ახალი, 2026 წლის სიმბოლო წითელი ცეცხლოვანი ცხენია, რომელიც არა მხოლოდ ნებისყოფისა და ძალის, არამედ ვნებისა და ძლიერი ემოციების სიმბოლოა. სასიყვარულო ჰოროსკოპის მიხედვით, ბევრი ადამიანისთვის მომავალი წელი პირად ცხოვრებაში დიდი ცვლილებების პერიოდად იქცევა – ილუზიები გაიფანტება, ხოლო ნამდვილ გრძნობებს გამოცდა ელით.
თებერვალ–მარტში ზოდიაქოს ბევრმა ნიშანმა შეიძლება რომანტიკული ენერგიის მოზღვავება, ახალი ადამიანებისკენ გაცნობის, გრძნობების გამხელისა და ურთიერთობების გადახედვის სურვილი იგრძნოს. სასიყვარულო ჰოროსკოპი გაფრთხილებთ, რომ წამიერ გატაცებას არ აჰყვეთ – ემოციების მიღმა შეიძლება ნამდვილი ზრახვები ვერ შეამჩნიოთ.
2026 წლის გაზაფხული ფლირტითა და მსუბუქი გატაცებებით იქნება სავსე. ზაფხულში ვითარება შეიცვლება. ასტროლოგების თქმით, ის ზოდიაქოს ნიშნები, რომლებიც ხანმოკლე გართობას ეძებდნენ, მოულოდნელად გააცნობიერებენ, რომ სახლზე, ოჯახზე და იმ ადამიანზე ოცნებობენ, რომლის გვერდითაც შეძლებენ ნამდვილები და ბუნებრივები იყვნენ.
2026 წლის სასიყვარულო ჰოროსკოპი ხაზგასმით აღნიშნავს, რომ ზოდიაქოს ზოგი ნიშნისთვის ეს იქნება შანსი, რომ საბოლოოდ დასვას წერტილი, სხვებისთვის კი შესაძლებლობა, რომ ყველაფერი თავიდან დაიწყონ.
ვერძი
2026 წელი პიროვნული ზრდისა და ახალი შთაბეჭდილებების მომტანი იქნება. მთავარია, იმპულსების კონტროლი, პარტნიორის მოსმენა და მოთმინება ისწავლოთ. შემოდგომაზე შესაძლოა სერიოზული ცვლილებების სურვილი გაგიჩნდეთ, მაგალითად ოჯახის შექმნა ან არსებული კავშირის გაძლიერება მოინდომოთ. ვნებასა და გონებას შორის ჰარმონია თქვენი ბედნიერების გასაღები გახდება.
კურო
ეს წელი თვითანალიზსა და ურთიერთობების გადაფასებას დაუთმეთ. წლის დასაწყისში გარკვეული დრო დაგჭირდებათ, რომ მიხვდეთ, რა გსურთ სინამდვილეში სიყვარულისგან. მთავარია საკუთარ თავთან გულწრფელი იყოთ. შეიძლება იგრძნოთ, რომ საყვარელი ადამიანისგან ძალიან ბევრს ელოდით და მასაც თქვენთანაც მაღალი მოთხოვნები ჰქონდა. ამის გამო დაძაბულობა გაჩნდება, თუმცა შემოდგომა ურთიერთგაგებას გააუმჯობესებს. საკუთარ ინტერესებს ნუ დაივიწყებთ და პარტნიორში ნუ „დაიკარგებით“.
ტყუპები
2026 წელს სიყვარული სასიამოვნო სიურპრიზებსა და მნიშვნელოვან ცვლილებებს გპირდებათ. წლის დასაწყისში შესაძლოა შეხვდეთ ადამიანს, რომელიც ურთიერთობებზე თქვენს შეხედულებას შეცვლის. დაოჯახებული წყვილებს ეს წელი ნდობასა და ურთიერთგაგებას განამტკიცებს. შესაძლოა ქორწინებაზე ან სხვა მნიშვნელოვან ნაბიჯზე დაფიქრდეთ. სისუსტის ჩვენება ნუ შეგეშინდებათ – ეს საყვარელ ადამიანთან უფრო დაგაახლოებთ.
კირჩხიბი
ამ წელს თქვენთვის ემოციური მგრძნობელობა და მხარდაჭერა განსაკუთრებით მნიშვნელოვანი იქნება. გაზაფხული და ზაფხული ახალი კავშირებისა და საბედისწერო შეხვედრების პერიოდია. ყურადღება დაუთმეთ შინაგანი ბალანსის შენარჩუნებას, გარემოებებს თქვენთვის განწყობის გაფუჭების უფლებას ნუ მისცემთ. ზოგიერთი კირჩხიბისთვის ეს ბედისწერისეული შეხვედრების პერიოდია, სხვები კი არსებული კავშირების განმტკიცებაზე იზრუნებენ. წლის მეორე ნახევარში ეცადეთ პარტნიორს მეტად მოუსმინოთ, რადგან თქვენი სითბო მასაც დასჭირდება.
