმანეთს და აუცილებლად გვერდით ვუდგავართ თითოეულ კოლეგას. ყველაზე მეტ დროს სწორედ ერთმანეთის გვერდით ვატარებთ. ერთის სიხარული და წარმატება ყველას გვიხარია.
გიორგი წყალობოვი – ორთოპედ-იმპლანტოლოგი
კლინიკა თანამედროვე ტექნოლოგიებს ეყრდნობა და ორიენტირებულია, პაციენტს მაღალტექნოლოგიური მკურნალობა და სერვისები შესთავაზოს. ხელმძღვანელობა მომავალზე ორიენტირებულია, ფიქრობენ განვითარებაზე, რაც კლინიკისთვის ყველაზე მნიშვნელოვანია. ჩვენს კლინიკაში კეთდება ყველა ტიპის ორთოპედიული კონსტრუქცია. ყველაზე მეტად გავრცელებული და მოთხოვნადია ცირკონის დიოქსიდის გვირგვინები და პრესკერამიკული ვინირები. ყველა პაციენტს ვუდგებით ინდივიდუალურად და, შესაბამისად, ვქმნით ღიმილის დიზაინს.
დენტალური იმპლანტაცია წარმოადგენს ერთეული და მრავლობითი კბილების დანაკლისის მკურნალობის ერთ-ერთ მეთოდს (და არა ერთადერთს).
თანამედროვე საიმპლანტაციო სისტემები არ წარმოადგენენ საფრთხეს ადამიანის ჯანმრთელობისთვის. მათი წარმატების მაჩვენებელი მერყეობს 95-98%-მდე.
ჩვენს კლინიკაში ტარდება ყველა სახის მანიპულაცია, როგორიცაა ერთეული კბილის დანაკლისის აღდგენა იმპლანტის მეშვეობით, All on 4, All on 6 და All on X კონცეფციით გათვალისწინებული მკურნალობა. ასევე, შესაძლებელია ნავიგაციური შაბლონის გამოყენებით იმპლანტების ჩანერგვა, რაც უფრო მაღალ სიზუსტეს უზრუნველყოფს. დენტალურ იმპლანტებზე შესაძლებელია გაკეთდეს როგორც მოსახსნელი, ისე მოუხსნელი კონსტრუქციები.
გვანცა გაგოშიძე – ექიმი კოსმეტოლოგი
აღნიშნულ სფეროში მართლაც რომ დიდი კონკურენციაა, კოსმეტოლოგიაში 17-წლიანი გამოცდილება მაქვს, ბევრ კლინიკაში მიმუშავია და თამამად შემიძლია ვთქვა, რომ აქ ყველაფერი იმაზე მეტია, ვიდრე შორიდან ჩანს, ეს კი ჩვენი ხელმძღვანელობის დამსახურებაა. კლინიკას ექსკლუზიური უფლება აქვს „ჰოლი ლენდის“ პროდუქციაზე, რომელიც გახლავთ ისრაელის პროფესიონალური სამკურნალო ხაზი. სახის მოვლის პროცედურები „ჰოლი ლენდის“ პროდუქციით ტარდება. რაც შეეხება ინიექციურ კოსმეტოლოგიას, აქ უკვე შეგვიძლია გამოვიყენოთ სხვა პრეპარატები. ჩვენ უპირატესობას ვანიჭებთ ევროპულ და დროში გამოცდილ საინიექციო პრეპარატებს.
კანის მოვლა უმნიშვნელოვანესია, გვესმის ისიც, რომ ეს ყოველივე დაკავშირებულია გარკვეულ ხარჯებთან, თუმცა ჩემი რჩევაა წელიწადში მინიმუმ ორჯერ ჩავიტაროთ სახის მოვლის პორცედურა: აქ იგულისხმება წმენდა, პილინგი, დატენიანება და ა.შ.
მნიშვნელოვანია სახლის პირობებში გაგრძელდეს სახის მოვლის პროცედურა. აუცილებელია დასაბანი საშუალება, საცხი – კანის ტიპის მიხედვით, მზისგან დამცავი სეზონის ნებისმიერ დროს. აღსანიშნავია, რომ კლინიკაში შესაძლებელია „ჰოლი ლენდის“ პროდუქციის შეძენა.
