ვარცხნილობა, რომლითაც 90-იანებში ჰოლივუდის ვარსკვლავები ბრწყინავდნენ, 2025 წლის ზაფხულში ყველაზე ტრენდული იქნება. ბიქსი არის bob – ის და pixie-ს შერწყმით მიღებული ვარცხნილობის ტიპი. მსოფლიოში ერთ-ერთი ცნობილი სტილისტი, ენდრიუ ფიტსიმონსი აღნიშნავს, რომ ბიქსი თითქმის ყველანაირ სახის ფორმას უხდება, რადგან ვარცხნილობის მთავარი იდეა ტექსტურისა და მოცულობის შენარჩუნებაა.
ვარსკვლავები, როგორებიც არიან უინონა რაიდერი, მეგ რაიანი, გვინეთ პელტროუ, კამერონ დიასი, ჰალი ბერი, რეიჩელ ლი კუკი, ნევ კემპბელია და დრიუ ბერიმორი, ინდივიდუალური და განსაკუთრებული სტილით, ბევრი გოგონას შთაგონების წყაროდ იქცნენ. არ უნდა გამოგვრჩეს ნატალი იმბრულია – ავსტრალიელი სერიალის ვარსკვლავი და მომღერალი, რომელიც უამრავ ადამიანის ინსპირაცია იყო, ჩაცმულობითა და მოკლე, ქაოტური ვარცხნილობით.
თუ გგონიათ, რომ ბიქსი მხოლოდ წარსულის ამბავია, გადავხედოთ 2025 წლის ვარსკვლავურ ტენდენციებს. დღეს, ამ ვარცხნილობას უამრავი ცნობილი მსახიობი, მომღერალი თუ მოდელი ატარებს – ჯულია გარნერი, აული’ი კრავალიო, ნიკოლ კიდმანი, ტეილორ ჰილი…
დევინ თოთის, ნიუ-იორკის სალონ SCK-ის სტილისტის თქმით
„ბობი მძიმეა, პიქსი ზედმეტად მოკლე. ბიქსი კი შუალედური და თვითგამოხატვისთვის იდეალურია“.
თუ ზაფხულში რაღაც ახალს ეძებ, რისი მეშვეობითაც ზაფხულის ცხელ დღეებს კომფორტულად გაატარებ და ამასთან, დახვეწილობასაც შეინარჩუნებ – ბიქსი შეიძლება იდეალური არჩევანი იყოს.
ასევე, დაგაინტერესებთ:
#OK! როგორები იქნებოდნენ შავგვრემანი ვარსკვლავები ქერა თმა, რომ ჰქონოდათ
