18 იანვარს, ფრანგული პრემიუმ ნიშ ბრენდის, Compagnie de Provence-ის, პრეზენტაცია გაიმართა, სადაც მოწვეულნი იყვნენ ბლოგერები და ინფლუენსერები თავის მოვლისა და სილამაზის სფეროებიდან. პრეზენტაციას დერმატო-კოსმეტოლოგი ნათია თოდუა უძღვებოდა, რომელმაც კანის მოვლისა და ამ პროცესში Compagnie de Provence-ის პროდუქტების როლზე ისაუბრა.
Compagnie de Provence-ის ისტორია 1990 წლიდან იწყება, როდესაც ორმა მარსელელმა მეგობარმა ლეგენდარული მარსელის საპნის ტრადიციის აღდგენა და მისი გათანამედროვება გადაწყვიტა. მარსელის ლეგენდარული საპნის კუბი მნიშვნელოვან ადგილს იკავებდა მათ კულტურულ და ინდუსტრიულ მემკვიდრეობაში, სწორედ ამიტომ ბრენდის დამფუძნებლებმა მისი აღორძინება გადაწყვიტეს.
Compagnie de Provence-ს საპონი მზადდება სწორედ ისე, როგორც საუკუნეების წინ: ქოქოსის მცენარეული ზეთითა და ნატურალური გლიცერინით, ხელოვნური საღებავების, ცხოველური ცხიმის, სინთეზურად აქტიური ნივთიერებების გარეშე, 95%-ზე მეტი ბუნებრივი ინგრედიენტის შემცველობით, თუმცა ბრენდი ახლა უკვე თანამედროვე ვიზუალითა და თავის მოვლის საშუალებების უფრო ფართო ასორტიმენტით გვევლინება, რომელიც ექსკლუზიურად “ავერსის” სააფთიაქო ქსელებშია წარმოდგენილი.
