უკვე არაერთხელ გვისაუბრია სოციალურ ქსელებზე. იმაზე, თუ როგორ ახდენენ ისინი გავლენას მომხმარებელთა ქცევის ფორმირებაზე და როგორ შეუძლიათ ორგანიზაციებს სხვადასხვა არხი მათთვის სასარგებლოდ გამოიყენონ. თუმცა, მიუხედავად იმისა, რომ ინტერნეტთან წვდომა ყოველდღიურად სულ უფრო მეტ ადამიანს აქვს, ბიზნესები ხშირად ხუჭავენ თვალს და სათანადოდ ვერ აფასებენ სოციალური მედიის შესაძლებლობებს.
ამიტომ, გადავწყვიტეთ დღეს სოციალურ მედია მარკეტინგზე გვესაუბრა და დეტალურად მოგვეყოლა ყველაფერზე, რაც მის შესახებ უნდა იცოდე.
სხვადასხვა სოციალურ მედიას დღესდღეობით დაახლოებით 3.5 მილიარდზე მეტი მომხმარებელი, სხვადასხვა დანიშნულებით იყენებს. მათ ნაწილს კონტენტის შექმნა და დანარჩენებისთვის გაზიარება, ნაწილს კი ინფორმაციის მიღება სურს.
ალბათ გაინტერესებს, რა შეგიძლია გააკეთო შენ, როგორც მარკეტერმა ან ამა თუ იმ ბიზნესის მფლობელმა და როგორ შეგიძლია გამოიყენო სოციალური მედიის შესაძლებლობები მაქსიმალურად.
რა არის სოციალური მედიის მარკეტინგი?
ყველასთვის ცნობილი Investopedia-ს სოციალური მედიის მარკეტინგის განმარტება ასე გამოიყურება: ”სოციალური მედიის მარკეტინგი (SMM) არის სოციალური მედიის ვებგვერდებისა და სოციალური ქსელების გამოყენება კომპანიის პროდუქციისა თუ მომსახურების გასაყიდად.”
მაგრამ ამ განმარტებას აკლია რაღაც ნამდვილად მნიშვნელოვანი. მოდით, უფრო მარტივი და გასაგები გახადოთ: ”სოციალური მედია მარკეტინგი არის თითოეული სოციალური მედიის პლატფორმისთვის მორგებული შინაარსის შექმნის პროცესი, რომელიც გამოიწვევს მომხმარებლის და ზოგადა, მნახველის ჩართულობას და ხელს შეუწყობს შენი ბიზნესის განვითარებას.”
სოციალური მედიის მარკეტინგი გულისხმობს შენს აუდიტორიასთან ან მომხმარებლებთან დაკავშირებას, რომელიც მათ ბრენდის უკეთ შეცნობასა და გაცნობაში ეხმარება. ბუნებრივია, ეს პროცესი მომგებიანია შენთვის, როგორც მარკეტერისთვისაც, რადგან ბრენდის უკეთ გაცნობასთან ერთად, სულ უფრო იზრდება პროდუქტის/სერვისის გაყიდვის შანსიც.
მომხმარებელთან ეფექტური კომუნიკაციის დამყარება შეგვიძლია უბრალოდ ადამიანურ ურთიერთობებსაც შევადაროთ. ისევე, როგორც ოფლაინ სამყაროში, შენი სოციალური მედიის მარკეტინგის წარმატება დიდწილად დამოკიდებულია სამიზნე აუდიტორიის სწორად პოვნასა და მათი სურვილების ასრულებაზე. ყოველივე ამის შედეგად მიიღებ იმას, რომ ადამიანები სულ უფრო ხშირად ისაუბრებენ შენს ბრენდზე და კმაყოფილების შემთხვევაში სხვებსაც გაუზიარებენ საკუთარ შთაბეჭდილებებს.
რატომ არის მნიშვნელოვანი სოციალური მედიის მარკეტინგი დღეს?
21-ე საუკუნეში მომხმარებლის ქცევა მნიშვნელოვნად შეიცვალა. ნაცვლად იმისა, რომ ადამიანები უშუალოდ ესტუმრონ რომელიმე ობიექტს, პირველ რიგში ისინი ათვალირებენ და ამოწმებენ ამა თუ იმ, მათთვის საინტერესო ბრენდის სოციალურ ქსელს. ასევე, აკვირდებიან სხვა მომხმარებლების უკუკავშირს და შეფასებებს, რომლებსაც სოციალურ ქსელებში ძალიან მარტივად იპოვი.
დღეს, შეიძლება თამამად ითქვას, რომ ადამიანები ძალიან დიდ ინფორმაციის წყაროს კარგავენ იმ შემთხვევაში, თუ ისინი სოციალურ ქსელებს აქტიურად არ მოიხმარენ. აქვე, შეგვიძლია Oberlo– ს 2020 წლის სტატისტიკასაც გადავხედოთ და ვნახოთ, თუ რატომ არის სოციალური მედიის მარკეტინგის სტრატეგიის არსებობა ბიზნესისთვის კრიტიკულად მნიშვნელოვანი თანამედროვე სამყაროში:
- მომხმარებელთა 71%, რომლებსაც აქვთ ბრენდის პოზიტიური გამოცდილება სოციალურ ქსელში, სავარაუდოდ, ამ ბრენდს ურჩევენ მეგობრებს და ოჯახის წევრებს
- მილენიალების 90.4%, X თაობის 77.5% და Baby Boomer- ების 48.2% სოციალური მედიის აქტიური მომხმარებლები არიან
- მხოლოდ Facebook-ს თვეში 2,7 მილიარდზე მეტი აქტიური მომხმარებელი ჰყავს
როგორ უნდა აწარმოო სწორი და ეფექტური სოციალური მარკეტინგი?
სოციალური მედიის მარკეტინგულ სტრტარეგიაზე მუშაობა საკმაოდ რთული და მნიშვნელოვანი პროცესია ნებისმიერი ტიპის ბიზნესისთვის. პროცესის სწორად წარმართვას კი გამოცდილი ადამიანის ცოდნის გაზიარება და მისგან წლების განმავლობაში დაგროვილი ცოდნის გაზიარება მნიშვბელოვნად დაეხმარება. თუ გინდა, რომ გაიზიარო საქართველოში პირველი სრულად ციფრული ბანკი “სფეისის” ციფრული მარკეტინგის მენეჯერის, ირაკლი ჩხეიძის 12 წლიანი გამოცდილება, გადახედე მის კურსს: “რეკლამა სოციალურ მედიაში”. Კურსის საშუალებით დეტალურ ინფორმაციას მიიღებ და ისწავლი, როგორ გაუშვა რეკლამა სოციალურ მედიაში და როგორ აწარმოო ეფექტური მარკეტინგული კამპანიები შენი პროდუქტისა თუ სერვისის გასაყიდად.
