ლეგენდარული ფრანგი მსახიობი და რეჟისორი, მსოფლიოს ყველაზე სიმპათიურ მამაკაცად აღიარებული ვარსკვლავი, 86 წლის ალენ დელონი ჯანმრთელობის პრობლემების გამო ევთანაზიას ითხოვს. შეგახსენებთ, რომ მსახიობმა რამდენიმე წლის წინ ორმაგი ინსულტი გადაიტანა, ამჯერად კი უმტკივნეულო სიკვდილში დახმარებას საკუთარ შვილს სთხოვს.
“ასაკის მატება ტანჯვაა. ვკარგავ სახეს, მხედველობას, გრძნობ საშინელ ტკივილს, რომელსაც ვერაფრით შველი. ევთანაზია ყველაზე ლოგიკური და ბუნებრივი რამაა, შესაფერის დროს, გარკვეულ ასაკში, ჩვენ უფლება გვაქვს მშვიდად წავიდეთ ამ ქვეყნიდან რაღაც მოწყობილობების დახმარების გარეშე”.
