ტელეწამყვანი გიორგი გასვიანი და მის მეუღლე მარიტა მელიქიშვილი მშობლები გახდნენ. ვარსკვლავურ წყვილს ვაჟიშვილი შეეძინა, რომელსაც გალაკტიონი დაარქვეს.
“დაიბადა გალაკტიონ გალა გასვიანი. უსაზღვროდ ბედნიერები ვართ, მადლობა ღმერთს. დიდი მადლობა გაგუას, ნინო ქანთარიას და მთელს მის გუნდს” – წერს მსახიობი სოციალურ ქსელში.
მარიტას ფეხმძიმობის შესახებ ეჭვი თავდაპირველად მაყურებელს გადაცემა “პრაიმშოუს” ანონსის ნახვისას გაუჩნდა, როდესაც გიორგიმ შემდეგი რამ განაცხადა: „ვმალავდით ამ ინფორმაციას, ალბათ, მაყურებელიც ნელ–ნელა ხვდება…“.
29 სექტემბრის გადაცემაში კი აღნიშნული ეჭვი დადასტურდა და ისიც კი ცნობილი გახდა, რომ გიორგის და მარიტას შვილის ნათლიები ნოე სულაბერიძე და ანრი ჯოხაძე იქნებიან.
