როგორც ხშირად ამბობენ, “პატარა შავი კაბა” ნებისმიერი ქალის გარდერობის განუყოფელი ნაწილია, ის არის სამოსი, რომელიც ყველანაირ ღონისძიებას, წვეულებას და შეხვედრას შეუძლია მოუხდინო… შავი ფერი – ავანტგარდული სტილის, ინდივიდუალურობისა და მინიმალისტურობის გამომხატველია, სწორედ ამიტომ ცნობილი ადამიანები წითელ ხალიჩაზე გამოსასვლელად სწორედ ამ ფერის სამოსს ირგებენ. ამერიკელი მოდელი ჰეილი ბიბერიც სწორედ მათ რიცხვს მიეკუთვნება, შავი ახალგაზრდა ვარსკვლავის ერთ-ერთი ფავორიტი ფერია. ჰეილი რამდენიმე საათის წინ დასავლეთ ჰოლივუდში Tiffany & Co-ს მიერ გამართულ წვეულებას დაესწრო, რომლისთვისაც “სან ლორანის” გამჭვირვალე კაბა მოირგო ბრენდის 2023 წლის გაზაფხული/ზაფხულის კოლექციიდან.
