ღონისძიების დაგეგმვა ერთ-ერთი ყველაზე მნიშვნელოვანი პროცესია, როგორც დამკვეთისთვის, ასევე კომპანიისთვის, რომელიც საკუთარ თავზე იღებს ამ საპასუხისმგებლო საქმეს. ამ დროს გასათვალისწინებელია უამრავი დეტალი იმისათვის, რომ ყველაფერი შედგეს იდეალურად და ორივე მხარე კმაყოფილი დარჩეს.
ჟურნალი OK! გიამბობთ „ივენტორიქსის“ შესახებ. ეს გახლავთ კომპანია, რომელიც დაგეხმარებათ ჩაფიქრებული ღონისძიების ორგანიზებაში ისე, რომ შედეგმა მოლოდინს გადააჭარბოს და თქვენთვის მნიშვნელოვანმა თარიღმა დაუვიწყარი მოგონებები დაგიტოვოთ. მიზნის შედეგად ქცევა – სწორად შერჩეული კომპანიის სანდოობაზე, მის იმიჯსა და რეპუტაციაზეა დამოკიდებული, რაც „ივენტორიქსმა“ კომპანიის მთავარ უპირატესობად აქცია და მომხმარებელს გარანტირებულ შედეგს ჰპირდება.
კომპანიის დამფუძნებლები სამი მეგობარი − ანი კალანდაძე, ნინა ხითარიშვილი და თამუნა ჭიღლაშვილი არიან, რომლებმაც ბავშვობის ოცნება რეალობად აქციეს და დღეს მათთვის საყვარელ საქმეს სიამოვნებით აკეთებენ. მიუხედავად იმისა, რომ „ივენტორიქსი“ პანდემიის პერიოდში, 2020 წლის 5 ოქტომბერს დაფუძნდა, შეძლო ერთგული მომხმარებლების მოზიდვა და მათთვის მნიშვნელოვანი დღეების ორგანიზებაში, უმნიშვნელოვანესი, ყველაზე საპასუხისმგებლო როლის დაკავება.
ხარისხზე ორიენტაცია დღევანდელობის მთავარი გამოწვევაა. მაღალი კონკურენციის პირობებში კი, მაქსიმალური პასუხისმგებლობით, „ივენტორიქსი“ დროის მინიმალური დანახარჯით თქვენს იდეას წარმატებულ პროექტად აქცევს.
კომპანია გთავაზობთ ღონისძიების დაგეგმვის სრულ მომსახურებას, მათ შორის: საქორწინო ღონისძიებების ორგანიზებას, დაბადების დღის ორგანიზებას, კორპორაციული ღონისძიების ორგანიზებას, სხვადასხვა სადღესასწაულო სუფრის გაფორმებას, ნათლობას, ნიშნობას და სხვა. „ივენტორიქსი“ სამომავლოდ კიდევ უფრო მასშტაბური ღონისძიებების გაფორმებას და ორგანიზებას გეგმავს.
სერვისის ეფექტურობა ერთობლივი მუშაობით მიიღწევა, მასშტაბურობაც გუნდურობაზეა დამოკიდებული. საკუთარი იდეის ხორცშესხმა ანდეთ მას, ვინც ადამიანურ, მატერიალურ და დროის რესურსს არ დაიშურებს თქვენი წარმატებისთვის.
