ქართველი მეცო-სოპრანო, ნინო სურგულაძე ნეაპოლში მიღებულ წარმატებაზე გვიამბობს, რომელიც ბუბა კიკაბიძის ხსვნას მიუძღვნა:
„გუშინდელმა რიგოლეტოს პრემიერამ დიდი წარმატებით ჩაიარა იტალიაში, კერძოდ ნეაპოლში. მაყურებელი დიდ ხანს უკრავდა ტაშს რამაც მთელი დასი გაგვახარა. ჩემს გვერდით იდგნენ მსოფლიოში წამყვანი მომღერლები, სოპრანო ნადინ სიერა, ბარიტონი ლიუდოვიკ ტეზიე და სხვები. ყველამ არაჩვეულებრივად შეასრულა თავისი მისია, დაწყებული სან კარლოს თეატრის ორკესტრით და გუნდით დამთავრებული არაჩვეულებრივი კოლეგებით და მაესტრო ლორენცო პასერინის დირიჟორობით.
მადლობა ნეაპოლს ამ სითბოსთვის.
ეს პრემიერა სიყვარულით მივუძღვენი ბუბა კიკაბიძის ხსოვნას…
მიყვარხართ,
თქვენი ნინო.“
შეგახსენებთ, რომ 15 იანავრს, ნეაპოლში „რიგოლეტოს პრემიერაზე“ წარსდგა დასთან ერთად.