ლომი
2026 წელი აღმოჩენებისა და გამოღვიძების პერიოდია. წლის პირველ ნახევარში მოგიწევთ სიმართლეს თვალი გაუსწოროთ და აღიაროთ გრძნობები, რომლებსაც საკუთარ თავსაც კი უმალავდით. ეს შინაგანი ბარიერების მოხსნაში დაგეხმარებათ. შემოდგომა ნანატრ სტაბილურობასა და წონასწორობას მოიტანს. წლის ბოლოს მოსალოდნელია მნიშვნელოვანი მოვლენები: საცხოვრებელი ადგილის შეცვლა, ოჯახის შექმნა ან სხვა ნაბიჯი, რომელიც თქვენს ცხოვრებას უფრო ბედნიერს გახდის.
ქალწული
ამ წელს ურთიერთობებში სიმარტივისა და პატიოსნებისკენ ისწრაფვით. იანვარი და თებერვალი იდეალურია გულწრფელი საუბრებისთვის. შესაძლოა, ძველ ურთიერთობებს გადახედოთ და დაემშვიდობოთ იმას, რაც განვითარებაში გიშლით ხელს. მაშინაც კი, თუ სამსახურის გამო რომანტიკა მეორეხარისხოვანი გახდება, გახსოვდეთ — საკუთარი თავის სიყვარული ისევე მნიშვნელოვანია, როგორც პარტნიორის.
სასწორი
ჰარმონიული და სტაბილური წელია, მკვეთრ ცვლილებებს ნუ ელოდებით. თქვენი ამოცანაა შინაგანი ბალანსის შენარჩუნება. წლის ყველაზე მნიშვნელოვანი პერიოდი შემოდგომაა – სწორედ ამ დროს არის შესაძლებელი საბედისწერო შეხვედრები, სადაც ინიციატივა უფრო მეტად პარტნიორისგან წამოვა. ზამთარში თქვენი სიმშვიდე და მოქნილობა კონფლიქტების თავიდან აცილებაში დაგეხმარებათ.
მორიელი
ზამთრის თვეები დიდ ცვლილებებს არ გპირდებათ, თუმცა გაზაფხული სიყვარულში ახალ გზას გაგიხსნით. თუ ბედნიერი ურთიერთობების იმედი უკვე დაკარგული გქონდათ, ცვლილებები სასიამოვნოდ გაგაოცებთ. ზაფხულში მოგზაურობა და ახალი ნაცნობობა ნამდვილი გრძნობების პოვნაში დაგეხმარებათ. შემოდგომა ახალ შესაძლებლობებს მოიტანს, მთავარია, საკუთარ თავში არ ჩაიკეტოთ.
მშვილდოსანი
მარტის დასაწყისამდე ინტუიციას ენდეთ – ის საუკეთესო მრჩეველი იქნება. მათთვის, ვინც მეწყვილეს ეძებს, 2026 წლის ზამთარი და გაზაფხული განსაკუთრებით ხელსაყრელი დროა. ივნისიდან ოქტომბრამდე სიმშვიდის პერიოდია. წყვილები ურთიერთობაში ახალ სიღრმეებს აღმოაჩენენ. ოპტიმიზმი შეინარჩუნეთ და ბედნიერება თქვენს მხარეს იქნება.
თხის რქა
წლის დასაწყისი შესაძლოა ემოციურად არასტაბილური იყოს. ეცადეთ, გაღიზიანება საყვარელ ადამიანზე არ გადაიტანოთ. თებერვლის ბოლოდან ჰარმონიის პერიოდი იწყება. გაზაფხული და ზაფხული ახალგაზრდა თხის რქებისთვის რომანტიკით იქნება სავსე, უფროსი თაობის წარმომადგენლები კი მნიშვნელოვან საოჯახო გადაწყვეტილებებს მიიღებენ. შემოდგომაზე ეცადეთ კონტროლი შეამციროთ და ახლობლებს მეტი თავისუფლება მისცეთ.
მერწყული
2026 წელი სტაბილურობასა და სიმშვიდეს გპირდებათ. ნებისმიერ გაუგებრობას მარტივად, კონფლიქტის გარეშე მოაგვარებთ. ზამთარში და გაზაფხულზე ემოციურ განტვირთვაზე იზრუნეთ – გარემოს შეცვლა ურთიერთობას განაახლებს. ივნისის დასაწყისში იგრძნობთ, რამდენად ძლიერია თქვენი კავშირი და ერთობლივი გეგმების განხორციელებას დაიწყებთ.
თევზები
სამყარო გრძნობების სფეროში თქვენს მიმართ განსაკუთრებით გულუხვი იქნება. გაზაფხულზე ურთიერთობები ახალი ფერებით აივსება. ზაფხულში სასიყვარულო თავგადასავლისა და ემოციური გამოცდებისთვის მოემზადეთ. წლის მეორე ნახევარში პარტნიორს მაქსიმალური ყურადღება დაუთმეთ – მას თქვენი სითბო და მხარდაჭერა დასჭირდება.
ასევე დაგაინტერესებთ
