გაეროს მოსახლეობის ფონდის (UNFPA) საქართველოს ოფისის და არასამთავრობო ორგანიზაციის „ვიზრუნოთ ერთად“ სოციალური კამპანიის „კაცები ზრუნავენ“ მიზანია, წაახალისოს კაცების, როგორც მზრუნველი მამებისა და მეუღლეების ჩართულობა ოჯახური კეთილდღეობისა და შვილებზე ზრუნვის საკითხებში, რათა მამაკაცებმა უფრო აქტიურად დაუჭირონ მხარი ქალთა თანასწორობას და თანაბრად გაინაწილონ საოჯახო საქმე.
OK! „კაცები ზრუნავენ“ წარმოგიდგენთ კამპანიაში ჩართულ კაცებს – მამებს, რომელთათვისაც გენდერული თანასწორობა, მზრუნველობა, ჯანსაღი გარემოს შექმნა და პასუხისმგებლობის განაწილება მნიშვნელოვან ღირებულებას წარმოადგენს.
კამპანია „კაცები ზრუნავენ“ ხორციელდება შვედეთის მთავრობისა და ევროკავშირის ფინანსური მხარდაჭერით.
ტექსტის შინაარსი წარმოადგენს ავტორების პასუხისმგებლობას და შესაძლოა, არ ასახავდეს გაეროს მოსახლეობის ფონდის, შვედეთის მთავრობის და ევროკავშირის ხედვას.
დათო გორგილაძე – მწერალი, ტელეწამყვანი
დიდი ხანია ჩართული ვარ კამპანიაში „კაცები ზრუნავენ“.
მთელი ამ ხნის განმავლობაში არასდროს დავეჭვებულვარ იმაში, რასაც ვამბობდი მამების ჩართულობაზე შვილის აღზრდის პროცესში, საოჯახო საქმეების გადანაწილებასა და ჰარმონიულ თანაცხოვრებაზე. მოკლედ რომ ვთქვა, ყოველთვის გულწრფელი ვიყავი. თუმცა, მას შემდეგ, რაც შვილი შემეძინა, ანუ რემედიოსის მამა გავხდი, ჩემმა ნათქვამმა პრაქტიკული საყრდენი შეიძინა. ყველაფერმა, რაზეც იქამდე თეორიულად ვსაუბრობდი, წელიწად-ნახევარია ხორცი შეისხა და ახლა ბევრად თავდაჯერებული ვარ საკუთარ პოზიციასა და კამპანიის სიმართლეში.
