ქართველი მომღერალი, ნინი ნუცუბიძე „მთავარი არხი“-ს გადაცემაში „დილა მშვიდობისა საქართველო“-ში იყო სტუმრად, მან იმ რთულ გზაზე ისაუბრა რომელიც პროექტში მოხვედრამდე გაიარა:
„რომ მცოდნოდა როგორი რთული იქნებოდა, შესაძლოა არც წავსულიყავი. ჩასვლისას, ადამიანი, რომელიც უნდა დამხვედროდა ვერ დამხვდა და ქუჩაში დავრჩი.. არც პირველი და არც უკანასკნელი ქართველი ვარ ვისაც ასე დაემართა. კვირაზე მეტი გავატარე ნიუ-იორკის მეტროში შემდეგ კი გადავწყვიტე ჩემი სიამაყე გვერდზე გადამედო და დამერეკა ნებისმიერი ადამიანისთვის, რომელსაც ვიცნობდი..“
მას ამერიკაში ჩასულს მისი მეგობარი საბა დაეხმარა, რომელმაც შეიფარა ბრუკლინში, პირველი სამსახურიც მაშინ იშოვა ბურიტოების გამკეთებლად:
„ჩემი მეგობარი საბა დამეხმარა, მასთან გადავედი საცხოვრებლად ბრუკლინში, სააგენტოების დახმარებით ვიპოვე ჩემი პირველი სამსახური.. ბურიტოებს ვაკეთებდი, საშინლად მეზიზღებოდა ეს საქმე.. მალევე ვიპოვე სამსახური სადაც სიმღერას შევძლებდი. შაბათ-კვირას ვმღეროდი, კვირის დღეებში კი მიმტანად ვმუშაობდი. წლების განმავლობაში.დროთა განმავლობაში დავიწყე რესტორნებში და ქორწილებში სიმღერა. ყველაზე რთული ჩემთვის არის ყოველდღიური ცხოვრება, ჩემი ოჯახის გარეშე გატარებული და არა რამდენიმე კვირა მეტროში ცხოვრება.“
როგორც ნინიმ, აღნიშნდა პროექტში 6-ჯერ სცადა მოხვედრა, აქამდე მცდელობებმა უშედეგოდ ჩაიარა, თუმცა ახლა გაუმართლა და 56 მონაწილეს შორის იმყოფება:
„6 ჯერ ვცადე რეალურად ამ პროექტში [The Voice] გასვლა.. ძალიან რთულია ასეთ პროექტებში მოხვედრა. როგორც იქნა შრომა დამიფასდა და მეც გამიმართლა. 120 ადამიანი შეგვარჩიეს აქედან 100 დარჩა, რომლებმაც ფსიქოლოგიური ტესტი გავიარეთ. თითო გუნდში 14 ადამიანი რჩება ჯამში 56 ადამიანი გადავიდა შემდეგ ტურში. იმდენად დიდი სურვილი მქონდა ოთხივე მწვრთნელის შემოტრიალების, რომ სამყარომ მისმინა.
მე გვენთან ვაპირებდი წასვლას, მეორე ვერიად ნაილს ვფიქრობდი, თუმცა ნაილმა ისე გაიგიჟა თავი.. როგორ გავუძლო მის ლამაზ თვალებს თქო და ნაილი ავირჩიე.. ეს ხუმრობით, ვცდილობ გული რასაც მიკარნახებს ისე მოვიქცე.. დავინახე, რომ ნაილს ყველაზე მეტად უნდოდა ჩემთან მუშაობა და ამიტომ ავირჩიე ის. შემდეგი ეტაპი არის„ რინგები“, სადაც შევებრძოლები ჩემივე გუნდიდან ერთ-ერთ წევრს, ამას ძალიან მალე გაიგებთ მომავალი კვირის სამშაბათიდან,“
ასევე იხილეთ:
