„გზა“ (The Way) – ფილმი ეძღვნება კათოლიკე მომლოცველების ცნობილ მარშრუტს, რომელიც სანტიაგო-დე-კომპოსტელასკენ მიდის (SANTIAGO DE COMPOSTELA). ათასი წლის განმავლობაში ამ 800-კილომეტრიან გზას გადიოდნენ მორწმუნეები და იგი მთავრდებოდა სანტიაგო-დე-კომპოსტელას ტაძარში, სადაც გადმოცემის თანახმად, მოციქული იაკობია დაკრძალული.
„აფრიკიდან“ (Out of Africa) – მეოცე საუკუნის პირველი ნახევარი. კარენ ბლიკსენი კენიაში მიემგზავრება, სადაც მისი მეუღლე ყავის ახალი სახეობის მიღებაზე მუშაობს. იქ, აფრიკის გულში, ბედისწერა კარენს ნამდვილ და ერთადერთ სიყვარულს შეახვედრებს.
„სანამ სიკვდილი მოვა“ (The Bucket List) – ორი ხანშიშესული ადამიანის ისტორია, რომლებიც კიბოს უკურნებელი სენით არიან ავად. მათ გადაწყვიტეს, რომ სიკვდილის წინ უკანასკნელი სურვილები აისრულონ. მოხუცები გარბიან კლინიკის ონკოლოგიური განყოფილებიდან…
„ველური“ (Wild) – შერილ სტრეიდის ავტობიოგრაფიულ ნოველაზე მსახიობმა რიზ უიზერსპუნმა უფლებები მაშინ მოიპოვა, ვიდრე ნაწარმოები NEW YORK TIMES-ის ბესტსელერთა სიაში მოხვდებოდა და საქვეყნო პოპულარობას მოიპოვებდა. ფილმში, რომელშიც მთავარ როლს „ოსკაროსანი“ მსახიობი თამაშობს და რომლის რეჟისორი 2013 წლის გახმაურებული დრამის, „დალასის მყიდველთა კლუბის“ რეჟისორი ჟან-მარკ ვალეა, მოქმედება შუახნის ქალბატონის ირგვლივ ვითარდება, რომელსაც 1100 მილის გავლა მოუწევს, იმისათვის, რომ საკუთარი თავი იპოვოს.
„შეხვედრები ქვეყნის დასალიერს“ (Encounters at the End of the World) – რეჟისორ ვერნერ ჰერცოგთან ერთად, ანტარქტიდაზე, ამერიკულ კვლევით ცენტრ მაკმორდოს სადგურზე მივემგზავრებით. მას განზრახული აქვს გადაიღოს ფილმი ყველაფრის შესახებ, რასაც წყალქვეშ ნახავს.
„უოლტერ მიტის არაჩვეულებრივი ცხოვრება“ (The Secret Life of Walter Mitty) – ჟურნალ LIFE-ის ფოტომენეჯერი უცნაური ადამიანია, რომელიც მუდმივად ოცნებობს და ხშირად რეალობის აღქმა უჭირს. ერთხელაც ის მიემგზავრება დაკარგული ნეგატივის საპოვნელად…
