15 წლის მოდელი, მარიშა გვიდანი გარდაიცვალა. ამ ამბავს სოციალურ ქსელში სამოდელო სააგენტო „Geo Models“ – ეხმაურება:
ჩვენი გუნდი ღრმა მწუხარებას გამოთქვამს დატრიალებული ტრაგედიის გამო და უსამძიმრებს მარიშა გვიდანის გარდაცვალებას ოჯახის წევრებს, ნათესავებსა და მეგობრებს…ეს ანგელოზი ბავშვი შეიწირა ნასვამ მდგომარეობაში მყოფმა მძღოლმა, რომელმაც საგზაო წესების დარღვევის შედეგად, ასე გადაწყვიტა 15 წლის მარიშას ბედი…ვერცერთი სიტყვა ვერ გადმოცემს იმ სიმძიმეს და ტრაგედიას, რომელსაც თითოეული ჩვენგანი გრძნობს და განიცდის…ნათელში ამყოფოს ღმერთმა შენი სული მარიშა, შენ იყავი ადამიანი, რომელიც ყოველთვის გვემახსოვრება და დარჩება ჩვენს გულებში.
1 კვირის წინ მარიშას არაფხიზელ მდგომარეობაში მყოფი ადამიანი მანქანით დაეჯახა, მას მერე კომაში იმყოფებოდა, დღეს დილით კი გარდაიცვალა:
“ნასვამი მძღოლი დაეჯახა ტროტუარზე.. ერთი კვირა აპარატზე იყო მიერთებული.. 15 წლის იყო, საოცარი ხასიათის, უნიჭიერესი..”
