22 დეკემბერს “ნეტფლიქსზე” რომანტიკული კომედიის Emily in Paris-ის მეორე სეზონის პრემიერა შედგა.
როგორც ადრე, სერიალმა ამჯერადაც ყურადღება მოდის, კულტურის, რომანტიკისა და ფრანგული სამზარეულოს ელემენტებით მიიქცია, ეს ის ერთ-ერთი ყველაზე მნიშვნელოვანი დეტალებია, რომლებიც მაყურებლისთვის სერიალში ყოველთვის მიმზიდველ გარემოს ქმნიან.
საინტერესო სიუჟეტის პარალელურად სერიალმა მაყურებლის ყურადღება მოდის გამორჩეული მომენტებით მიიპყრო. რომანტიკულ კომედიაში ასახულია პარიზული ცხოვრება, თუმცა სერიალი ბევრი სტერეოტიპული შინაარსის სცენას შეიცავს. მიუხედავად იმისა, რომ პროექტს დიდი წარმატება ხვდა წილად და საზოგადოების მოწონება დაიმსახურა, ემილის ჩაცმულობა კვლავ კრიტის ობიექტი არაერთხელ გახდა.
ფრანგი მოსახლეობის ნაწილი აცხადებს, რომ შოუ ეყრდნობა კლიშეებს და ცრურწმენებს, რომლებიც ამერიკელებს მათ საზოგადოებაზე გააჩნია. ემილის ხშირად ახურავს ბერეტი, აცვია მაღალქუსლიანი ფეხსაცმელები, კოქტეილის კაბები და ფლორალური პრინტით გაფორმებული სამოსი. კრიტიკოსების აზრით, სამსახურეობრივი მოვალეობის შესრულების დროს პარიზის ქუჩებში მოსიარულე ემილის ჩაცმულობა ქალაქური ცხოვრების სტილს არ ერწყმის.
ემილის პერსონაჟისგან განსხვავებით, დადებითი გამოხმაურება მოიპოვა მისი ფრანგი მეგობრის ჩაცმულობამ, რომლის როლსაც მსახიობი და მოდელი კამილ რაზატი ასრულებს. მაყურებლის აზრით მისი სტილი უფრო „პარიზული“, ამავდროულად კი მოდური და კომფორტულია. გოგონების რადიკალურად განსხვავებული ჩაცმულობის გამო არსებობს თეორია, რომ ემილის კოსტიუმების უმეტესობაა განზრახაა „არაპარიზულად“ და „უგემოვნოდ“ შექმნილი, რათა ხაზგასმით გამოიკვეთოს განსხვავება თავად ემილისა და მისი ფრანგი კოლეგების სტილს შორის.
არ აქვს მნიშვნელობა, რამდენად კრიტიკულია მაყურებელი სერიალის პერსონაჟების მიმართ, ერთი რამ ფაქტია, სერიალის ორივე სეზონის პრემიერამ წარმატებულად ჩაიარა.
წარმოგიდგენთ Elle-ის მიერ შერჩეულ 11 ყველაზე გამორჩეულ “ლუქს” სერიალის ახალი სეზონიდან.
.jpg)
